20 فكرة مبتكرة Workstation للشغل من البيت

كتير مننا وخصوصًا الأمهات شغلهم بقى من البيت، بعد انتشار فيروس كورونا، وفي ناس سيدات شغلهم اتحول لـفريلانس، فبقوا كمان بيشتغلوا من البيت، والحقيقة إننا مكناش مصممين بيوتنا على كده، وقابلتنا مشكلة في توفير مكان مناسب في البيت للشغل، علشان كده النهاردة هنقولك على أهم نصائح اختيار مكان في البيت للشغل Workstation وهنعرض لك صور أفكار مبتكرة للشغل من البيت:

نصائح لاختيار مكان في البيت للشغل Workstation:

اختاري مكان الانترنت فيه قوي، وشبكات الاتصال كويسة.

خلي مكان الشغل بتاعك بعيد عن أي ضوضاء، زي صوت الشارع أو الجيران.
حتى لو عندك مساحة صغيرة جدًا، تقدري تستغليها استغلال كويس، ابعدي في الحالة دي عن الأثاث الضخم والمعقد، البساطة راقية.
مكان شغلك هو مساحتك الخاصة اللي هتقضي فيها وقت طويل، فاختاري الألوان والاستايل على ذوقك.
اختاري كرسي مريح جدًا، حتى لو سعره غالي شوية.
إتأكدي من وجود مصادر كهرباء كويسة جنبك علشان الشواحن والاضاءة.
لو بتشتغلي بالنهار، اختاري مكان في البيت يكون نور النهار مشرق فيه.
خلي جنبك نباتات صغيرة تديكي روح وبهجة للمكان.
حاولي توفري صناديق أو أدراج تحطي فيها مستلزماتك خصوصًا لو عندك أطفال، وعلشان تحافظي على المكان مرتب دايمًا.
لو عندك في البيت كوفي كورنر، حاولي يكون مكان شغلك قريب منه.
علقي تابلوهات أو أي أنتيكات إنتي بتحبيها حواليكي.
رشي معطر للجو، أو شغلي شمع معطر طول ما إنتي تشتغلي.
إتأكدي من التهوية في المكان، والتدفئة.
لو بتحبي تشتغلي مع جوزك ومجال شغلكم قريب من بعض أو مناسب، تقدري تعملي مساحة مشتركة ليكم إنتو الاتنين.