في الفترة الاخيرة، نقدر نحددها من أخر سنة 2020 لما ظهر على العالم فيروس كورونا، ابتدت مع موجة البحث عن العلاج المناسب للفيروس، إن فيه فئة من الناس دورت على طرق طبيعية ظن منها إنها هتفرق وتساعد على حل المشكلة.
ده غير إنه ومع طبعا سرعة الأنتشار الخرافية للسوشيال ميديا وفي كل جروبز الماميز، ظهر نوع من العلاج قالوا إنه بيفرق مع الأطفال لما يكون عندهم أدوار البرد والكحة الشديدة، العلاج ده هو تقطيع البصل وننام جنبه في نفس ذات الغرفة.
الفكرة نفسها محسساني إني هنام جنب طربيزة ليها طابع شم النسيم، الفكرة قوية جدا، بس تعالي كدة نشوف إيه قصة البصل دي.
إيه اللي بيحصل لما نحط البصل في غرفة النوم؟
البصل أصلا تم استخدامه كطريقة علاج زمان في الصين وده استمر لقرون عديدة، البصل في حد ذاته نبات صحى جدا بنستخدمه تقريبا في كل أكلنا وده يمكن على مستوى العالم كمان، حتى إن البصل بيستخدم كواحد من أساسيات العلاجات المنزلية مختلفة، وده لأن له تأثير مضاد حيوي طبيعي بجانب تأثير طبيعي كمسكن، وريحته القوية المعروفة عنه سببها مادة البروبانيديول اللي هي مركب من مركبات عنصر الكبريت.
زمان كانت جداتنا مقتنعين جدا إن تقطيع البصل اربع تربع وتحطيه على طبق في نفس غرفة نوم مصاب الإحتقان أو الكحة إنه تاني يوم هيصحى وهو حالته متحسنة جدا، بس حاليا الفكرة دي بتتراوح ما بين اللي يحب يجرب واللي بيرفضها علشان مش عايز يبات في تتبيلة فراخ بانيه.
د. هاني الناظر يرد
الدكتور هانى الناظر استشارى الأمراض الجلدية، ورئيس المجلس القومي للبحوث السابق، بيقول في موضوع مقاومة امراض زي فيروس الكورونا أنه الافضل الاعتماد على المياة والصابون وده لما نكون في البيت، لانهم لوحدهم يقدروا يحموا كل أفراد الأسرة من الفيروس ده.
لكن الدكتور هانى الناظركان له وجهة نظر خاصة فيما يخص موضوع البصل، أنه من أشهر الوصفات الغريبة للوقاية من فيروس كورونا المنتشرة بقوة في صفحات التواصل الاجتماعي هي تقطيع البصل ويتحط فى الأماكن المغلقة على اساس أن البصل بيجذبالفيروس، وده طبعا اللي هو بيأكد إنه غير علمي ومجرد تخريف.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك