محتويات المقال
نظام الكيتو دايت من الأنظمة الغذائية اللي محققة انتشار عالي جدًا على مستوى العالم، وده لفاعليته في إنقاص الوزن بشكل يعتبر سريع. نظام الكيتو دايت قايم على فكرة إنك بتحصلي على سعراتك الحرارية من البروتين والدهون مع تقليل أو منع الكربوهيدرات. فتعالي نتكلم عن الكيتو دايت بفوائده وأضراره بشكل مفصل أكتر مع بعض.
“لو وشك بيخس مع الدايت” .. أهم النصائح علشان ما يتأثرش
نظام الكيتو دايت
نظام الكيتو دايت معروف إنه واحدة من الأنظمة منخفضة الكربوهيدرات، بحيث إن الجسم ينتج حاجة اسمها الكيتونات من الكبد لاستخدامها كمصدر طاقة بديل عن السكريات. اللي بيحصل إنك لما تاكل أي سكريات أو كربوهيدرات جسمك بينتج أنسولين لحرق العناصر دي وتستخدميها كمصدر للطاقة. ولما تاكلي أكتر من احتياجك، جسمك بيراكم الطاقة دي في شكل دهون في الجسم. لو ما أكلتيش من فترة طويلة، اللي بيحصل إن الكبد بيبدأ بستخدم مخزون الجسم من الدهون عن طريق حرقها علشان يفضل محافظ على إن الجسم وظائفه تفضل تشتغل، فالكيتونات هي تحلل الدهون في الكبد.
رجيم الكيتو.. أسرع رجيم لحرق الدهون
يبقى نظام الكيتو هدفه الأساسي إنه يحوّل سيستم جسمك للحالة الأيضية دي، وده مش من خلال تجويع الجسم من السعرات الحرارية إنما تجويعه من الكربوهيدرات. لازم تعرفي إن فيه مفاهيم غلط كتير منتشرة بخصوص الأنظمة الغذائية المنخفضة الكربوهيدرات واللي بتسبب إن نظام زي الكيتو يكون له سمعة مش حلوة أو مهاجمين.
دايت الجيش الأمريكي .. يعني هتخسي 7 كيلو في أسبوع
فوائد نظام الكيتو دايت
فقدان الوزن
الكيتو دايت بعتمد على دهون الجسم كمصدر للطاقة. علشان كده، هو فعال جدًا في نقطة تنزيل الوزن، وتخفيض هرمون الأنسولين اللي يعتبر السبب الرئيسي في تخزين الدهون في الجسم.
5 أفكار مختلفة لتناول أنواع المكسرات غير المملحة في الدايت
السيطرة على سكر الدم
الكيتو بيخفض بشكل طبيعي مستويات السكر في الدم بسبب نوع الأكل المتبع فيه. لو إنتي بتعاني من مقاومة أنسولين أو مرض السكر من النوع التاني يبقى جه الوقت اللي تفكري فيه إنك تمشي على الكيتو، لكن طبعًا بعد استشارة الطبيب.
16فكرة لأكلات دايت شهية .. الرجيم مش حرمان
تركيز أعلى
كثير من الناس يستخدمون نظام الكيتو الغذائي، خصوصًا لما بيكونوا عايزين يعلوا من مستوى تركيزهم، ده لأن الكيتونات مصدر قوي وكبير للمخ. فلما إنتي تقللي من السكريات والكربوهيدرات اللي بترفع من معدل السكر في الدم بسرعة ده بيساعد على تحسين وظائف المخ.
وصفة سهلة: طريقة عمل مربى الفراولة الدايت
نشاط أعلى وجوع أقل
تغيرك لمصدر طاقة جسمك بشيء أكثر صحية ومصدر موثوق بيفرق جدا في مستوى أدائك وشعورك بالطاقة الحيوية، فالدراسات أثبتت إن الدهون أكثر فاعلية في إمداد الجسم بالطاقة، بجانب إن الاعتماد على الدهون الطبيعية كمصدر للطاقة بيساعد جدًا على الشعور بالشبع لفترات حقيقي.
الكوليسترول وضغط الدم
نظام كيتو أظهر قدرة على إنه يحسن من مستويات الدهون الثلاثية ومستويات الكوليسترول الضار. يعني زيادة كبيرة في HDL وانخفاض تركيز جزيئات LDL. بجانب إن فيه دراسات كتير أثبتت تحسن في ضغط الدم مع اتباع أنظمة غذائبة عالية الدهون منخفضة الكربوهيدرات.
8 أماكن تاكلي فيهم أكل صحي لو عاملة دايت
مقاومة الأنسولين
مقاومة الأنسولين ممكن تسبب الإصابة بمرض السكر من النوع الثاني لو تم إهماله دون علاج، أبحاث كتيرة جدًا أظهرت إن اتباع نظام غذائي منخفض الكربوهيدرات ممكن يساعد الأشخاص على خفض مستويات الأنسولين عندهم لمستويات صحية.
