محتويات المقال
خلاص الصيف على الأبواب، وصيف يعني حر، يعني عرق، وده بسبب الرطوبة والحرارة العالية بيكون التعرق غير قابل للتجنب. لكن مع اعترافنا إن التعرق شيء طبيعي، فاللي مش طبيعي إن الجسم يكون سيء الرائحة. علشان كده، جمعنا لك 12 حيلة ذكية هتساعدك على الحفاظ على رائحة الجسم منتعشة طول الصيف.
5 نصائح للتخلص من رائحة العرق الواضحة
حيل للحفاظ على رائحة الجسم جميلة
الترطيب
لازم تعرفي إن ترطيب الجسم مرتبط ارتباط مباشر مع ريحته الحلوة، فإنتي لما تيجي تستخدمي أي برفان أو حتى مزيل عرق لما تحطيه على بشرة رطبة هتلاقي إن مفعوله بيدوم لفترة أطول. ده غير طبعًا إن الترطيب بيساعد على حماية بشرتك من التهيج لما تحطي عليها أي معطر بيحتوي على الكحول. نصيحتنا إنك تستخدمي مرطب خفيف يعني يكون غير دهني، سهل الامتصاص وكمان غير معطر، وده بعد ما تستحمي مباشرة علشان الترطيب بيساعد على الاحتفاظ بالمياه داخل الجلد.
مشاكل الصيف: 3 نصائح لـ تجنب رائحة العرق في منطقة البكيني
استخدام مزيلات العرق الخالية من الكحول
لما ييجي وقت استخدام مضادات التعرق، لازم تحطي في اختيارك نقطة مهمة جدًا واللي هي إنه يكون خالي من الكحول والبارابين. وده بسبب إنهم بيسببوا جفاف للبشرة، وجفاف للبشرة يعني تشققات وبيئة مناسبة لنمو البكتيريا اللي هي أصلًا سبب رائحة العرق. الأفضل إنك تدوري على منتجات مضادة للتعرق تكون طبيعية من حيث مكوناتها. وبكده تكوني تجنبتي مخاطر مضادات التعرق المحتملة وحافظتي على إن رائحتك تكون منتعشة طول اليوم.
طريقة عمل مزيل عرق طبيعي في البيت
استخدمي البرفان بعد الاستحمام مباشرة
أحسن وقت لرش البرفان بتاعك على بشرتك هو بعد الاستحمام مباشرة لأن في الوقت ده مسامك كلها نظيفة ومتفتحة بسبب البخار. في الوقت ده المسام المفتوحة هتمتص الرائحة بسرعة وبشكل أكبر. حاجة أخيرة، لما ترشي البرفان بتاعك سيبيه ينشف لوحده، ده لأن هي دي الطريقة الصح اللي بتخليه يثبت أكتر.
استغلي عروق النبض عندك
من أفضل وأشهر تقنيات استخدام العطور علشان يدوم لوقت أطول عليكي هو إنك تحطي على أماكن النبض عنك، وده بيخلي إن طول اليوم ومع انفعالاتك المختلفة والمستمرة، رائحة الجسم تفضل منعشة. وأماكن النبض دي بتشمل الرسغين والإبطين ومنطقة أسفل البطن وآخر منابت الشعر وخلف أذنك.
رائحة الفم .. إزاي تحافظي على ريحة نفسك حلوة
عطري فرشاة شعرك
شعرك بيعرق زيه زي باقي جسمك، من أفضل النصايح إنك ترشي برفان مباشرة على فرشاة شعرك قبل الاستخدام. خلي بالك زي ما قولنا إنك لازم تبعدي على قد ما تقدري تبعدي عن المنتجات اللي فيها كحول لأنها هتنشف شعرك.
كل شيء عن فرشاة التقشير الجاف للجسم Dry Brushing
البسي الأقمشة الطبيعية
بشرتك بتحتاج تتنفس بشكل أفضل في الصيف، الأقمشة الصناعية زي النايلون والبوليستر بتخنق الجلد ومش بتمتص العرق وبتسبب احتفاظ بالبكتيريا على سطح الجلد وبالتالي تهيجه وكمان ظهور الروائح الغير محببة. عشان كده، اختاري في الصيف إن لبسك يكون من الأقطان والكتان، وتكون واسعة بحيث تسمح بتهوية بشرتك خلال النهار.
اعملي بنفسك أعمال يدوية: بالصور حلقان من القماش القديم
حطي عطورك في التلاجة
ممكن تستغربي النصيحة دي، بس في الحقيقة هي نصيحة فعالة، إنتي لما تحطي عطورك في التلاجة بخليه تدوم لوقت أطول وكمان بتكون منعشة ساعة الاستخدام.
أجمد 10 برفانات نسائية ريحتهم جذابة وهتبسطك
استخدمي أكياس الشاي
أكياس الشاي من الحاجات مثالية لامتصاص الروائح الكريهة. تقدري تحطيها في الاحذية وفي كل دولاب عندك شاكة إن يظهر فيه رائحة غير محببة.
5 طرق مختلفة لعمل الشاي الأحمر.. كل مرة مزاج مختلف
احتفظ بالوايبس في شنطتك
من أساسيات شنطتك في الصيف إن يكون فيها وايبس، وخصوصًا المعطرة. الموضوع مش بس إنك تحصلي على رائحة منعشة إنما كمان طول ما إنتي بره وبتتعرضي للهوا والتراب والشمس، هتحتاجي تنضفي بشرتك من اللي بيتراكم عليها أول بأول، وأحسن حاجة للمهمة دي هي الوايبس.
استخدامات مختلفة لمناديل الأطفال المبللة Baby Wipes
أزل الروائح الكريهة من جواربك
في الصيف تجنبي تمامًا فكرة إنك تلبسي حذاء من غير شراب من منطلق صيف وسهولة كده، اللي هيحصل إن رجلك هتعرق وفي بيئة مقفولة زي الحذاء وده أنسب عيشة للبكتيريا اللي هتسبب روايح مريعة وممكن تسبب لك إحراج حقيقي، اختاري في الصيف دايمًا شرابات قطن 100%. وبشكل دوري رشي بودرة تلك أو بيكاربونات داخل الأحذية علشان تمتص أي رطوبة جواها وبالتالي تقضي على أي بكتيريا.
مشاكل الصيف: 5 نصائح لتجنب الرائحة الكريهة عند خلع الحذاء
اشربي مياه
لازم تعرفي إن معدل كمية المياه اللي جسمك بيحتاجها بتتراوح ما بين اتنين لتر لتلاتة لتر في اليوم، طول ما جسمك من جواه رطب ده بيساعده على التخلص من أي مسببات للروائح الكريهة، ده غير طبعًا تعويض نقص المياه في الجسم بسبب التعرق في الصيف، جسمك كله مش بيشتغل بكامل طاقته إلا لو شربتي مياه كفاية.
فوائد الماء بالليمون على الريق وقبل النوم
انتبهي لنظام أكلك
رائحة الجسم مرتبطة بشكل مباشر مع نوعية الأكل اللي بتاكليه، يعني مثلًا لما تاكلي بصل وتوم ما تتوقعيش إن جسمك هتكون ريحته زي ما تتمني. ده غير إن شرب الكافيين وأكل الأطعمة الحراقة أو اللي مليانة توابل بتسبب برضه ريحة غير لطيفة للجسم، اختاري إن أكلك يكون خفيف وغني بالخضروات والفواكه.
ازاي تدمجي بين النظام النباتي والحيواني
التعليق باستخدام حساب فيس بوك