بنسمع حاليًا كتير عن حوادث تنمر ضد أطفال من ذوي الهمم، وبنحس بحزن وعجز وأقصى حاجة بنعملها إننا ننشر الفيديوهات دي عالسوشال ميديا على أمل إن ثقافة التعامل باحترام مع المختلفين عننا تنتشر وما نشوفش طفل بيتأذي أبدًا.
وعلى أد ما الحاجات دي محزنة ومؤثرة جدًا وبتخوف كل أم عندها ابن مختلف، على أد ما اتنشر مفرح جدًا النهاردة بيقول فيه وزير التعليم طارق شوقي إن تدريس لغة الإشارة هيتعمم على كل طلاب المدارس المصرية ضمن برنامج تعليمي شامل بالتعاون مع اليونيسيف وبدعم من السفارة البريطانية في القاهرة.
لغة الإشارة
وكان نص الخبر الخاص بالجزء ده كالتالي: “وكشف وزير التربية والتعليم والتعليم، لأول مرة سيتم تدريس لغة الإشارة لجميع طلاب مدارس مصر فى نظام التعليم الجديد لكيفية التعامل مع زملائهم.”
بنتمنى من كل قلبنا إن المشروع ده يتنفذ وإن الطلاب وأولياء أمورهم يتجاوبوا معاه إيجابيًا، لأنه هيفرق جدا في أخلاق وثقافة مجتمعنا.
التعليق باستخدام حساب فيس بوك