محتويات المقال
مع الوقت الطويل اللي بنقضيه دلوقتي في البيت بسبب فيروس كورونا وإجراءات الحجر الصحي المنزلي والحظر، بنفكر طول الوقت كأمهات إزاي نشغل وقت أطفالنا في حاجات مفيدة وممتعة في نفس الوقت. علشان كده النهاردة اوريو بتقدم لك 5 أنشطة تقدري تعمليهم مع طفلك في البيت.
برج الاوريو:
أوريو
جهزي كمية مناسبة من الاوريو، وضاعفي الكمية لو هتعملي النشاط مع أكتر من طفل، لأن الأطفال هيتسابقوا مين هيعمل أطول برج.
اعملي انتي الأول برج بالاوريو وخلي الأطفال يشوفوكي كويس إزاي بتخليه متوازن.
دلوقتي دورهم يعملو برج ثابت ومتوازن بالاورويو.
لو حبوا يعملوا أنشطة تانية للتوازن بالاوريو سيبيهم يبدعوا.
حساب الاوريو:
اكتبي الأرقام على ورقه حجمها مناسب وخلي الأطفال يحطوا الكمية الصحيحة من الاوريو أدام كل رقم، والعكس.
لو أطفالك سنهم كبير شوية، تقدري تستخدمي نفس الفكرة في الجمع والطرح أو أي عمليات حسابية مناسبة لسنهم.
التعرف على الحروف بالاوريو:
اكتبي حروف على قطعة ورق وانطقي حرف واحد منهم، وفهمي طفلك إن الحرف اللي هتقوليه المفروض هو يغطيه بقطعة كوكيز أوريو.
كرري نفس الخطوة اللي فاتت لحد ما تخلصوا الحروف كلها وتغطوها بالاوريو.
ممكن تعملي نفس النشاط بالكلمات لو ابنك عمره أكبر شويه.
رسم الحروف بالاوريو:
ارسمي حرف بحجم كبير على الورق واطلبي من طفلك يحط اوريو على الخطوط اللي إنتي راسمه بيها الحرف.
كرري نفس الطريقة مع أكتر من حرف.
إيجاد الشكل المختلف بالاوريو:
ارسمي صفوف من نفس الشكل، وفي كل صف ارسمي شكل واحد مختلف.
اطلبي من طفلك إنه يغطي الشكل المختلف بقطعة اوريو.
كرري الخطوة اللي فاتت مع كل الصفوف المرسومة.
ودلوقتي جربي تعملي الأنشطة دي مع أطفالك وابعتيلنا صوركم مع بعض ومع اوريو وأنتم بتعملوها.
التعليق باستخدام حساب فيس بوك