محتويات المقال
أغلب الأمهات بعد الولادة والرضاعة الطبيعية بيعانوا من مشاكل كتير في أسنانهم، بس كالعادة بتفضل الأم تأجل وتستنى الظروف المناسبة علشان تهتم بصحتها، وبدل ما الضرس يكون محتاج حشو مكان التسوس بس حالته بتسوء وبيحتاج حشو عصب، والالتهاب العادي بيكبر لخراج وورم ولسه الأم مستنية الظروف تسمح، ومن أكبر الأسباب اللي بتخلي الأم مش عارفة تروح عيادة الأسنان إنها مش لاقية مكان تسيب ولادها فيه في وقت وجودها عند الدكتور، ولو أخدت أطفالها معاها غالبًا طبيب الأسنان مش هيعرف يشتغل.
عيادة Tooth Yard لعلاج الأسنان عرفت كل ده عن الأمهات وصممت عيادة تراعي كل احتياجات الأم، وعلشان إحنا بنحاول نقدم ليكي كل الخدمات اللي تسهل عليكي أمومتك، عملنا المقابلة دي مع دكتورة نهى صاحبة فكرة مراعاة الأمومة في عيادة tooth yard، وعرفنا منها كل التفاصيل اللي ممكن تكوني كأم محتاجة تعرفيها:
إيه الأسباب اللي تخليني كأم أروح عيادة Tooth Yard؟
- أغلب العاملين في المكان سيدات: وده بيدي راحة نفسية أكبر للأمهات.
- توفر مواعيد صباحية: علشان لو الأم عاوزه تستغل الوقت اللي أولادها موجودين فيه في المدارس والحضانات.
- وجود كيدز كورنر في العيادة: وموجود فيه كاميرات مراقبة متوصلة بشاشات موجودة في غرفة الطبيب فتقدر الأم تشوف أولادها في وقت العلاج.
- في أطباء متخصصين للتعامل مع الأطفال: ومعروف طبعًا إن الأطفال بيخافوا جدًا من كرسي الأسنان، وعلشان كده العيادة بتقدر تتعامل بشكل كامل مع الأطفال اللي أسنانهم محتاجة علاج زي إنهم يحببوهم بلعب أو يفرجوهم على أفلام كرتون أثناء العلاج، أو حتى لو الطفل احتاج إن الزيارة الأولى تكون تمهيدية بحيث يتعود على المكان قبل ما يبدأ العلاج.
- ديكور العيادة مبهج: كل التابلوهات واللوح المتعلقة على الحوائط مرسوم عليها ورود وألوان مبهجة مش رسومات أسنان وأشكال علاجية مخيفة للمريض، الورد موجود على طول في الريسيبشن، لو طقم الاستقبال فاتح مش زي الطقم البني الكلاسيكي اللي معتادين نشوفه في عيادات الأسنان.
إيه الاحتياطات اللي موجودة في عيادة tooth yard بسبب فيروس كورونا؟
- من أول لما المريض بيدخل المكان بيلبس أوفر شوز في رجله، وبيستخدم الجل المعقم الموجود في الريسيبشن.
- بيتراعى فرق نص ساعة بين كل مريض واللي بعده علشان التباعد الاجتماعي وعلشان الأدوات كلها وكرسي الأسنان وغرفة العلاج تتعقم بعد المريض الأول.
- زيادة في الاحتياطات، المريض بيلبس أوفر هيد علشان مكان الرأس على الكرسي ما يتنقلوش أي عدوى، وبيلبس فوق الملابس لبس disposable.
- الأطباء الموجودين في العيادة طول الوقت لابسين كمامات طبية متخصصة بفلاتر بالإضافة للفيس شيلد، وكروكس مخصص لمكان أو أوفر شوز، تمامًا كأن الطبيب داخل غرفة العمليات.
إيه الخدمات الطبية اللي بتتقدم في عيادة tooth yard غير العلاجات الأساسية للأسنان؟
بنقدم حلول للمشاكل التجميلية، زي تغيير لون الأسنان على حسب درجة اللون المرغوبة.
هوليود سمايل بنوعين واحد متحرك للمناسبات أو ثابت.
وطبعًا القهوة الصديق الوفي للأمهات موجودة في الكوفي كورنر في عيادة tooth yard.
وعلشان تعرفي معلومات وتشوفي صور أكتر عن العيادةتقدري تزوري صغحة الفيسبوك والإنستاجرام من اللينكات دي:
https://www.facebook.com/toothyard
https://www.instagram.com/toothyarddental/
التعليق باستخدام حساب فيس بوك