رمضان كريم عليكي يا أحلى وأشطر أم. فاضل أيام قليلة على شهر رمضان المبارك 2022 والسؤال اللي دايمًا بنسأله لنفسنا كل يوم: هناكل إيه النهارده؟ وطبعًا الفطار ما يكملش من غير سلطة. وهنا بقى في الموضوع ده هنعمل لك بوفيه وصفات سلطات محترم، من السلطات العادية خالص للفرنسية لسلطة الكبابجية وحتى منيو سلطات شم النسيم 2022 اللي هيبقى في رمضان ما نسيناش وحطينا ليكي وصفته. اقري المقال ده واعملي له save عندك عشان هتلاقي فيه 30 وصفة طبق سلطة أحلى من بعض لكل أنواع السلطات وبنتمنى تعجبك وبألف هنا وشفا وكل سنة وأنتم طيبين وبخير.
هنا ممكن تشوفي 6 دريسنج وصوصات سلطات تتعمل في دقايق
طريقة عمل السلطة الخضراء
طريقة عمل السلطة الخضراء – سلطات رمضان
مقادير السلطة الخضراء
- طماطم.
- خيار.
- جزر مبشور.
- بصل أبيض.
- ذرة.
- بقدونس.
- ملح وفلفل.
- زيت زيتون.
- مستردة.
- نص معلقة توم مفروم.
طريقة عمل السلطة الخضراء
- قطعي كل الخضروات صغير وقلبيهم كويس مع بعض.
- حطي كل مكونات الدريسينج وقلبيهم كويس.
- حطي الدريسينج على طبق السلطة قبل ما تقدمي السلطة بربع ساعة.
طريقة عمل سلطة الحاتي
طريقة عمل سلطة الحاتي – سلطات رمضان
مقادير سلطة الحاتي
- بصل أحمر.
- طماطم.
- بقدونس مفروم.
- فلفل حار.
- عصير ليمون.
- خل.
- كمون.
- ملح وفلفل.
طريقة عمل سلطة الحاتي
- قطعي البصل شرايح رفيعة وادعكيه كويس بالخل والملح والكمون.
- قطعي الطماطم شرايح وصيفي عليها البصل والليمون والملح والفلفل وقلبي كويس.
طريقة عمل سلطة التبولة
طريقة عمل سلطة التبولة – سلطات رمضان
مقادير سلطة التبولة
- برغل.
- نص كوب بقدونس مفروم.
- ربع كوب نعناع مفروم.
- نص كوب بصل مقطع مكعبات صغيرة.
- ٢ طماطم كبيرة مقطعة صغير.
- عصير ليمون.
- ملح وفلفل.
- نص معلقة دبس رمان.
- زيت زيتون.
طريقة عمل سلطة التبولة
- اغسلي البرغل وانقعيه في ميه ساخنة لمدة ٣ ساعات.
- ضيفي باقي المكونات مع بعض في طبق التقديم.
- صفي البرغل وضيفيه للسلطة.
- ضيفي الدريسينج على طبق سلطة التبولة وقلبي كويس.
طريقةعمل سلطة الفتوش
طريقة عمل سلطة الفتوش – سلطات رمضان
مقادير سلطة الفتوش
- خيار.
- طماطم.
- بصل متقطع شرايح.
- توست أو عيش شامي محمص.
- خس.
- فجل.
- بقدونس.
- ملح وفلفل.
- زيت زيتون.
- خل.
- سماق.
- دبس رمان.
طريقة عمل سلطة الفتوش
- اخلطي كل الخضروات مع بعض كويس.
- اخلطي مكونات الدريسينج مع بعض وضيفيها للسلطة.
- ضيفي العيش على طبق سلطة الفتوش قبل التقديم مباشرة.
طريقة عمل سلطة السلمون المدخن
طريقة عمل سلطة السلمون المدخن – سلطات رمضان
مقادير سلطة السلمون المدخن
- سلمون مدخن.
- خس آيسبيرج.
- نص كوب من الكيبر.
- قطع عيش توست محمص.
- فصوص توم مفرومة.
- زبادي.
- زيت زيتون.
- عصير ليمون.
- ملح وفلفل.
طريقة عمل سلطة السلمون المدخن
- قطعي السلمون شرايح صغيرة والخس.
- ضيفي التوم للزبادي ولباقي مكونات الدريسينج ورجيه كويس وضيفيه للسلمون.
- قلبي السلطة كويس وعلى وش على طبق سلطة السلمون ضيفي التوست المحمص.
طريقة عمل سلطة الرنجة المهروسة
طريقة عمل سلطة الرنجة المهروسة – سلطات شم النسيم
المقادير
- رنجة.
- بصل.
- فلفل ألوان.
