صور موديلات طاولات طعام للمطابخ الصغيرة وأماكن شرائها

محتويات المقال

المطبخ هو قلب البيت وأكتر مكان الست بتقضي وقت فيه. زمان واحنا صغيرين كنا بنصحى على صوت ابتهالات النقشبندي وبعدها صوت أم كلثوم وهي بتغني يا صباح الخير يا اللي معانا طالعة من قلب المطبخ؛ معاها ريحة الشاي بلبن أو البليلة والطعمية السخنة والبيض المقلي ومامتنا بتنده من قلب المطبخ ياللا الفطار جاهز. ندخل المطبخ نتجمع كلنا حوالين ترابيزة المطبخ وزمان أيام جدودنا كانوا بيسموها الطاولة وكنا بنتجمع حواليها واحنا قاعدين على الارض. عشان كده، ترابيزة المطبخ هي قلب المطبخ واللي بتكون مهمة جدًا في كل الاستخدامات تقريبًا. وفي الموضوع ده، هنفرّجك على موديلات طاولات طعام للمطابخ الصغيرة وأفضل أماكن الشراء في القاهرة.

حيل وأفكار لترتيب وتنظيم المطبخ

صور موديلات طاولات مطبخ صغيرة

طاولات المطبخ مش بتبقى للأكل بس، الطاولة بتبقى مفيدة للأمهات ساعة تحضير الأكل عشان تريح رجلها وما تفضلش واقفة طول المدة، كمان بتبقى مفيدة في التفريز لما تبقي جايبة كمية لحوم وفراخ وخضروات كبيرة ممكن تستخدمي الطاولة في التفريز بدل ما تزحمي الرخامة. ولو مطبخك صغير ممكن تستعيني بطاولة صغيرة أو تشتري طاولة من النوع اللي بيتطبق وممكن عشان ما تزحميش المطبخ تكتفي بكرسيين بحد أقصى.. ودي بعض النماذج لطاولات الطعام للمطابخ الصغيرة.