محتويات المقال
مع اجتماع شم النسيم، ورمضان 2021 في وقت واحد، بقينا محتارين، ومش عارفين ازاي هنحتفل بشم النسيم واحنا صايمين! ناس كتير نفسها تحتفل بشم النسيم، لكن من غير رنجة وفسيخ، بعضهم مالوش في قصة الرنجة والفسيخ تمامًا، والبعض التاني خايف من العطش إللي أكيد هيتبع الأكلة دي على الفطار في رمضان. وعشان نرضي كل الأذواق، جيبنا لك النهارده 5 وصفات حقيقي أحلى من بعض ويعملوا أجمد وأحلى سفرة لشم النسيم ومن غير رنجة ولا فسيخ!
رولات التونة المقرمشة
المصدر: pinoycookingrecipes
المقادير
- 1 عبوة تونة
- 2 معلقة كبيرة مايونيز
- 2 معلقة كبيرة جبنة مبشورة (موتزاريلا أو شيدر)
- 1 معلقة كبيرة خيار مخلل مفروم
- ملح وفلفل
- شرايح توست منزوعه الأطراف
- 2 بيضة مخفوقة مع رشة فلفل أسود
- بقسماط ناعم
- زيت غزير للقلي
الطريقة
- في بولة، تخلط التونة، المايونيز، الخيار المخلل، الجبنة، مع رشة من الملح والفلفل وتقلب جيدًا إلى أن تتجانس.
- باستخدام النشابة، قومي بفرد شرايح التوست منزوع الأطراف، وادهني أطراف كل شريحة توست بالبيض المخفوق.
- ضعي معلقة من حشوة التونة في كل شريحة توست، ولفيها زي الرول. البيض المخفوق هيساعدك في قفلها بإحكام، تقدري تضغطي على الأطراف بشوكة عشان تحكمي غلقها.
- غمّسي كل رول في البيض المخفوق، ثم في البقسماط واقليها في زيت غزير لحد ما تكتسب لون دهبي وقدميها.
لو بتحبي التونة، ادخلي هنا عشان تعرفي 5 طرق لعمل سلطة التونة
مقبلات البيض المسلوق بالمستردة
بدل البيض المسلوق العادي، جربي الوصفة دي، طعمها روعة، والصفار بيبقى كريمي جدًا والشكل في التقديم حكاية!
المصدر: skinnytaste
المقادير
- 6 حبات بيض مسلوق
- 1 معلقة كبيرة مايونيز
- 1 معلقة كبيرة مستردة
- 1 معلقة كبيرة عصير ليمون
- 2 معلقة كبيرة زيت زيتون
- 1 معلقة كبيرة شبت مفروم
- ملح وفلفل
- 1/2 معلقة شطة أو بابريكا (اختياري)
الطريقة
- قومي بتقشير البيض واقسمي كل بيضة نصين، وبمعلقة صغيرة، شيلي كل كمية الصفار وحطيه في بولة، واحتفظي بالبياض.
- في محضرة الطعام، ضيفي صفار البيض وضيفي عليه المايونيز، المستردة، الليمون والتوابل، واخلطيهم لحد ما يبقى القوام ناعم جدًا وكريمي.
- أثناء الخلط، ضيفي معلقتين زيت الزيتون بالتدريج وانتي بتخلطي ده، هيساعدك في الحصول على مزيج كريمي ولامع.
- ضعي مزيج الصفار في كيس الحلواني ووزعيه تاني في حبات بياض البيض.
- زينيه بالشبت والبابريكا أو رقائق الفلفل الحار مع رشة من زيت الزيتون وقدميه.
لو بتحبي تلوني البيض شوفي هنا طرق غير تقليدية لتلوين البيض في شم النسيم
غموس السالمون المدخن والجبنة الكريمي
قدمي الغموس لضيوفك صدقيني مش هيعرفوا يبطلوا أكل!
المصدر: recipetineats
المقادير:
- 200 جم سالمون مدخن شرايح
- 200 جم جبنة كريمي
- 2 معلقة كبيرة لبنة أو كريمة حامضة
- 1 معلقة كبيرة خيار مخلل مفروم ناعم جدًا
- 2 معلقة كبيرة من ميه الخيار المخلل
- بشر 2 ليمونة
- 1-2 معلقة كبيرة عصير ليمون
- 1/4 كوب شبت
- 1/4 معلقة صغيرة بابريكا
- فص توم صغير مهروس
- ملح وفلفل أسود
الطريقة
- اخلطي كل المكونات لحد ما تبقى ناعمة في محضرة الطعام، وبعدين ضيفي الملح والفلفل وعصير الليمون.