- طماطم.
- فلفل حامي.
- طحينة.
- زيت.
- عصير ليمون.
- خل.
- ملح وفلفل.
طريقة عمل سلطة الرنجة المهروسة
- قطعي الرنجة الجاهزة شرايح صغيرة أوي واهرسيها بالشوكة أو في الكبة لحد ما توصلي لقوام أشبه بالتونة المفتتة.
- رشي عليها الليمون والفلفل الأسود وحطي عليها حوالي ربع كوب من الطحينة وقلبي.
- قطعي البصل والفلفل والطماطم وضيفيهم للرنجة.
طريقة عمل سلطة نيسواز الفرنسية
طريقة عمل سلطة نيسواز الفرنسية
المقادير
- خس ويفضل يبقى نوع آيسبيرج.
- طماطم مقطعة شرايح.
- ٢ بصل ابيض مقطع جوليان.
- فلفل ألوان مقطع شرايح.
- بطاطس مسلوقة ومقطعة مكعبات.
- بيض مسلوق.
- علبة تونة مصفية من الزيت.
- زيتون أسود مخلي.
- بقدونس.
- خل.
- ملح وفلفل.
- زيت زيتون.
- مستردة.
طريقة عمل سلطة نيسواز الفرنسية
- قطعي الخس قطع كاملة وافرشيه في قاع طبق التقديم.
- اسلقي البطاطس سلقة سريعة وصفيها كويس من المياه.
- قطعي باقي المكونات وضيفيها على الخس وعلى الوش قطعي البيض المسلوق شرايح.
- اخلطي كل مكونات الدريسينج مع بعض كويس وضيفيها للسلطة.
طريقةعمل سلطة الدكوس
طريقةعمل سلطة الدكوس
المقادير
- ٤ ثمرات طماطم.
- ٢ فلفل أحضر حار.
- ٤ فصوص توم مفروم.
- ملح وفلفل.
- بصلة كبيرة مفرومة ناعم.
- ربع كوب زيت زيتون.
طريقةعمل سلطة الدكوس
- اضربي الطماطم مع الفلفل في الكبة مع شوية من زيت الزيتون.
- افرمي البصل وارفعيه على النار مع التوم وقلبي لحد ما يتحول لون للدهبي.
- ضيفي الخليط السابق والملح والفلفل وقلبي.
- ارفعيهم من على النار وقدميها باردة.
طريقة عمل سلطة الجبنة بالطماطم
طريقة عمل سلطة الجبنة بالطماطم
المقادير
- علبة جبنة اسطنبولي.
- طماطم مقطعة صغير.
- فلفل أخضر مقطع صغير.
- فلفل أسود.
- بابريكا.
- زيت زيتون.
طريقة عمل سلطة الجبنة بالطماطم
- حطي الطماطم والفلفل والبابريكا على الجبنة وقلبي كويس لحد ما توصلي لقوام متجانس.
- ضيفي الزيت والفلفل الأسود وحطيها في التلاجة ليلة قبل ما تقدميها.
طريقة عمل سلطة البطاطس بالمستردة
طريقة عمل سلطة البطاطس بالمستردة
المقادير
- كيلو بطاطس مسلوقة ومقطعة مكعبات.
- ٢ فص توم مهروس.
- بصلة بيضة مقطعة شرايح رفيعة.
- نص كوب بقدونس أو كرفس.
- مستردة.
- ملح وفلفل.
- خل.
- زيت زيتون
طريقة عمل سلطة البطاطس بالمستردة
- اسلقي البطاطس وبعد السلق حطي عليها ميه ساقعة عشان متتهريش.
- قطعي البقدونس أو الكرفس والبصل وحطي المكونات على بعض.
- هاتي الزيت والمستردة والملح والفلفل وقلبي كويس مع بعض.
- ضيفي الدريسنج للسلطة وقلبيهم كويس مع بعض.
طريقة عمل سلطة الفاصوليا
طريقة عمل سلطة الفاصوليا – سلطات رمضان
المقادير
- نص كوب فاصوليا حمرا.
- نص كوب فاصوليا بيضا.
- نص كوب فاصوليا خضرا.
- نص كوب من الحمص.
- بصلة حمرا كبيرة.
- كوب ذرة.
- خل.
- ملح وفلفل.
- عسل.
- زيت زيتون.
طريقة عمل سلطة الفاصوليا
- هتجيبي علب فاصوليا جاهزة أو هتشتريها من العطار وتسلقيها وتشطفيها وتصفيها كويس من المياه.
- هاتب بصلة حمرا قطعيها شرابح رفيعة وادعكيها كويس أوي بالخل.
- حطي الذرة والبصل والفاصوليا وقلبي.
