بتحتار كتير في لبس يكون شكله شيك وعلى الموضة، ستايل ينفع حياتنا اليومية لكن في نفس الوقت شيك وجميل. الحقيقة، وانا باتفرج على أفلام زمان، خاصة الأبيض وأسود لقيت إن ذوق اللبس وقتها كان غاية في الروعة، ولقيت كمان إن لبس كتير من الخمسينات والستينات والسبعينات ينفع يتلبس دلوقتي ويكون في منتهى الشياكة والأناقة والأنوثة. عشان كده، جمعت لك 10 ستايلات ينفعوا لصيف 2021 بروح الخمسينات.
شوفي هنا بالصور: ألوان مناكير لازم تجربيها في 2021
موضة فساتين وستايلات الخمسينات
موضة الخمسينات
فساتين الخمسينات
فساتين الخمسينات
فساتين الخمسينات
موضة الخمسينات
الحقيقة فيه في الصور دي فساتين وفيه كمان جيبات ينفع تلبسي عليهم بلوزات. لو انتي محجبة، ممكن جدًا تفصلي الجيبات دي بشكل أطول من الصور وتختاري بلوزات بكم طويل. أو تلبسي بوليرو على الفستان زي الصورة التالتة والخامسة. ممكن تتخيلي إن التفصيل هيكلفك كتير، لكن الحقيقة إن زيارة واحدة للوكالة أو الأزهر أو ميدان الجامع ممكن تجيبي بيها أقمشة تكفي فساتين وموديلات كتير وبسعر أوفر كتير من اللي هتصرفيه عشان تشتري هدوم جاهزة من براندات.
هنا بقا ممكن تشوفي أحدث ألوان صبغات شعر 2021 .. اجهزي لـ New look
بنطلونات الخمسينات
لو انتي مش بتحبي الفساتين أو الجيبات وأحسن بالنسبة لك تلبسي بنطلونات، جمعت لك برضه صور من الخمسينات تقدري تلاقي شبهها بسهولة النهارده في براندات كتير أو تفصليها.
ستايلات الخمسينات
ستايلات الخمسينات
ستايلات الخمسينات
ستايلات الخمسينات
Sale بيكسي 2021 .. 20 شنطة وجزمة ما يتفوتوش
في الستايلات دي، هتلاقي بدل، أو طقم التوب فيه والبنطلون من نفس القماش واللون، وفيه بنطلونات وعليها توب (بلوزات أو تي شيرت) تقدري تستلهمي منهم ستايلات الصيف ده، وتكوني أنيقة وشيك ومودرن. لفي لفتك الأونلاين واختاري من البراندات الشكل اللي يليق معاكي. واجهزي لزيارة أماكن بيع القماش عشان تفصلي على ذوقك أجمل ستايلات وتخلقي بنفسك موضة 2021 على مزاجك.
لو محتاره في فستان سهرة هنا موديلات فساتين سهرة للممتلئات
التعليق باستخدام حساب فيس بوك