محتويات المقال
مش عارفة إيه تحديدا اللي كان بيدور في عقل الصحفي القدير علي أمين، مؤسس أخبار اليوم، لما اختار إن عيد الأم يكون يوم 21 مارس، مش 1 مارس مثلا، للأسف غاب عنه إن معظم الناس هيكونوا مفلسين قرب آخر الشهر، ويا ريتها هدية واحدة ولا اتنين ولا حتى تلاتة، في الواقع كل الأمهات في محيطنا تستحق هدايا الدنيا كلها، لكن العين بصيرة والإيد قصيرة والواحد محتاج كنز عشان يقدر يوفي. لذلك قررت أكتب 10 اقتراحات لهدايا أقل من 500 جنيه ممكن تشوفيهم من هنا.
شنطة كتف
أفكار هدايا أقل من 500 جنيه – شنطة
الشنط من الهدايا العملية جدا، وواحدة من أشهر هدايا عيد الأم اللي عمرها ما بتقدم، لأن أمهاتنا بتستخدمها بشكل شبه يومي تقريبا، لذلك بيكون لطيف لو نكون سبب في تجديد شنطة إيديهم من خلال هدية يفتكروا قد إيه بنحبهم كل لما يشيلوها، الاختيارات كتير بأسعار من 300 لحد 500 تقدروا تشوفوهم في أماكن كتير أون لاين زي هنا.
بيكسي عاملين تخفيضات كبيرة على الشنط والأحذية، تقدري تشوفي أحلاها هنا.
باقة ورد جميلة
أفكار هدايا أقل من 500 جنيه – ورد
الأمهات مهما قالوا مش مهتمين أو مش حابين هدية، بتفضل باقة الورد الجميلة اللي تخطف القلب واحدة من أجمل الهدايا على الإطلاق، هدية رقيقة وجميلة ومبهجة بجد لأيام بعد عيد الأم، وممكن كمان لو مامتك من النوع اللي بتحب الزرع، فدي فرصتك عشان تجيبي لها نوع الزرع اللي هي بتحبه، سواء كان صبار أو ورود أو غيرهم، ودلوقتي فرصتك في معرض الزهور في الجيزة تختار لها أجمل هدايا بميزانية هتجيب لك زرع محترم بأقل من 500 جنيه.
عطور
صحيح هي هدية تقليدية لكن هتفضل صالحة لوقت طويل جدًا، العطور من أجمل الهدايا اللي ممكن نقدمها لأمهاتنا، سواء كانت في صورة بادي سبلاش، مامتك تستاهل يكون في شنطة إيدها برفان جميل تستخدمه من وقت للتاني، وكل ما تشم ريحته الجميلة تفتكرك، وتقدري تختاري من أنواع وأشكال كتير جدًا منهم من هنا.
ملابس حريمي
أفكار هدايا أقل من 500 جنيه – ملابس حريمي
أحيانًا قطعة واحدة صغيرة مريحة في هدوم مامتك بتخليها سعيدة أضعاف مضاعفة بالمقارنة لو جبتي لها هدية غالية جدًا لكن مش فارقة معاها، ده بالظبط اللي هي هتحس بيه لو نجحتي تختاري بلوزة مريحة وشيك، وعلى مقاسها، أو بنطلون ظريف تنزل بيه مشاويرها أو قطعة أساسية في هدومها كل لما تسعفها في وقت ضيق تفتكرك وتقول بجد عرفت تختار، لو محتاجة أفكار ممكن تشوفي المنتجات المتاحة هنا.
ملابس داخلية
أفكار هدايا أقل من 500 جنيه – ملابس داخلية
دي آخر هدية ممكن تخطر على بالك وأكتر هدية ممكن تفرح أمهات كتير بتنسى في زحمة أيامها تجيب أهم احتياجاتها وبتفضل تأجل كتير، طقم ملابس داخلية محترم متغلف بطريقة شيك هيخليها تتبسط جدًا وتقدري تعرفي أكتر عن الخيارات المتاحة من هنا.
سكارف
أفكار هدايا أقل من 500 جنيه – سكارف
الأم المحجبة بتحتاج خيارات أكتر مريحة وجميلة تختار منها كل يوم وهي نازلة مشاويرها الكتير، السكارف واحدة من الهدايا الجميلة واللي بننساها مع الوقت خاصة لو كانت قيمة وشيك ممكن تشوفي أشكال كتير وتطلبيها وانتي في البيت من هنا.
عدة قهوة
أفكار هدايا أقل من 500 جنيه – قهوة
القهوة صديقة الأمهات، وأكتر هدية جميلة ممكن تشتريها لمامتك هي الهدية اللي تلمس مع مزاجها والشيء اللس بيسعدها ويفوقها، خيارات الهدايا المتعلقة بالقهوة لا نهائية سواء كانت مج جميلة أو طقم فناجين، نوع قهوة مميز، أو فرينش بريس أو أي أداة من أدوات صنع القهوة زي المذكورة هنا.
أكسسوارات موبايل
أفكار هدايا أقل من 500 جنيه – أكسسوارات موبايل
غالبا السكرينة اللي بتحمي شاشة الموبايل عند مامتك مكسورة من فترة كبيرة والجراب ما بقاش جديد ولا حلو، صحيح هي تستحق موبايل جديد، لكن لو ده مش في إمكانك، فدلوقتي تقدري تشتري عشانها أكسسوارات موبايل ترجعه ليها جديد وتحسسها إنه في شيء مختلف عندها، تقدري تشوفي أفكار كتير من هنا.
اقرأي أيضا أفكار عبقرية في لف وتغليف الهدايا.
أدوات تجميل
أفكار هدايا أقل من 500 جنيه – أدوات تجميل
لو مامتك من نوع الأمهات الجميلة اللي بتحب تحط ميكب فدي فرصتك عشان تشتري عشانها أساسيات مش عندها والحقيقة إن أدوات التجميل واحدة من أجمل وأرق الهدايا وكمان مبلغ 500 جنيه ممكن يجي لك حاجة قيمة جدًا يخليها تقول لك شكرًا من قلبها، اعرفي اكتر من هنا.
أكسسوارات
أفكار هدايا أقل من 500 جنيه – أكسسوارات
مبلغ 500 جنيه ممكن يجيب لك خاتم فضة شيك جدا، أو سلسلة لطيفة من الاستانلس أو حجر كريم بسيط، واحدة من أنسب الهدايا على الإطلاق، اللي بتجمع بين صفتين، إنها قيمة فعلًا وإنها كمان لطيفة وشيك وثمنها مش كبير، تقدري تشوفي اختيارات كتير من هنا.
اقرأي أيضا: 10 أدوات مطبخ مالهاش لازمة من وجهة نظري
التعليق باستخدام حساب فيس بوك