محتويات المقال
فيه حاجات كده تعتبر من الثوابت الكونية اللي كلنا متفقين عليها وعمرها ما هتتغير أبدًا وصعب إننا نلاقي حد مختلف عليها، زي القهوة اللي بوش، كارتون توم وجيري، خروجة حلوة مع صحابك زي أيام زمان، وأخيرًا وده من أهم ثوابت الكوكب والمجرات المجاورة الأكل في وقت الحظر وبكل أنواعه ما هو مش معقول هنقعد في البيت من غير أكل ده بعد أذن الفيروس يعني.. بس اللي هيحلّي الحظر كمان هو اوريو بكل أنواعه وفيه قصة حب كبيرة بينا وبين اوريو وهنقولك على الأسباب اللي بتخلينا كلنا سواء كبير أو صغير نحب الاوريو:
بسكوتة واحدة من اوريو هتفرحك
عارفين لما تبقي مضايقة وفجأة تلاقي اوريو جاي ينتشلك من الأحزان ويطبطب عليكي بالكريمة بتاعته اللي بقت دوبل دلوقتي عشان تستمتعي بيها أكتر؟ ده غير كوباية اللبن مع اوريو فدي قصة حب تانية خالص عارفها كل الناس اللي جربوا ياكلوا يفكوا اوريو وياكلوه مع اللبن.
اوريو مش بس سناك
اوريو مش بس سناك تاكليه،اوريو كل حتة فيه ممكن تحوليها لأحلى أكلة ليكي ولولادك.. كنتي تعرفي إنك ممكن تعملي منه أحلى حلويات، جرتبي تعملي تشيز كيك بطبقة كراست من الاوريو؟ طيب جربتي البسبوسة مع الاوريو ولا براونيز بالاوريو؟ وأفكار كتير من اوريو اللي هيخليكي تعملي حلويات لولادك زي بره بضبط.
بسكوت أوريو
اوريو ممكن تشربيه كمان
كام واحدة من اوريو مع شوية لبن وتلج مجروش وحطيهم في الخلاط هتعملي أحلى اوريو سموذي ساقع ويا سلام لو فتفتي شوية اوريو على الوش هيبقى زي بتاع بره بضبط وولادك هيتبسطوا بيه جدًا.. ده غير إنك كمان ممكن تعملي بيه مشروبات سخنة للشتا.
ممكن تعملي باوريو أنشطة مع ولادك
ولادك مش بس بيحبوا اوريو كسناك، كمان هيعملوا بيه أنشطة مختلفة ويلعبوا ويتبسطوا بيه.
اقري المقال ده عشان تتعرفي أكتر على الأنشطة اللي ممكن تعمليها مع ولادك في البيت بالاوريو.
اوريو هيبقى صديقك بره البيت
طبعًا عارفين إن الأوقات دي مش بنخرج من البيت كتير بسبب الحظر المنزلي الصحي بس أوقات بنضطر ننزل للشغل، فاوريو هيبقى سناك ليكي هيشبعك طول الوقت بره البيت.
التعليق باستخدام حساب فيس بوك