أغلب الأمهات بتهتم جدًا بمتابعة وزن الجنين خلال الحمل شهر بشهر، ورغم إن الوزن لوحده مش دلالة على الصحة الجيدة للجنين، ولكنه واحد من العلامات المهمة على التطور الطبيعي للجنين، أو لو الوزن أزيد من الطبيعي، فبيدل على مشاكل تانية في الحمل أو في صحة الجنين لا قدر الله، وعلشان تعرفي المقياس الصحيح لوزن الجنين، هنقولك على متوسط الوزن الطبيعي للجنين شهر بشهر.
-
وزن الجنين في الشهر الأول
ده بيكون لسا مفيش أي وزن يُذكر للجنين، وبيكون يادوب لسا كيس الحمل متكون، والبويضة اتلقحت واتثبتت في جدار الرحم.
-
وزن الجنين في الشهر التاني
وزن الجنين بيكون 1 جرام، وده اللي بيخلي وزن الأم مش بيبان عليه زيادة ولا بطنها بيظهر عليها الحمل.
-
وزن الجنين في الشهر التالت
وزن الجنين في الشهر التالت بيكون 14 جرام.
-
وزن الجنين في الشهر الرابع
وزن الجنين في الشهر الرابع من الحمل بيكون تقريباً 100 جرام.
-
وزن الجنين في الشهر الخامس
في الشهر الخامس بيكون وزن الجنين 300 جرام.
-
وزن الجنين في الشهر السادس
لو انتي في الشهر السادس فبيكون وزن الجنين 600 جرام
-
وزن الجنين في الشهر السابع
اما وزن الجنين في الشهر التاسع بيكون كيلو و 5 جرامات
-
وزن الجنين في الشهر التامن
بيكون وزن الجنين في الشهر التامن كيلو و 918 جرام، (حوالي 2 كيلو)
-
وزن الجنين في الشهر التاسع
الوزن بيكون 2 كيلو و 622 جرام
-
نهاية الحمل والأسبوع الـ 40
3 كيلو و 462 جرام
وتقدري تشوفي مراحل تطور الحمل وتكوين الجنين شهر بشهر
-
نصايح عامة مرتبطة بوزن الجنين:
- قبل ما تقلقي، لازم تعرفي إن المقياس ده بيحسب (متوسط) الوزن، فلو جنينك وزن أكتر أو أقل من الوزن المكتوب، فدي مش حاجة تقلق، إلا لو الطبيب المتابع بلغك إن في مشكلة في الوزن.
- في فرق ما بين عمر الجنين وعمر الحمل، وده اللي بيعمل لخبطة للأمهات في الحسابات، وتبدأ تحس إن جنينها وزنه قليل على عمره، في حين إنها بتكون بتحسب عمر الحمل.
- الشهور الأولى وزن الجنين بيزيد فيها ببطء، على عكس الشهور الأخيرة اللي نموه فيها بيكون ملحوظ جدًا.
- من الحاجات المهمة اللي الأطباء بيتابعوا عشانها وزن الجنين، هو تحديد طريقة الولادة إذا كانت طبيعية أو قيصرية، لإن لو الجنين وزنه زائد جدًا، فالولادة القيصرية بتكون مرجحة في الحالة دي.
- وزنك مالوش علاقة بوزن الجنين، في حوامل بيكون وزنهم زايد جدًا في الحمل، ومع كده الأجنة بتكون وزنها طبيعي.
- خليكي مع كلام الدكتور، وماتمشيش ورا آراء جروبات الأمهات، ولو خفتي من حاجة، ارجعي لدكتورك فورًا.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك