يوم عيد الحب العالمي بيبقى 14 فبراير كل سنة، وقبل اليوم ده بنلاقي فتارين المحلات كلها بقت لونها أحمر.. وبنلاقي الفيسبوك بتاعنا “مرشّق” إعلانات لهدايا عيد الحب. الدنيا كلها بتتلون بالأحمر. والستات بقى نوعين: نوع مش فارق معاهم الفلانتين ده خالص ومش عارفين هو امتى أصلًا ونوع تاني مركز قوي معاه. لو انتي من النوع إللي بيحب الفلانتين ومرتبطة مش هيبقى عندك أي مشكلة، بالعكس، هتبقى فرصة تفرفشي نفسك وتدلعي حبيبك. بس المشكلة لو كنتي بتهتمي بـ عيد الحب وانتي سينجل .. ساعتها غصبًا عنك هتلاقي نفسك متكدرة وانتي شايفة كل حاجة حواليكي بتفكرك بالحبيب إللي مش معاكي، ولو كنتي لسه مفركشة أو منفصلة وكنتي متعودة تحتفلي بفالانتاين، هتلاقي نفسك في حالة مش تمام خالص.
بس ملحوقة.. مش مهم.. لو ما عندكيش حبيب السنة دي تحتفلي معاه. روحي بصي في مرايتك، بصي كويس، هتلاقي روح جميلة، أقرب ليكي من أي حد. هتكتشفي ساعتها إنك في وسط ما كنتي بتدوري على الحب نسيتي تدوري على نفسك الحقيقية. هتكتشفي إنك في عز ما كنتي بتحاولي تحبيه، نسيتي تحبي نفسك.
علشان كده، عيد الحب ده هو فرصتك علشان تحبي نفسك. وتديها كل الاهتمام إللي هي محتاجاه بجد. أنا فضلت متطلقة 5 سنين، وكل فلانتين كان بيعدي عليا، كنت بابقى محبطة. وبعدين اتعلمت أحب نفسي، تعالي أقول لك شوية طرق ممكن تدلعي بيها نفسك.
قائمة الامتنان
طرق الاحتفال بعيد الحب وانتي سينجل
امسكي ورقة وقلم واكتبي لستة بكل الحاجات إللي انتي ممتنة ليها في حياتك. عايزاكي تكتبي 10 حاجات على الأقل انتي مبسوطة بيها في حياتك مهما كانت بسيطة.. حتى فنجان القهوة إللي بتشربيه الصبح بهدوء ما تنسيش تكتبيه.
ليه ممارسة الامتنان في حياتنا مهم
قائمة مميزات شخصيتك
طرق الاحتفال بعيد الحب 2022 لو سينجل
ناس كتير مننا بيفكروا إنهم لسه سينجل علشان همّا شخصيتهم مش حلوة وفيها عيوب. انتي محتاجة تعرفي كويس وتشوفي بعنيكي إنك لسة سينجل لإنه لسة الوقت ما جاش، عايزاكي تمسكي ورقة تانية وتكتبي فيها كل الحاجات الحلوة إللي في شخصيتك مهما كانت بسيطة بالنسبة لك.. حتى ضحكتك الحلوة إللي بتصبحي بيها على الحارس وإنتي نازلة الصبح ما تنسيش تكتبيها..
قائمة الأمنيات.. خلّي قانون الجذب يشتغل
طرق الاحتفال بعيد الحب 2022 لو سينجل
هاقول لك على سر: أنا في سنة من السنين كنت سينجل وما باشتغلش وحاسة بكل إحباط الدنيا، بس كنت مؤمنة بقانون الجذب.. كنت مؤمنة جدًا بـ :”أنا عند حسن ظن عبدي، فليظن بي ما شاء”. كنت مصدقة إنك لما تبقى محددة انتي محتاجة إيه من الدنيا ونفسك في إيه، عقلك اللا واعي هيساعدك ويزقك إنك تحققي أهدافك. المهم، كتبت لستة صغيرة بالحاجات إللي نفسي تتحقق والكلام ده كان من 3 سنين. عايزة أقول لكم إني وأنا برتب الأوضة، لقيت اللستة دي واكتشفت حاجة حلوة جدًا: إن 80 في المية من إللي مكتوب في اللستة دي اتحقق! بطلت أدوية الاكتئاب، واشتغلت، واتجوزت، وبقى عندي بيت جميل الحمد لله. هاتي ورقة صغيرة واكتبي فيها كل إللي نفسك تحققيه، واكتبي لستة كمان بمواصفات الراجل إللي نفسك فيها، اقري الورقة دي علطول. ما اضمن لكيش إن إللي فيها يتحقق، بس اضمن لك إنه عقلك لما يعرف انتي عايزة إيه هيحاول يساعدك..
اتفرجي على حاجة تبسطك للأحتفال بـعيد الحب وانتي سينجل
طرق الاحتفال بعيد الحب 2022 لو سينجل
من الحاجات إللي ممكن تخلّي مودك حلو وتأثر في نفسيتك إنك تتفرجي على حاجة حلوة. بلاش تشوفي أفلام فراق وغدر وخيانة وقصص حب مشتعلة. اتفرجي على حاجة كوميدية خفيفة زي Friends أو How I met your mother. وطبعًا لو ما شوفتيش فيلم Eat Pray Love لازم تتفرجي عليه. الفيلم ده ألهمني قوي وكنت باتفرج عليه دايمًا بعد الطلاق 😀
اعملي قائمة أغاني
طرق الاحتفال بعيد الحب 2022 لو سينجل
من الحاجات إللي فرقت معايا قوي إني عملت لستة أغاني على ساوند كلاود اسمها “أنا هفرفش نفسي”، في اللستة دي حطيت كل الأغاني الملهمة والمنعشة والإيجابية إللي ممكن أسمعها وقت ما أكون متضايقة وتغير حالتي المزاجية. ياللا، امسكي موبايلك واعملي لستة السعادة!
لكل أم سينجل الكلام المهم ده عشانك
برطمان السعادة للأحتفال بـ عيد الحب لو انتي سنيجل
طرق الاحتفال بعيد الحب لو سينجل
واحدة صاحبتي عملت لنفسها فكرة جميلة قوي. جابت برطمان ظريف قزاز سادة وزينته، وجابت ورق ملون صغير من المكتبة وكتبت على كل ورقة حاجة، جمل إيجابية ملهمة، وكلام حب لنفسها، وآيات قرآن، وتوكيدات إيجابية وحطتهم كلهم في البرطمان. وبقت كل يوم الصبح تصحى تفتح البرطمان وتاخد منه ورقة وتقراها. بتقولي إنه العادة دي فرقت معاها قوي، وخلتها تبدأ يومها بطاقة إيجابية وكمان بقت تحس إنه كل يوم فيه رسالة حلوة مبعوتة ليها.
حطي رسايل في المنبه بتاعك
طرق الاحتفال بـ عيد الحب وانتي سينجل
أكيد عندك Alarm في الموبايل وأكيد بتظبطيه كل يوم على معاد الشغل أو معاد صحيان الولاد. عايزاكي تجربي تظبطي المنبه وتختاري من الاعدادات إنك تضيفي جملة تظهر على الشاشة لما المنبه يرن. تخيلي كل يوم تصحي على جملة إيجابية وتشوفيها أول ما تفتحي عينيكي. أكيد هتفرق في مودك قوي.
اعملي نيولوك!
طرق الاحتفال بالفلانتين 2022 لو انتي سنيجل
من الحاجات إللي بتفرق قوي في نفسيتنا كستات إننا نعمل نيولوك أو أي تجديد بنحبه في شكلنا. هاقول لك على شوية حاجات ممكن تعمليها: piercing في ودانك أو مناخيرك أو سرتك، تقصي شعرك، تصبغي شعرك، لو مش عايزة تصبغيه في موضة حلوة قوي إنك تصبغي الأطراف بس بلون مفرقع، ركبي رموش من إللي بتقعد أسبوعين، اعملي باديكير ومانيكير.
صبغات شعر طبيعية لو عندك حساسية من صبغة الشعر
روحي ساونا وسبا واعملي مساج – عيد الحب وانتي سينجل
الأحتفال بـ عيد الحب وانتي سينجل
من الحاجات برضه إللي بتفرق قوي لما بتروحي يوم سبا وتعملي مساج وتنزلي الجاكوزي وتدخلي أوضة البخار والساونا. أنا متأكدة إنه اليوم ده هيفرق معاكي وهتحسي بانتعاش مش طبيعي.
ازاي تعملي لنفسك جلسة Spa في البيت
اشتركي في راحة بالي Fit Mama Program
View this post on Instagram
راحة بالي بتقدم لك برنامج رياضي حلو قوي بتتمرني 3 مرات في الأسبوع وانتي قاعدة في بيتك على تطبيق “زووم” وكمان بتظبطي أكلك مع متخصصة في التغذية. وقريب قوي هتقدري تحضري الكلاسات دي في التجمع في arena جامدة جدًا. اشتركي هنا علشان تعرفي كل التفاصيل.
اشتري كمية من علب الأكل!
بصي بقى: لما تركزي مع أكلك وتعرفي انتي بتاكلي إيه وتنظمي وجباتك هتحسي بفرق كبير في صحتك وكمان هيبدأ وزنك يتظبط خصوصًا لو بدأتي تلعبي رياضة. من الحلول الحلوة إللي عملتها إني رحت اشتريت كمية من علب الأكل بكل المقاسات وبقيت من بالليل أرتب علب الأكل لليوم كله، ولو رايحة الشغل أو رايحة أي حتة باخد معايا علب الأكل بتاعتي. الموضوع ده مع الرياضة ساعدني إني أخس 40 كيلو في سنة ونص.
روحي السينما، فيلم وقفة رجالة
دخلت من كام يوم فيلم وقفة رجالة، فيلم مسخرة ولايت وبيضحك. خدي صاحبتك واقطعي تذكرة سينما وادخلي الفيلم وجيبي فشار كبير، ولو ما لاقيتيش حد فاضي روحي لوحدك واتبسطي.
1 comment
شيماء.. انتى شخصية جميلة جدا وبجد استمتعت بمقالك، كل عيد حب وانت بخير