المكرونة أعظم اختراع قدمته إيطاليا للعالم كله في مجال الأكل، مكونات بسيطة وأساسية عملوا منها عجينة المكرونة اللي بيطلع منها أفكار لا نهائية ملهاش عدد. على مدار العصور ومع إيقاع الحياة السريع، المكرونة الطازة المصنوعة من العجينة بقت تتصنع في مصانع كبيرة بكل أشكالها، وبقت واحدة من أسرع وأسهل الأكلات الموجودة في العالم كله، وما بقاش فيه مطبخ ما فيهوش أكياس المكرونة!
أطباق المكرونة أغلبها بسيطة وسهلة في تحضيرها، لكن اللي بيفرق طبق عن التاني هو جودة المكونات المستخدمة. عشان كده، إيطاليانو قدرت تكسب ثقة ملايين من المصريين من خلال منتجها عالي الجودة، وقدرت تحقق مكانة كبيرة في مدة قصيرة وتنافس المنتجات العالمية بجودتها وتغليفها المبتكر وأشكالها المتنوعة. ولإن الابتكار مع إيطاليانو مالوش حدود، النهارده جايبين لك حاجة غريبة شوية، بس لو جربتيها، بجد هتحبيها قوي وكمان أطفالك هيعشقوها، وهي وصفات مسكرة بمكرونة إيطاليانو تقدري تقدميها لولادك كصنف حلو سهل وسريع ومبتكر. جربيها ونحب دايمًا تشاركينا رأيك.
مكرونة إيطاليانو بالكاكاو وحشوة بودينج الشوكولاتة
مكرونة – المصدر italymagazine
من الأشكال المختلفة والمبتكرة جدًا لمكرونة إيطاليانو الأصداف الكبيرة. والنهارده هنقدمها لك بشكل مختلف وسهل جدًا
المقادير
- 1 عبوة مكرونة أصداف كبيرة من إيطاليانو
- 1/4 كوب كاكاو مخلوط بـ 1/2 كوب سكر بودرة
- بودينج شوكولاتة جاهز
- فواكه مقطعة للتقديم (اختياري)
الطريقة
- اسلقي المكرونة حسب التعليمات الموجودة على العبوة.
- سيبيها تبرد شوية وبعدين غرقيها في الكاكاو والسكر البودرة.
- رصيها في طبق التقديم وامليها ببودينج الشوكولاتة، تقدري تزينيها بالفواكة المشكلة لو حبيتي.
مقرمشات السباجيتي بالعسل والفسدق
مكرونة – المصدر italymagazine
المقادير
- مكرونة سباجيتي إيطاليانو مسلوقة
- نشا
- عسل أبيض
- فسدق مطحون
- قرفة
- بشر برتقان
- زيت نباتي للقلي
الطريقة
- قومي بتشكيل مكرونة سباجيتي إيطاليانو (بعد ما تسلقيها وتصفيها كويس جدًا من المياه وتبرديها) على شكل أعشاش صغيرة. تقدري تستعيني بصينية الكاب كيك للتشكيل.
- رشي الأعشاش بالنشا كويس، وفي زيت غزير سخن، اقليها لحد ما تاخد لون دهبي وتقرمش.
- رشي المكرونة بالعسل والفسدق والقرفة وشوية من بشر البرتقان وقدميها.
الشعيرية باللبن المكثف والمكسرات
مكرونة – المصدر butfirstchai
المقادير
- 1 كويب شعيرية إيطاليانو
- 1 كوب ماء
- 2 كوب حليب كامل الدسم
- 1/2 كوب لبن مكثف محلى
- 1/4 كوب سكر
- زبيب ومكسرات للتزيين
- قرفة
- زبدة أو سمنة
الطريقة
- شوحي الشعيرية في الزبدة أو السمنة لحد ما تاخد لون دهبي.
- ضيفي المياه واللبن وخليهم يغلوا على نار متوسطة.
- أول ما تبدأ الشعيرية تستوي ضيفي السكر واللبن المكثف المحلى وشوية من القرفة.
- هدي النار وسيبي المكونات تندمج على نار هادية والشعيرية تستوي تمامًا.
- قدميها مع المكسرات وعسل أبيض لو حبيتي.
العزيزية أو المكرونة باللبن
مكرونة – المصدر italiano facebook
المقادير
- 1 كيس مكرونة إيطاليانو فوسيلي أو خواتم
- 2 بيضة
- 1 لتر لبن
- 2 كوب سكر
- 1/2 كوب زبيب و1/2 كوب جوزهند
- 1/2 كوب سمن
الطريقة
- نسلق المكرونة حسب تعليمات المغلف.
- نحط المكرونة المسلوقة فى الخلاط مع البيض والسكر والسمنة ونخلطهم كويس قوي وبعدين نصب الخليط في صينية مدهونة ونضيف المكسرات ونخلطها كويس.
- ندخلها الفرن على حرارة 180 درجة تسوى لمدة ساعة إلا ربع لحد ما وشها يحمر. وإذا وشها ما احمرش نحطها تحت الشواية لحد لما وشها يحمر (مش أكتر من 5 دقائق).
التعليق باستخدام حساب فيس بوك