محتويات المقال
أدوية الخصوبة اللي بتزود البويضات وتخصيبها عشان تزود فرص الحمل بتوأم، مش هي طريقة الحمل بتوأم الوحيدة. في المقال ده، هنتكلم عن عناصر أكتر من الأدوية ممكن تزود احتمالات الحمل بتوأم.
اعرفي هنا مراحل تطور الحمل وتكوين الجنين شهر بشهر
عوامل زيادة فرص الحمل بتوأم
السن
فرص الحمل بتوأم عند الستات فوق التلاتين بتكون أعلى، لأن نسبة هرمون FSH (الهرمون المنشط للحوصلة) بتزيد مع العمر. نسبة هرمون الحمل بتوأم كل ما بتعلى، كل ما البويضة جوا المبيض بتكبر ويكتمل نموها قبل ما تخرج كل شهر.
العائلة
تاريخ العيلة بيحكم لو العيلة فيها توائم مش متشابهين لأن ده معناه إن نسبة إفراز أكنر من بويضة في المرة الواحدة عالية في العيلة وده بيزود فرصة الحمل بتوأم.
الوزن
لو كتلة الوزن (الـBMI) أعلى من 30، فرصة الحمل بتوأم بتكون أعلى، مع إن السمنة بتعطل حدوث حمل أصلًا إلا إن السمنة برضه بتخلي نسبة هرمون الاستروجين أعلى وده ممكن يسبب إنتاج أكبر في المبايض، فبدل ما ينتجوا بويضة واحدة، ممكن ينتجوا بويضتين أو أكتر.
الرضاعة الطبيعية
غالبية الستات اللي بيحملوا أثناء الرضاعة الطبيعية بيحملوا في توأم أكتر من احتمالية حدوث حمل بتوأم في الأمهات اللي مش بيرضعوا أثناء التخصيب. برغم لخبطة الهرمونات اللي بتحصل أثناء الرضاعة الطبيعية، إلا إن بعد 6 شهور من الرضاعة الطبيعية، فيه احتمالية للحمل وخصوصًا الحمل بتوأم.
منتجات الألبان
فيه بعض الدراسات بتقول إن الستات اللي بياكلوا منتجات ألبان كتير بيكون عندهم احتمالية أكبر لحدوث حمل بتوأم، وده لأن هرمونات النمو اللي بيتحقن بيها البقر بتأثر على مستويات الهرمونات في البشر اللي بيستهلكوا مننتجات ألبان.
كل ده غير الأدوية، والأدوية اللي بتساعد في إفراز أكتر من بويضة هي كلوميد Clomid وفيميرا Femera وطبعًا الحقن المجهري أو تنشيط المبايض للحمل بتوأم. لكن بنفكرك إنك ما تاخديش أي من الأدوية دي إلا بعد ما يوصفها طبيب النسا المتابع لحالتك.
بنتمنى لك حمل صحي وبيبي سعيد.
1 comment
انا حامل بتوأم
وقريت كتير عشان اعرف ايه السبب الي خلاني احمل بتوأم وكل المقالات فيها هاي الاسباب المتشابهة
انا معنديش ولا اي عامل من دول
عمري ٢٥ قصيرة وضعيفة وبكره الحليب ومنتجاتو وتاريخ عيلتي كلو مفيهوش توأم .. لما ربنا بدو يطعم حدا توام بطعمو من غير اي سبب