أمهات كتير بتخاف لما تلاقي البيبي في الشهور الأولى من عمره وزنه مش بيزيد، أو حتى بينقص شوية، الحقيقة إن في أمهات بتبالغ في الخوف ده وبتفكر إن كل ما الرضيع كان مليان وكلبوظ كل ما كانت صحته أحسن، والعكس بالعكس، لكن الحقيقة إن وزن الرضيع مش دلالة -لوحده- على الصحة الجيدة أو غير الجيدة، إلا في حالات معينة، تعالي نعرف إيه هي أسباب عدم زيادة وزن البيبي والحالات الطبيعية وغير الطبيعية لثبات أو نقصان وزن الرضيع وامتى الحالة تستدعي زيارة دكتور الأطفال.
أسباب طبيعية لعدم زيادة وزن الرضيع
ودي الأسباب اللي مفيش منها قلق، واللي بتكون شائعة ما بين الرضع:
-
الحركة الزايدة للرضيع
في رضع بيكونوا نشيطين وحركتهم واضحة، فده بيخليهم يفقدوا وزن بشكل ملحوظ، وده هتعرفيه لما تلاقي البيبي بيفرك طول الوقت، وبيحاول يتقلب على جنبه، أو بيحرك رجليه وإيديه كتير أوي، وبيكون مستمتع مش بيزن ولا بيعيط وهو بيعمل كده.
-
الرضاعة الطبيعية مش كافية
في حالات بيكون لبن الأم مش كافي للبيبي، وده بيسبب قلة تغذية وبالتلي نقص في الوزن، وفي الحالات دي الأم محتاجة تشوف طبيب علشان هو اللي يحدد إذا الرضيع محتاج رضاعة صناعية ولا تكنيك مختلف للرضاعة الطبيعية.
وتقدري تشوفي المقال ده: “أنا لبني خفيف”.. الحقيقة وراء جملة الأمهات المرضعات
-
نوم الرضيع الكتير
الأطفال في الشهور الأولى بيناموا من 14 لـ 17 ساعة في اليوم في أغلب الأحوال، والمفروض إن الرضيع بيصحى كل 4 لـ 5 ساعات علشان يرضع، لكن لو فترات الصحيان دي قلت، فالبيبي أكيد هيرضع أقل، وده هيسبب نقص في وزنه.
-
العدوى
الميكروبات والفيروسات بتسبب ارتفاع درجة الحرارة عند الأطفال، وده بيسبب فقدان شهية للبيبي فبيأثر على وزنه، ومن أمثلة العدوى اللي بتيجي للرضع:
- الإصابة الفيروسية أو البكتيرية للجهاز التفسي العلوي.
- التهابات الجهاز البولي.
- التهابات الرئة.
- الإصابة بالديدان، ودي بتأثر على امتصاص المواد الغذائية المهمة،وده بيؤدي لسوء التغذية وفقدان الوزن.
-
الإصابة بالارتجاع المريئي
الارتجاع المريئي شائع بين الرضع، لكن في الحالات الشديدة ممكن يؤدي لالتهاب المريء وده بيخلي البيبي يفقد شهيته فمياكلش فيفقد وزنه، وده بيشخصه طبيب الأطفال.
والمقال ده هيكون مفيد ليكي: الارتجاع عند الأطفال .. أسبابه وأعراضه وطرق علاجه
-
ضيق في البواب
وهو ضيق يحصل بين المعدة والأمعاء بيمنع الطعام من المرور، وبيؤدي إلى القيء المستمر، وده بيزيد من خطر الجفاف وبالتالي فقدان الوزن.
-
حساسية الحليب
يمتلك بعض الرضع حساسية تجاه الحليب، ومن أعراضه فقدان الوزن، والقيء، والإسهال، وتشنجات البطن، وإسهال دموي أحيانًا، وفي الحالة دي الطبيب هيكتب للرضيع الحليب الصناعي المناسب لحالته.
-
أسباب جينية
قد يكون سبب الوزن القليل عند الرضيع هو سبب متعلق بالوراثة والجينات، ودي حاجة ما تدعوش للقلق خالص، هي تركيبة جسمه كده.
أسباب غير طبيعية وتستدعي زيارة الطبيب لعدم زيادة وزن الرضيع
- الجفاف
- أمراض القلب عند الرضع
- الإصابة بأمراض معينة زي:
- تضخم الغدة الكظرية الخلقي.
- ضعف الجهاز المناعي.
- سوء الامتصاص.
- أمراض الكلى والكبد.
- أمراض الرئة المزمنة.
وبنتمى لكل الأطفال الصحة والسلامة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك