الست القوية هي ست بتحب نفسها وبتقدرها، بتعتز بشخصيتها وفكرها وبآرائها، من غير تعنت وتربسة دماغ وعند.. لا ترتدي أقنعة زائفة حتى تعجب الآخرين أو تعجب شريكها.. تضع حدودًا واضحة مع الجميع لتحمي نفسها (بتحمي حدودها النفسية).. لا تذوب في أحد.. لا تدفن كيانها الحقيقي داخل أحد.. لها اهتماماتها وحياتها.. هدفها الأسمى في الحياة أن يكون لها بصمة وأثر، وهو هدف أكبر من مجرد علاقة مع رجل فقط، وهذا لا يمنع أن تكوين علاقة مميزة مع رجل تحبه قد يكون أحد الأهداف المهمة في حياتها… تعرف كيف تعيش سعيدة ومستقلة بدون رجل وعندما تحب رجلًا وتختاره تكون سندًا ودعمًا وصديقة وحبيبة له ويكون لها بالمثل.. تشارك رجلها الحياة بكل ما فيها.. تتعامل معه كشخص بالغ، ناضج كامل الأهلية بكل ود وحب ورحمة ومشاركة واستيعاب وقبول وتفهم ولا تتعامل كطفلة فاقدة الأهلية تبحث عن أب يعتني بها ويعيد تربيتها من جديد.. الست القوية بتربي نفسها مش محتاجة حد يربيها.. الست القوية مش محتاجة تكون أم لراجلها، مش محتاجة تفضل تحاوط عليه زي العيل الصغير علشان تسيطر عليه زي مالستات الغلبانة بتعمل.
تجربتي: 10 أغنيات ملهمة ومحفزّة بتساعدني وقت الاكتئاب
الست القوية شايفة نفسها إنسان ليه احتياجات وحقوق وعليه واجبات وكذلك الرجل.. لا شايفة نفسها فوقيه ولا شايفها نفسها تحتيه.. لا فوقية ولا دونية.. إنسانية وود ورحمة وتراحم.. ربنا كرمنا إحنا الاتنين بمجرد إنه خلقنا ونفخ فينا من روحه..
مين هي السترونج انديبيندنت إللي بصحيح؟
الست القوية مش شايفة نفسها في حرب مع الراجل عايزة دايمًا تكسبها علشان ترتاح.. الست القوية عارفة كويس إنه في ضعفها الأنثوي قوة كبيرة وبتعرف الضعف ده مين الراجل إللي يستاهل يشوفه.. وإللي هيقدره ومش هيسئ استخدامه.. الست القوية محتاجة راجل مش “ذكر”.. شخص اشتغل على نفسه نفسيًّا وذهنيًّا وعاطفيًّا ومهنيًّا فمابقاش محتاج يستخدم دفاعات نفسية هشة ومزيفة وخيبانة علشان يحس إنه راجل عليها..
*هذا المقال يعبر عن وجهة نظر الكاتبة ولا يعبر بالضرورة عن رأي راحة بالي.
التعليق باستخدام حساب فيس بوك