محتويات المقال
مهم جدًا إننا نراعي الجودة العالية لكل المكونات والمنتجات اللي بنستخدمها في الطبخ في بيوتنا عشان نحافظ على صحتنا وصحة أولادنا، ودايمًا ندور على الأفضل وعلى المنتج اللي مش بس هيديني جودة وطعم لأكلي، لكن كمان يحافظ على صحتي وما يسببليش أي ضرر ولكل الأسباب دي، قدر زيت عافية بجودته العالية ونتايجه الرائعة – اللي بتلمسها كل ست بيت لما بتجربه وتستخدمه في أكلها – إنه يكسب ثقة ملايين من الستات والأمهات في مصر، اللي ما يقدروش يستغنوا عن وجوده في مطبخهم.
وبالرغم إن زيت الذرة من أكتر أنواع الزيوت شيوعًا واستخدامًا في أغلب مطابخنا، لكن الحقيقة إن ناس كتير ما تعرفش إيه هي مميزات زيت الذرة وقد إيه له فوايد صحية متنوعة، عشان كده النهاردة، حبينا نشارك معاكي 4 أسباب مهمة جدًا هتخليكي تعرفي فوايد واستخدامات زيت الذرة اللي هتخليكي تحبيه وما تستغنيش عنه.
1. فوايد زيت الذرة لصحة القلب
زيت الدرة من عافية – المصدر Afia facebook
بعض الدراسات والأبحاث أثبتت إن زيت الذرة في حد ذاته بيساعد على التقليل من الكوليسترول وخصوصًا الكوليسترول الضار (LDL)، وفي الأغلب السبب في ده هو إن زيت الذرة غني بالأحماض الدهنية المتعددة غير المشبعة. يبقى الخلاصة إن استخدام زيت الذرة في أكلنا بانتظام بيساعد في الحد من الإصابة بأمراض القلب وكمان بيقلل من الكوليسترول الضار بشكل كبير.
2. زيت الذرة متعدد الاستخدامات في المطبخ
المصدر :thespruceeats
استخدامات زيت الذرة
من أكتر المميزات الموجودة في زيت الذرة هو إنه يصلح لأغلب طرق الطهي، بمعنى إنك ممكن تعملي بيه أغلب الحاجات في المطبخ زي عمايل الحلويات والكيك والتسبيكات وكمان بسبب مذاقه الغني، تقدري تستخدميه في التحضيرات الباردة زي دريسينج السلطات والصلصات والمايونيز كمان.
3. فوايد زيت الذرة للشعر
زيت الدرة من عافية – المصدر brightstuffs
يمكن مش معروف لكتير من الناس إن زيت الذرة ممكن يستخدم لتغذية الشعر وحمايته من التقصف والتلف. يمكن تكون ستات كتير بتفضل الأنواع المشهورة من الزيوت اللي بتستخدم لعمل حمامات زيت للشعر. لكن الحقيقة، زيت الذرة ما يقلش عنهم أهمية وفوايده للشعر كبيرة جدًا في تحسين الدورة الدموية لفروة الراس ومنع تساقط الشعر كمان. عشان تستفيدي بكل الفوايد دي لشعرك، تقدري تستخدمي زيت الذرة على شعرك كحمام زيت أو تضيفي شوية منه للشامبو وانتي بتغسلي شعرك عشان يدي شعرك نعومة وطراوة هايلة.
4.زيت الذرة والمخبوزات
المصدر: pinkpigfarm.co.uk زيت الذرة والمخبوزات
زيت الذرة مناسب جدا لخبز الأنواع المختلفة من الكيك و المخبوزات ونتيجتة بتكون دايما كيك هش جدا وطري ومخبوزات رائعة في قوامها جربي زيت الذرة من عافية في عجينة البيتزا هيديكي نتيجة هايلة عجينة مقرمشة من برة وطرية وهشة من جوه.
وعشان كل الأسباب دي والجودة العالية لزيت عافية، ستات مصر بيحبوه وبيعتبروه المنتج الأفضل ليهم، وده رأي كتير من أمهات راحة بالي وتعليقهم على سلسلة مقالاتنا عن زيت عافية وعن استخداماته وفوايده المتعددة:
- باستخدمه على طول
- أخف زيت على الأكل
- بصراحة ما بستغناش عنه
- فعلًا أحسن نوع زيت جربته
- أكتر نوع زيت باثق فيه
التعليق باستخدام حساب فيس بوك