حسابات سوشيال ميديا هتفيدك لو هتعملي رجيم الكيتو
أضرار الكيتو دايت
التقلصات
تعتبر التقلصات وخصوصًا اللي في الساق شيء شائع جدًا في بداية اتباع نظام الكيتو، وغالبًا يا بتحصل الصبح بدري يا بالليل، لكنها مشكلة بسيطة، تقدري تتغلبي عليها بسهولة خصوصًا إنها علامة على نقص المغنسيوم في الجسم. اتأكدي إنك بتشربي كمية مياه كفاية وبتاخدي كمية الملح الكافية ليكي في أكلك، وتناولي المغنسيوم كمكمل غذائي بالليل قبل النوم.
طريقة عمل مافن الكيتو بدقيق جوز الهند واللوز
إمساك
لأكتر مسبب للإمساك هو الجفاف، الحل ببساطة هو زيادة شرب المياه لحد ما توصلي لأربعة لتر مياه في اليوم. اتأكدي على إن الخضار اللي بتتناوليه يكون غني بالمياه والألياف.
سرعة في ضربات القلب
لما تبدأي الكيتو، هتحسي إن عندك سرعة في ضربات القلب، بس ما تقلقيش، خليكي حريصة على شرب السوائل والأملاح. في المعتاد ده بيكون كافي للتخلص من المشكلة دي، لو استمرت بشكل أطول خدي البوتاسيوم كجزء من نظام غذائك اليومي.
خمول
هتلاحظي في بداية اتباعك لرجيم الكيتو في الاول خالص إحساس بالخمول والنعاس وده بسبب إن جسمك بيتعود لسه على إن الدهون هي مصدر الطاقة من السكريات ولا الكربوهيدرات، بعد فترة قصيرة نشاطك الطبيعي هيرجع ويعلى كمان.
تساقط الشعر
ممكن تلاحظي إن فيه تساقط أعلى من المعتاد لشعرك في أول خمس شهور، احرصي على تناول فيتاميناتك بشكل كافي، وطبعًا الحصول على 8 ساعات نوم.
زيادة نسبة الكوليسترول
يرجع ارتفاع الكوليسترول بشكل عام لزيادة HDL الكوليسترول الجيد، واللي بيقلل من من فرص الإصابة بأمراض القلب. ممكن تلاحظ زيادة في عدد الدهون الثلاثية، ولكن ده معتاد عند الأشخاص اللي بيفقدوا الوزن، وهترجع لمعدلات طبيعية صحية لما الوزن يرجع لطبيعته.
حصوات في المرارة
معظم الناس اللي أجريت عليهم دراسة بخصوص ارتباط الكيتو بالحصوات المرارية إما أنهم تحسنوا أو قدروا يعالجوا مشاكل الحصوة، لكن الجانب السلبي الوحيد أن ناس كتيرة اشتكت من زيادة في الشعور بعدم الراحة لما بدأوا الكيتو.
عسر الهضم
بشكل عام، الكيتو بيساعد على التخلص من عسر الهضم وحرقة المعدة، على الرغم إن فيه أشخاص بتستمر معاناتهم منها في بداية اتباعهم للدايت ده. لو حسيتي بالمشكلة دي، قللي الدهون بتاعتك وكتري من الخضروات الورقية.
الطفح الجلدي
لحد دلوقتي مفيش تفسير علمي حقيقي خلف إصابة بعض الأشخاص بالحكة الجلدية والطفح، ولكن فيه بعض التقارير اللي بتقول إنها شكل من أشكال التهيج من الأسيتون اللي بيفرز مع العرق، واللي كمان بيسبب رائحة كريهة للفم. علشان كده، احرصي على لبس الملابس القطنية وإنك تستحمي بعد كل نشاط جسدي كبير.
مشاكل في الكبد
لو فيه مشاكل سابقة في الكبد ومع وجود الدهون الكثيرة في عملية التمثيل الغذائي، من الممكن يكون الكيتو سبب في تفاقم حالة الكبد الحالية لأسوأ.
مشاكل في الكلى
الكلى هي الفلتر الرئيسي للبروتين في الجسم، فلو فيه مشاكل في الكلى، يبقى نظام الكيتو هيشكل مجهود زيادة على الكلى، ومن الأفضل تجنب اتباعه.
الرضاعة الطبيعية
فيه دراسات مختلفة بخصوص الكيتو والرضاعة الطبيعية، واللي أثبتت أن نظام كيتو عمومًا صحي أثناء الرضاعة الطبيعية. يُقترح تزودي 30-50 جرام من الكربوهيدرات من الفاكهة عند الرضاعة الطبيعية لمساعدة الجسم على إنتاج اللبن، عمومًا ما تاخديش قرار زي ده قبل الرجوع لطبيبك.
التعليق باستخدام حساب فيس بوك