أول حاجة بتيجي في بال الأهل أول ما يتأكدوا من خبر الحمل هو التفكير في اسم المولود. وبعد ما يعرفوا إن الجنين بنت، بيكون فيه بحث محموم عن اسم يكون رقيق ومعناه جميل، خصوصًا إن البنات بترتبط باسمها جدًا، وبيعتبر من علامات جمالها الأساسية، ومعبر عن شخصيتها. وبيكون فيه بحث عن أسماء تكون سهلة النطق، جميلة المعنى، وقصيرة سهلة على الطفلة نفسها إنها تتعلمها. وعلشان احنا معاكي وبنفكر معاكي وبندور لبناتنا على الأسماء زيك، جمعنا لك أجمل 10 أسماء بنات من 3 حروف ومعانيها الجميلة. أكيد هتلاقي اللي بتدوري عليه من ضمنهم. تعالي نشوف إيه هي الأسماء دي.
أسماء بنات من 3 حروف
ريم:
اسم علم مؤنث عربي، معناه: الظبي الأبيض، أصله بالهمزة “رِئم”، وتخفف لسهولة النداء. بيسموا به البنات على الرغم إنه مذكر حبًا في المعنى، والعرب بيذكّروا الأنثى نوعًا من الحب فيها. وأوقات بيغيروا من النطق فيتقال: ريمي، ريمة، ريما.
ضيّ:
أصل الاسم عربي، ويطلق على الولاد والبنات ومعناه النور أو الإشراق، وأحيانًا يكون الاسم مركب “ضي الشمس” يعني نور وإشراقة وشعاع الشمس.
ميّ:
من الأسماء الشاعرية اللى استخدمها الشعراء كتير جدًا زمان. وده اللي خلّاه اسم خاص بالشعر، وهو اسم مخفف من مريم أو ماري.
لمى:
من الأسماء العربية ومعناه اللون المستحسن في الشفاه الجميلة.
رند:
اسم علم مؤنث عربي، وهو اسم شجرة طيبة الريح، ووردها أبيض. كان الناس زمان بيعتبروها رمز للنصر.
صبا:
اسم علم مؤنث عربي، وهو الشّوق، والميل إلى سن الصبيان، الصِّغر.
فرح:
اسم علم مؤنث عربي، معناه: السرور، انشراح الصدور، البهجة، السعادة. اشتهر الاسم زمان على اسم الملكة فرح ديبا زوجة شاه إيران السابق محمد رضا.
رهف:
اسم علم مؤنث عربي، معناه: اللطافة، الدقّة. والاسم يدل على الصفات الدقيقة، الرقيقة.
رُبَى:
اسم علم مؤنث عربي، هو جمع رَبْوة، وهي ما ارتفع من الأرض. ويجوز كتابة الاسم بالألف الممدودة “رُبا”
روز:
اسم علم مؤنث يوناني الأصل، وبنقوله بالضغط على حرف الراء، جالنا عن طريق الإنجليزية ROSE
معناه: الوردة. بتتسمى به الستات لجمال الوردة في شكلها وعطرها، وهو بالفرنسية: LAROSE لاروز. ونقدر ننطقه بدلع وحب: روزا.
التعليق باستخدام حساب فيس بوك