محتويات المقال
مع مرور السنين، شكل الوش بيتغير وبتظهر خطوط وتجاعيد الوجه وده نتيجة لإن فيه مواد بيتغير إفرازها وأهمها هي بروتين الكولاجين. نسبة إفراز الكولاجين بتكون أقل مع العمر وعشان كده، بنحتاج دايماً تحفيز الكولاجين للبشرة سواء بالكريمات ومنتجات التجميل والطرق الجراحية زي الحقن أو بطرق الطبيعية.
طرق تحفيز الكولاجين للبشرة والوجه طبيعيًا
أول حاجة محتاجة تعرفيها إن الكولاجين لو مش موجود في أكلك، هيبقى مظاهر التقدم في العمر أسرع في الظهور. عشان كده، تقدري بالأكل تحفزي الكولاجين في بشرة الوجه عشان تحافظي على بشرة ناعمة وصغيرة ومشدودة، ومن غير تجاعيد كتيرة. وكمان فوائد الكولاجين مش بس في شد البشرة وتصغيرها، ده كمان في تليين المفاصل وتغذية العضلات وتبطين مسار الجهاز الهضمي كله.
كمان تقدري هنا تقري عن طريقة عمل تمارين اليوجا للوجه عشان بشرة أنضر وأصغر في السن.
أكلات لتحفيز الكولاجين للوجه طبيعيًا
البروتينات
زي ما قلنا، الكولاجين أصلًا بروتين وعليه فأكتر أكلات محتاجة تاكليها هي البروتينات، يعني اللحوم والبقوليات والبيض ومنتجات الألبان
فيتامين C
فيتامين C كمان بيساعد جدًا في تحفيز إنتاج الكولاجين. وتقدري تلاقيه (من غير أدوية) في الموالح زي البرتقال والليمون واليوسفي والجريب فروت، وفي خضروات زي الفلفل الأحمر والأخضر والطماطم والبروكلي.
المعادن
معادن الزنك والنحاس مهمة جدًا في إنتاج الكولاجين برضه وهي موجودة في اللحوم والأسماك والمكسرات والحبوب الكاملة والبقول.
شوربة الكوارع
أيوة، قريتيها صح! شوربة الكوارع أو أي شوربة لأي عضم حيواني أو قشور سمك مصدر غني بالكولاجين وبتفيد المفاصل والبشرة والعضلات.
طرق طبيعية لتحفيز الكولاجين للبشرة
الألوفيرا أو جل الصبار
جل الصبار سواء في هيئته الخام أو في منتجات بشرة تحتوي عليه مفيد جدًا في تحفيز خلايا البشرة على إنتاج الكولاجين.
المحظورات
عشان تحفزي الكولاجين، فيه حاجات لازم تبطليها عشان تعرضك لها بيسبب إن البشرة تعجز أكتر ودول:
- التعرض لآشعة الشمس من غير حماية الصن بلوك.
- التدخين.
- التعرض لهواء ملوث. وعشان ده مش في إيدينا، ممكن تستخدمي ماسكات وكريمات تحتوي على الطمي لأنها بتساعد منع آثار التعرض للتلوث.
التعليق باستخدام حساب فيس بوك