السفر مع الولاد بيكون تجربة مختلفة تمامًا عن السفر لوحدك لأنك بتبتدي تستغني عن أماكن الرفاهية والاستجمام وبتبدأي تدوري على الأنشطة والترفيه اللي يخليهم مبسوطين من غير زهق وبما إن أجازة نص السنة قربت وبالفعل في مدارس بدأت من بدري، هنعرفك على أماكن سفر في مصر مناسبة للأطفال لو حابة تسافري أسبوع من أجازة نص السنة الطويلة.
أماكن سفر للأطفال في أجازة نص السنة 2022
- الغردقة Jazz Makadi
- الغردقة Steigenberger El Dau
- الغردقة Jungle Park
- شرم الشيخ Coral Seas Hotel
- سوما باي Sheraton Somabay Aqua Park
- سوما باي Cascades
- الجونة Rihanna Resort Three Corners
- الفيوم
- دهب
- مرسى علم
الغردقة Jazz Makadi
أماكن سفر للأطفال – أجازة نص السنة
المنتجع في مدينة مكادي في الغردقة وبيعتبر من أفضل الأماكن اللي ممكن تروحيها وولادك هيقضوا أحلى وقت وهيتبسطوا هناك مع 50 زحليقة مائية مناسبة لكل الأعمار والشاطىء الخاص اللي ممكن تستمتعوا فيه بأنشطة مختلفة هناك وتتعرفوا على جمال الطبيعة زي الغطس والغوص وكمان هتلاقي حمامات السباحة المدفية المناسبة لكل الأجواء.. لو حبيتي تقضي وقت لوحدك ممكن تسيبيهم لوحدهم تحت إشراف المكان في “Kids Club” مكان مخصص ليهم فيه أنشطة كتير وكمان فيه حمام سباحة ليهم.
الغردقة Steigenberger El Dau
أماكن سفر للأطفال – أجازة نص السنة 2022
من ضمن الأماكن اللطيفة جدًا اللي ممكن تسافري فيها مع الولاد، المكان فيه الأكوا ماجيك اللي هي عبارة عن مدينة ملاهي مائية رائعة ولادك هيعيشوا فيها تجربة جديدة كلها فرحة ومرح وكمان المكان بيقدملك أنشطة كتير جدًا للولاد وكيدز أريا.. مش بس كده هتلاقي على الشاطىء مكان لطيف مخصص ليهم وكمان حمام سباحة بميه دافية عشان خاطرهم لما الجو يبرد.
الغردقة Jungle Park
أماكن سفر وترفيهية للأطفال – أجازة نصف السنة
بالرغم إن الغردقة فيها فنادق ومنتجعات كتير بيبقى فيها أكوا بارك بس المكان ده مميز جدًا لكل أفراد العيلة، Jungle Park المكان بيضم ٣٥ زحليقة مائية و١٤ حمام سباحة من ضمنهم حمامات سباحة مدفية.. لو عندك أطفال سنهم صغير هيتبسطوا جدًا لانهم عاملين حمام سباحة صغير مخصص ليهم بزحاليق مائية صغيرة وكمان هتحسي بالأمان عشان فيه أفراد إنقاذ دايمًا متواجدين في المكان.
شرم الشيخ Coral Seas Hotel
أماكن سفر وترفيهية للأطفال – أجازة نصف السنة
سوما باي Sheraton Somabay Aqua Park
أماكن سفر وترفيهية للأطفال في الأجازة
سوما باي Cascades
أماكن سفر وترفيهية للأطفال
الجونة Rihanna Resort Three Corners
أماكن سفر وترفيهية للأطفال – أجازة نصف السنة
الفيوم
أماكن سفر وترفيهية للأطفال
من أهم مميزات مدينة الفيوم إنها قريبة من القاهرة على بعد ساعتين تقريبًا بالعربية فممكن تقضي فيها يوم واحد وفيه كذا طريقة تقدري تستمتعي بيها هناك على حسب وقتك وميزانيتك.. ممكن تروحي شلالات وادي الريان أو تمارسي رياضة التزحلق على الرمال “الساندبوردينج” وتستمتعي بمنظر البحيرة، وممكن كمان تستمتعي بالمناظر الطبيعية الجميلة للكثبان الرملية في رحلة بعربيات الدفع الرباعي وتستمتعي بعشا بدوي حوالين النار في الصحرا أو فطار مع البدو.. لو عندك وقت أو هتفضي الليلة في الفيوم ممكن تروحي قرية تونس، هناك ولادك هيستمتعوا جدًا يعمل الفخار وهيتعلموا كمان إزاي يعملوه وكمان هيستمتعوا بالمشغولات اليدوية هناك.
