محتويات المقال
الشعيرية شكل من أشكال المكرونة له شخصية مميزة جدًا عن باقي الأشكال والأنواع، وصفاتها تختلف عن الآخرين، بتحب قوي تتحمص الأول في الزبدة أو الزيت قبل ما تقابل المرقة السخنة -لو كانت صنف حادق- أو اللبن ومشتقاته الدسمة اللذيذة زي القشطة والكريمة مثلًا وده لو كانت صنف حلو.
الشعيرية بتحب تلعب كل الألعاب، يعني بتبقى مفلفلة ولذيذة وبتتشرب النكهات لو كلناها حادقة وبتبقى ممتعة جدًا لو زودناها على الشوربة وبتضيف لها قيمة غذائية وقوام لذيذ، وكمان بتتألق جدا لما بنحلّيها ونسكرها وندخلها في وصفات حلويات مبتكرة. شعيرية إيطاليانو تعتبر شكل من 12 شكل متنوع بتقدمهم إيطاليانو للمستهلك وهي في الحقيقة مميزة جدًا عن أي شعيرية موجودة في الأسواق المصرية.
وعشان إيطاليانو بتهتم جدًا بالأطفال وطلباتهم لدرجة إنها عملت لهم مجموعة أشكال غير تقليدية خاصة بيهم زي أشكال الحيوانات، ولإن إيطاليانو عارفة قد إيه الطفل المصري مرتبط بالشعيرية في الأطباق التقليدية المصرية زي الرز بالشعيرية الشهير وشوربة الشعيرية، إيطاليانو النهارده جابت لك 5 وصفات غير تقليدية بالشعيرية لأطفالك عشان يجربوا نكهات وطرق جديدة لأكل الشعيرية.
شعرية بالخضار وقطع الدجاج
الشعرية – مكرونة إيطاليانو – المصدر sailusfood
المقادير
- 2 كوب شعيرية إيطاليانو
- 2 كوب مرقة دجاج
- 1/2 كوب فلفل ألوان مقطع مكعبات صغيرة
- 1 جزرة مبشورة
- 1/2 كوب بسلة مسلوقة أو مجمدة
- 1 بصله متوسطة مفرومة
- 250 جم صدور الدجاج المخلية مقطعة مكعبات صغيرة
- 1 معلقة كبيرة كاتشب
- 2 معلقة كبيرة زبدة
- 1 معلقة صغيرة كركم
- ملح وفلفل
- للتقديم جبنة بارميزان
الطريقة
- في حلة على النار، شوحي البصل المفروم في الزبدة لحد ما يصفر، ضيفي قطع الفراخ وشوحيها وضيفي لها الملح والفلفل.
- ضيفي باقي الخضراوات: البسلة والجزر والفلفل الملون وشوحيهم مع الفراخ لحد ما الخضراوات تبقى طرية شوية وارفعي الفراخ والخضار من الحلة لحين استخدامهم.
- ضيفي تاني في نفس الحلة معلقة من الزبدة وحمصي الشعيرية لحد ما يبقى لونها ذهبي فاتح. رجعي تاني الخضار والفراخ للحلة وضيفي المرقة والملح والفلفل والكركم ومعلقة الكاتشب.
- غطي الحلة وسيبي الشعيرية تستوي على نار هادية بعد ما تتشرب المرقة.
- قدميها مع الجبنة البارميزان.
لو عايزة وصفات أكتر تخبي فيها الخضار لولادك في المكرونة، ادخلي هنا.
شوربة الطماطم بالشعيرية وكرات الكفتة
الشعرية – مكرونة إيطاليانو – المصدر dishingwithdish
المقادير
- 1 كوب شعيرية إيطاليانو
- زبدة وزيت زيتون
- 2 لتر مرقة لحم أو خضار
- 2 كوب طماطم طازة مبشورة
- 1 معلقة كبيرة صلصة طماطم
- زعتر طازة
- ملح وفلفل
- 1/2 كوب جزر مفروم ناعم
- 1/2 كوب بصل مفروم ناعم
- بقدونس وعصير ليمون للتقديم
لعمل الكفتة
- 250 جم لحمة مفرومة
- 1 معلقة صغيرة بودرة بصل
- 1 معلقة صغيرة بهارات الكفتة
- 1 معلقة كبيرة بقدونس مفروم
- ملح وفلفل
الطريقة
- اخلطي كل مكونات الكفتة وشكليها على شكل كرات حجمها صغير. وفي صينية فرن مدهونة بالزيت، اشويها في الفرن لمدة 15 دقيقة أو حسب حجم كرات الكفتة.
