كتير بنسمع عن تمارين الكارديو سواء في البرامج التليفزيونية أو عند دكاترة التخسيس أو حتى في الجيم، بس ممكن كتير مننا ما يبقاش عارف يعني إيه تمارين كارديو وإيه علاقتها بـحرق الدهون، في المقال ده هنعرفك أكتر عن تمارين الكارديو وأفضل التمارين اللي ممكن تعمليها في البيت لحرق الدهون.
بالفيديو: أفضل تمارين رياضية للتخسيس بسرعة
إيه هي تمارين الكارديو؟
تمارين الكارديو بتتطلب مجهود عالي لإنها بتعتمد في الأساس على تحريك الجسم بصورة تساعد على رفع معدل ضربات القلب والتنفس وبالتالي الحصول على رفع مستوى الأكسجين في الدم.
شوفي هنا تمارين رياضية في البيت لحرق الدهون
فوائد تمارين الكارديو
- تمارين الكارديو بتساعد على تنشيط الدورة الدموية في الجسم وتخفيض ضغط الدم.
- تحسين عضلة القلب من خلال تسريع النبضات وتقليل مستويات الكوليسترول.
- حرق الدهون والسعرات الحرارية والحفاظ على وزن صحي.
- تقليل نسبة الاصابة بالأمراض المزمنة زي الضغط والسكر.
- تقوية مناعة الجسم.
- زيادة الكتلة العضلية وتقويتها.
- التخلص من الشد العصبي والتوتر والقلق.
أفضل تمارين كارديو في البيت
تمرين السكوات “Squats”
تمرين السكوات أهم تمارين الكارديو
تمرين السكوات من تمارين الكارديو اللي بتقوي عضلات الفخدين وأوتار الركبتين، التمرين سهل وبسيط وممكن تعمليه يوميًا، هتقفي مستقيمة وهتبعدي الساقين عن بعض شوية وتنزلي كإنك هتقعدي على كرسي.
ارقصي وخسي: الرقص الشرقي للتخسيس
تمرين الـJumping Jacks
تمرين الـJumping Jacks – كارديو في البيت
التمرين بيحرك كل عضلات الجسم تقريبًا وبيعلي ضربات القلب وبيساعد على حرق الدهون، هتقفي بشكل مستقيم وشدي جسمك ونطي مع فتح رجلك وتحريك إيدك لأعلى وأسفل في نفس الوقت، ممكن تعملي التمرين لمدة 30 ثانية وتعيديه كذا مرة في اليوم.
تمرين البلانك “Planks”
تمرين البلانك “Planks” – كارديو في البيت
التمرين بيقوي عضلات البطن والأرداف والمؤخرة وكمان بيحسن من التوازن، التمرين شكله سهل وبسيط لكنه في الحقيقة ممكن يكون صعب شوية في البداية، هتنامي على بطنك وترفعي جسمك وانتي مركزة على الايدين وصوابع رجلك وحاولي تعملي التمرين لمدة دقيقة.
تمرين التسلق ” Mountain Climbing”
تمرين التسلق ” Mountain Climbing” – كارديو في البيت
التمرين بيساعد على شد عضلات البطن بشكل كبير وزيادة ضربات القلب، اسندي بكفك على الأرض وأصابع الرجلين وحركي رجلك اليمين بإتجاه الصدر وبدلي بين الساقين.
ممارسة رياضة المشي في البيت وفوايدها
تمرين نط الحبل
تمرين نط الحبل – كارديو في البيت
تمرين نط الحبل هيساعدك على حرق الدهون في كل مناطق الجسم وتحريك عضلات الجسم وزيادة ضربات القلب ومناسب للتخلص من الدهون الزائدة في منطقة الكرش.
تمرين الركلة الجانبية “Side Kick”
تمرين الركلة الجانبية “Side Kick”
التمرين بيساعدك على تقوية عضلات الرجلين ومرونة الحوض، هتقفي مستقيمة وتبعدي رجلك عن بعض لمسافة أبعد من الكتفين مع ثني الدراعين قدام جسمك وتكون قبضة إيدك عند الدقن، انحني بجسمك شوية وارفعي رجلك لأقصى ارتفاع تقدري عليه وبدلي بين الرجلين.
ملحوظة هامة: مش كل التمارين ممكن تبقى مناسبة ليكي ولو عندك مشكلة في العظام أو مرض مزمن يفضل إنك تستشيري الطبيب أو مدربين معتمدين، وعشان تلاقي أفضل النتايج على أيد أشهر المدربين الرياضيين ممكن تنضمي لبرنامج Rahet Bally Fit Mama at Home.
التعليق باستخدام حساب فيس بوك