دهب
أماكن سفر وترفيهية للأطفال
مدينة دهب من المناطق المحببة لكل أفراد الأسرة وهتضمني ليكي ولولادك رحلة مش هتتنسي سواء قررتي تاخدي ولادك بالعربية في رحلة بتستغرق 7 ساعات أو قررتي تركبي الطيارة. ممكن تقعدي في أوتيل مناسب للأطفال زي الميريديان أو Tirana يكون فيه حمام سباحة ومناطق ألعاب حلوة ليهم وأنشطة مختلفة زي ركوب المركب ولو سنهم كبير شوية ممكن يستمتعوا برياضة التزلج على الميه “wakesurfing” أو “Wakeboarding”. كمان ممكن تستمتعي بالطبيعية البحرية في رحلة غطس وإستكشاف للـBlue Hole أو Three pools اللي بيعتبروا من أفضل أماكن الغطس في العالم. وبليل ممكن تتفسحوا على الممشى وتتسوقي أو تستمتعوا بعشا لطيف.
مرسى علم
أماكن سفر وترفيهية للأطفال
من أفضل أماكن الغطس والحياة البحرية في مصر، مرسى علم من أحلى الأماكن اللي ممكن تروحيها مع ولادك وهيقضوا أوقات مسلية هناك سواء في الغطس أو السنوركلينج أو رحلة بحرية في اليخت.
قرية بساطة – نويبع
الرحلة دي هتعلم ولادك جمال الحياة البسيطة والطبيعي اللي حواليهم، هتقضي الأيام في كوخ بسيط مع ولادك وهتستمتعوا بجمال الليل وشروق الشمس في مكان مريح ومهدىء للأعصاب وكمان آمن لولادك. قوانين المكان هتعلم ولادك الاستقلالية والاعتماد على نفسهم بس لازم تبقي عارفة إن المكان مش بيسمح بالدوشة سواء للكبار أو الصغار.
الأقصر وأسوان
أماكن سفر وترفيهية للأطفال – أجازة نصف السنة
مفيش مكان أحسن من الأقصر وأسوان عشان ولادنا يتعلموا حضارتنا الفرعونية، ولادك هيتبسطوا جدًا بالرحلات النيلية وركوب الجمال وزيارة المعابد وممكن كمان تستمتعوا بركوب المنطاد عشان تقدروا تشوفوا جمال المدينة من زاوية مختلفة.
الصحراء البيضاء
أماكن سفر وترفيهية للأطفال – أجازة نصف السنة
من التجارب اللي عمر ما ولادك هينسوها، ولادك هيستمتعوا بالطبيعة الرائعة في المحمية اللي بتبلغ مساحتها حوالي 3000 كيلو متر مربع وبتغطيها صخور ضخمة لونها أبيض زي الطباشير ووقت الشروق أو الغروب لونها بيميل للزهري أو البرتقالي واللي بيخلي شكلها جميل جدًا، الرمل كمان مغطى بحفريات كتير وهيحفز فيهم روح الإكتشاف وكمان هيستمتعوا بالساند بوردنج والتخييم وكمان السباحة في الينابيع الطبيعية.
بارون بالاس سهل حشيش
أماكن سفر وترفيهية للأطفال
من الأماكن المناسبة جدًا للأطفال والمكان بيوفر ليهم Kids Area وحمام سباحة مدفي وكمان ممكن تستمتعوا برحلة بحرية أو الغطس أو السنوركلينج، سهل حشيش فيها كمان حديقة حيوان واكواريوم لو حابة تفسحي ولادك هناك.
التعليق باستخدام حساب فيس بوك