مربى الفراولة من الحاجات إللي بنحبها قوي وساعات بنحتاج معلقة مربى كدة نحلّي بيها كباية الزبادي وإحنا بنعمل دايت أو بيبقى نفسنا في أي حاجة مسكّرة..
والميزة إنه المربى الدايت الفراولة سعراتها قليلة.. 15 كالوري للمعلقة الصغيرة.
طريقة عمل مافن الكيتو بدقيق جوز الهند واللوز
يلا بينا.. هقولكم النهاردة على طريقة عمل مربى الفراولة الدايت
طريقة مربى الفراولة الدايت
المقادير:
- كوبين من الفراولة
- نص كباية مية
- سكر ستيفيا أو أيزوسويت- الكمية حسب الرغبة واخترا النوعين دول علشان بيدوني أحسن طعم.. وفي الكيتو المفروض نستخدم ستيفيا لكن في العادي ممكن نستخدم أيزوسويت.
طريقة مربى الفراولة الدايت
طريقة عمل المربى الدايت:
- في حلة صغيرة هنحط الفراولة (متقطعة قطع كبيرة) والسكر والمية على بعض ونقلبهم كويس.
- هنحطهم على نار هادية خالص لحد ما الفراولة تتهري خالص وتنزل كل ميتها ونلاقي المزيج بقى سميك شوية.
- هنراقب الفراولة وهي بتغلي علشان ساعات بتفور.. هنتأكد إن النار هادية خالص وإنها مش بتفور وهتخرج من الحلة.
- هنطفي عليها ونحطها في علبة ولما تبرد هندخلها التلاجة تسقع وبالهنا والشفا
وفي النهاية ممكن تقرأي كل مقالات عن التخسيس من هنا
What’s your Reaction?
التعليق باستخدام حساب فيس بوك