- في حلة على النار، شوّحي الشعيرية في شوية من الزبدة والزيت، وحمصيها لحد ما تاخد لون دهبي.
- ضيفي البصل والجزر والطماطم المبشورة والصلصة، وشوحي كل المكونات مع بعض.
- ضيفي المرقة والملح والفلفل والزعتر الطازة وغطي الحلة. وسيبي الشوربة تغلي على نار متوسطة لحد ما تستوي الشعرية وتندمج كل المكونات.
- ضيفي كرات الكفتة وسيبيها تغلي مع الشوربة 5 دقايق واطفي النار.
- قدميها مع عصير الليمون ورشة بقدونس.
إزاي تتبلي اللحمة والفراخ والسمك؟
شعيرية بكبدة الدجاج والفلفل
الشعرية – مكرونة إيطاليانو – المصدر italiano
حلو الشعيرية بالشوكولاتة والزبيب
مصدر الصورة: cbcsofra
المقادير
- 1 كوب شعيرية إيطاليانو
- 2 كوب حليب كامل الدسم
- 1 كوب لبن مكثف محلى
- 2 معلقة كبيرة كاكاو خام
- 1/2 كوب شكولاتة غامقة مبشورة
- 1/2 كوب فول سوداني مجروش
- زبيب وجوز هند للتقديم
- صوص شوكولاتة للتقديم
الطريقة
- حمصي الشعيرية مع الزبدة لحد ما تاخد لون دهبي.
- في حلة تانية، قلبي الحليب والكاكاو والشوكولاتة المبشورة والحليب المكثف لحد ما تذوب الشوكولاتة.
- ضيفي الشعيرية المتحمرة على مزيج اللبن والشوكولاتة وغطيها وسيبيها لحد ما تستوي على نار هادية مع التقليب من وقت للتاني.
- ضيفي نص كمية السوداني وقلبيه مع الشعيرية، وقدميها مع مزيد من الفول السوداني والزبيب وصوص الشوكولاتة.
وصفات أكتر من المكرونة المسكرة مع إيطاليانو.
كريم كراميل بالشعيرية على طريقة (منال العالم)
مصدر الصورة: atyabtabkha
المقادير
- 2 باكيت كريم كراميل 50 جم
- 2 معلقة كبيرة زبدة
- 1 معلقة كبيرة زيت ذرة
- 1 كوب شعيرية
- 2 كوب لبن حليب كامل الدسم
- 2 معلقة كبيرة سكر أبيض
الطريقة
- في قوالب الكريم كراميل الفردية، وزعي صوص الكراميل المغلف بالتساوي.
- في حلة على نار متوسطة، ضيفي الزبدة والزيت والشعيرية وقلبيها كل شوية، لحد ما تتحمص وتاخد لون ذهبي غامق.
- ضيفي 2 كوب من المياه وقلبي الشعيرية وغطيها لمدة 5 دقايق على نار متوسطة لحد ما تتشرب كل كمية المياه تمامًا.
- ضيفي الحليب والسكر وبودرة الكريم كراميل، وقلبي كل المكونات مع بعض، وخلي الشعيرية تمتص من الحليب.
- وزعي خليط الشعيرية في الأطباق فوق الكراميل، ودخلي الأطباق الثلاجة لحد ما تجمد ويُفضل طول الليل.
- للتقديم، اقلبي أطباق الكريم كراميل وزينيها بالكراميل.
- تقدري كمان تقدميها في بايريكس كبير وتزيني الوش بالشعيرية المحمرة.
التعليق باستخدام حساب فيس بوك