- حطي خل مع الزيت مع الملح والفلفل والعسل وقلبي كويس أوي وضيفي الدريسينج للسلطة ودخليها التلاجة وقدميها ساقعة.
طربقة عمل سلطة الكرنب الأحمر
طربقة عمل سلطة الكرنب الأحمر – سلطات رمضان
المقادير
- قطعة كرنب أحمر.
- ٣ جزرات كبار.
- ١/٢ كوب ذرة (اختياري)
- ملح وفلفل.
- ربع كوب مايونيز.
- عصرة ليمونة.
- ٢ معلقة زيت زيتون.
طربقة عمل سلطة الكرنب الأحمر
- افرمي الكرنب وابشري الجزر وضيفيهم على بعض مع الذرة.
- حطي مكونات الدريسينج كلها مع بعض وضيفيها للسلطة وقلبي كويس.
طريقة عمل سلطة الزبادي بالخيار
طريقة عمل سلطة الزبادي بالخيار – سلطات رمضان
المقادير
- ٤ قطع خيار مقطعة صغير أو مبشورة.
- حزمة شبت مقطعة.
- علبتين كبار من الزبادي.
- فصين توم مفروم.
- معلقتين نعاع مفروم.
- ملح وفلفل.
طريقة عمل سلطة الزبادي بالخيار
- ضيفي الزبادي والتوم المفروم للخيار المتقطع وقلبي كويس.
- رشي عليهم الملح والفلفل ورشة النعناع على الوش.
طريقة عمل سلطة العدس البني
طريقة عمل سلطة العدس البني
المقادير
- نص كيلو عدس بني مسلوق ومتصفي.
- بصلة بيضا.
- طماطم كبيرة.
- نص كوب بقدونس.
- ملح وفلفل.
- عصير ليمونتين كبار.
- معلقتين كبار دبس الرمان.
- ربع كوب زيت زيتون.
- توم مفروم.
طريقة عمل سلطة العدس البني
- قطعي الطماطم والبصل شرايح وافرمي البقدونس وضيفيهم للعدس وقلبي.
- حطي مكونات الدريسينج مع بعض وقلبي كويس وضيفيهم للسلطة.
طريقة عمل سلطة البنجر
طريقة عمل سلطة البنجر – سلطات رمضان
المقادير
- ٤ قطع بنجر مسلوقين ومتقطعين مكعبات متوسطة الحجم.
- نص كوب كزبرة.
- ملح وفلفل.
- عصير ليمونتين كبار.
- ربع كوب زيت زيتون.
- ربع معلقة توم مفروم.
طريقة عمل سلطة البنجر
- حطي الكزبرة مع البنجر وقلبيهم مع بعض.
- قلبي مكونات الدريسينج مع بعض وضيفيهم للبنجر وقلبي كويس.
طريقة عمل سلطة التونة بالمايونيز
طريقة عمل سلطة التونة بالمايونيز – سلطات رمضان
المقادير
- علبة تونة مصفية من الزيت.
- ذرة اصفر.
- فلفل أصفر وأحمر مقطع صغير.
- بصلة كبيرة مفرومة.
- ٢ عصير ليمونة كبيرة.
- نص كوب مايونيز.
- ملح وفلفل.
طريقة عمل سلطة التونة بالمايونيز
- افرمي البصل وضيفيه للتونة والفلفل والذرة.
- حطي المايونيز مع باقي مكونات الدريسينج وقلبي كويس.
- حطي الدريسينج على طبق سلطة التونة وقلبي كويس.
طريقة عمل سلطة الكينوا بالرمان
طريقة عمل سلطة الكينوا بالرمان
المقادير
- كوب من الكينوا.
- كوب من الرمان.
- جرجير.
- كزبرة.
- خس أخضر.
- جزر مبشور.
- نص كوب من اللوز المحمص.
- عصير ليمون.
- معلقة كبيرة من العسل.
- معلقتين كبار من خل التفاح.
- ربع كوب زيت زيتون.
- ملح وفلفل.
طريقة عمل سلطة الكينوا بالرمان
- اسلقي الكينوا في ميه على النار وصفيها كويس.
- ضيفي الكينوا للرمانو للورقيات وقلبيهم كويس مع بعض.
- قلبي مكونات الدريسينج وضيفيها للسلطة.
- ضيفي اللوز المحمص على وش طبق سلطة الكينوا.
طريقة عمل سلطة الحمص
طريقة عمل سلطة الحمص – سلطات رمضان
المقادير
- نص كيلو من الحمص المسلوق والمصفي كويس.
- ربع كوب طحينة.
- ليمون.
- ملح وفلفل.
- ٢ فص توم مفروم.
- زيت زيتون.