- تقدري تضيفي شريحتين أو تلاتة من السالمون المدخن مفرومين خشن عشان يضيفوا ملمس وقوام للغموس.
- زيني بالشبت وشريحة من السالمون ورشة بابريكا، وقدميها مع أي نوع كراكرز أو عيش محمص.
سلطة المكرونة بشرايح الماكريل المعلب
المصدر: wildplanetfoods
شرايح الماكريل المعلبة من الحاجات اللذيذة والمفيدة جدًا والمهدور حقها. عشان كده، النهارده جيبنا لك وصفة سلطة المكرونة مع الماكريل لذيذة وخفيفة وتجديد.
المقادير
- 2 عبوة من شرايح الماكريل
- 2 كوب مكرونة مسلوقة ومغسولة تحت ماء جاري ومصفاة
- شرايح بصل أحمر
- 200 جم طماطم شيري مقطهة أنصاف
- 1/4 كوب بقدرونس مفروم
- فلفل إسود مجروش
- ملح
- 1/4 كوب زيت زيتون
- 1 فص توم مهروس
- 1 معلقة كبيرة خل أبيض
- 1 معلقة كبيرة عصير ليمون
الطريقة
- اخلطي كل مكونات الدريسينج مع بعض وقلبيها كويس.
- ضيفي البصل والطماطم والبقدونس للمكرونة واخلطيهم كويس، ورصي شرايح الماكريل على الوجه.
- صبي الدريسينج وقدميها.
سلطة السي فود بالمايونيز
المصدر: dinneratthezoo
المقادير
- 1/2 كوب أصابع الكابوريا المطبوخة
- 1 كوب جمبري متوسط الحجم مسلوق
- 1 كوب كاليماري مسلوق
- 1/2 كوب جزر مبشور
- 1/2 كوب كرفس مفروم ناعم
- 1/2 كوب فلفل ملون مفروم
- 1 بصل أحمر مفرومة ناعم جدًا
- 1/4 كوب شبت مفروم
- 1/2 كوب مايونيز
- 2 معلقة كبيرة عصير ليمون
- ملح وفلفل
الطريقة
- طريقة سلق الجمبري والكاليماري: يسلق في ماء مغلي مضاف له عصرة ليمون وملح فقط لحد تمام السواء، يصفى من الماء ويشطف بماء بارد لوقف التسوية.
- اخلطي كل مكونات السلطة مع بعض وزينيها بالشبت وتوضع في التلاجة لمدة ساعة قبل التقديم.
ادخلي هنا عشان تعرفي طريقة عمل الجمبري المقلي
سلطة السردين المعلب بالبصل المخلل
السردين المعلب برضه من الأصناف المهدور حقها، جربيه بالطريقة دي فوق العيش المحمص مش هتندمي!
المصدر: elizabethminchilli
المصدر: cooking.nytimes
المقادير
- 2 علبة سردين
- مكعبات طماطم بدون البذور
- شرايح فلفل حار
- 1 بصل أحمر شرايح
- 1/2 كوب خل أبيض
- ملح وفلفل
- 2 معلقة كبيرة عصير ليمون
- أوراق البقدونس
- زيت زيتون
- 1/2 معلقة صغيرة كمون
الطريقة
- لتخليل البصل: ضعي شرايح البصل الأحمر في بولة وصبي عليها الخل الأبيض ومعلقة صغيرة من الملح وسيبيها على جنب لمدة ساعة لحد ما يذبل البصل ويبهت لونه.
- قومي بإزالة سلسلة الظهر من قطع السردين المعلب بحرص عشان تحافظي على شكل حبات السردين.
- في بولة، اخلطي الطماطم والفلفل الحار والبقدونس، وباقي مكونات الدريسينج وقلبيهم كويس.
- في طبق التقديم، رصي شرايح البصل المخلل بعد تصفيتها تمامًا من الخل، وفوقها السردين، وصبي فوقها مزيج الخضراوات إللي حضرتيه، وقدميها مع الخبز المحمص.
- تقدري كمان تقدمي السلطة دي فوق شرايح من الخبز الريفي المحمص في صورة ساندويتشات مفتوحة زي الصورة.
ولو بعد كل ده قررتي تتهوري وتاكلي رنجة وفسيخ في رمضان إدخلي هنا عشان تشوفي أهم نصايح ليكي قبل ما تاكلي رنجة وفسيخ في رمضان.
التعليق باستخدام حساب فيس بوك