طريقة عمل سلطة الحمص
- افرمي الحمص مع الزيت الزيتون والتوم المفروم والليمون والطحينة لحد ما توصلي لقوام كريمي.
- لو القوام تخين ضيفي شوية طحينة.
- قدمي طبق سلطة الحمص بارد وعلى الوش شوية من الزيت الزيتون.
طريقة عمل سلطة الجبنة الحلوم
المكونات
- كيلو جبنة حلوم.
- طماطم شيري.
- خس آيسبيرج.
- عصير ليمون.
- زعتر ناشف.
الطريقة
- اقلي الجبنة الحلوم في الطاسة مع شوية زبدة.
- قطعي الجبنة الحلوم شرايح.
- قطعي الطماطم الشيري والخس وقلبيه مع الحلوم.
- ضيفي عصير الليمون مع الزعتر وقلبي كويس.
سلطة الفاصوليا الخضراء
سلطة الفاصوليا الخضراء
- فاصوليا خضرا.
- بصل أبيض.
- فلفل احمر.
- خل.
- عسل.
- زيت زيتون.
- ملح وفلفل.
الطريقة
- اسلقي الفاصوليا لمدة عشر دقايق وبعدين حطيها في ميه متلجة.
- قطعي البصل والفلفل شرايح رفيعة وادعكيهم في شوية خل.
- حطي الخل مع العسل وشوية زيت زيتون وملح وفلفل وقلبي كويس.
- ضيفي الدريسينج على طبق سلطة الفاصوليا وقدميه بعدها بيوم.
طريقة عمل سلطة الروكا
المكونات
- جرجير.
- مشروم فريش.
- جبنة بارميزان مبشورة.
- طماطم شيري.
- خل بلسمي.
- مستردة.
- زيت زيتون.
- ملح وفلفل.
الطريقة
- قطعي الجرجير وضيفي عليه المشروم الفريش.
- اخلطي مكونات الدريسينج وقلبيها وضيفيها للسلطة.
- حطي الجبنة البارميزان على الوش.
طريقة عمل سلطة الهوت دوج
المكونات
- هوت دوج مقطع دواير صغيرة.
- فلفل ألوان مقطع شرايح رفيعة.
- بصل أبيض مقطع شرايح رفيعة.
- خل.
- ملح وفلفل.
- مايونيز.
- صوص سويت تشيللي.
الطريقة
- قطعي البصل شرايح رفيعة وانقعيه حوالي نص ساعة في الخل.
- اشطفيه شطفة سريعة وحطيه مع الهوت دوج والفلفل.
- اخلطي مكونات الدريسينج مع بعض وضيفيها للسلطة.
طريقة عمل سلطة البطيخ والفيتا
المكونات
- ٢ كوب مقطع مكعبات منزوع البذر.
- ٢ كوب جبنة فيتا مقطعة مكعبات.
- ملح وفلفل.
- زيت زيتون.
- ريحان.
الطريقة
اخلطي البطيخ مع الجبنة الفيتا والملح والفلفل والزيت وزيني الوش بالريحان.
طريقة عمل سلطة اللحوم الباردة
المكونات
- ميكس من اللحوم الباردة: لانشون فراخ ولحمة وسلامي وبيف بيكون وتركي…
- زيتون أخضر شرايح.
- جبنة شيدر مقطعة شرايح.
- مايونيز.
- ملح وفلفل.
الطريقة
- قطعي اللحوم الباردة والشيدر شرايح رفيعة وحطي عليهم الزيتون.
- ضيفي المايونيز حسب رغبتك والملح والفلفل وقلبي كويس مع بعض.
طريقة عمل سلطة الأفوكادو
المكونات
- ٢ ثمرة أفوكادو.
- ٢ طماطم مقطعة قطع صغيرة.
- فلفل أحمر مطحون.
- ٢ بصل متقطع صغير.
- عصير ليمونة كبيرة.
- فصين توم مفرومين.
- ملح وفلفل.
الطريقة
- افتحي ثمر الأفوكادو واهرسيه كويس.
- اخلطيه في وعاء التقديم مع الليمون والملح والفلفل.
- ضيفي البصل والفلفل والطماطم.
- قلبي المكونات مع بعض كويس وقدميه على طول.
طريقة عمل سلطة الطحينة
اعرفي الخطوات الصحيحة لعملها من هنا
طريقة عمل سلطة الراهب
اعرفي الطريقة الصحيحة والخطوات من هنا
طريقة عمل سلطة السيزر (سيزر سالاد)
اعرفي الطريقة كاملة من هنا
طريقة عمل سلطة التونة بالحمص والخضروات المشكلة
اعرفي الطريقة الصحيحة من هنا
طريقة عمل سلطة الرنجة
اعرفي الطريقة الصحيحة من هنا
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك