عيد الأم قرب وكل أم فينا لازم تهتم بنفسها، الأم هي حرفيًا ومن غير كلام أمثال زي العامود من عواميد البيت اللي لو وقع باقي البيت هيقع. ومش معنى انك أم وبتدلعي الناس كلها يبقى تنسي تدلعي نفسك. ولو مش لاقية مناسبة أو وقت تحتفلي فيه بنفسك، استغلي عيد الأم 2022 السنة دي واعمل حاجة جديدة لنفسك. وفي الموضوع ده، هنقول لك على 5 حاجات تعمليها في عيد الأم تدلعي بيها نفسك.
روحي ايفينت راحة بالي في Zed Park
راحة بالي عملت لك الإيفينت ده مخصوص عشان تدلعك فيه، هتدخلي وتركني ببلاش وهتلاقي عروض Alice in wonerland وEncanto لولادك ده غير الهدايا الكتيرة والمفاجآت التانية اللي هتعجبك كتير. لو لسه ما سجلتيش، احجزي مكانك من هنا. وما تنسيش تقولي لكل صحابك وعيلتك كمان على اليومين دول.
الحقي عروض عيد الأم 2022 من مامرز Mumerz
ادخلي سينما لوحدك
بقالك قد إيه ما دخلتيش سينما لوحدك وبمزاج؟ ودي ولادك الحضانة أو المدرسة اليوم ده، وادخلي حفلة 10 الصبح تقريبًا مش هيكون معاكي غير اتنين تلاتة.. فشارك وشوية كاندي وشوكولاتة بتحبيها ودلعي نفسك لوحدك بمزاج وهتبقي ملكة نفسك.
10 أفلام تتفرجي عليها في العيد لو هتقضيه في البيت
اشتري حاجة جديدة لنفسك
الشوبينج هو علاج لأي اكتئاب، معروفة! اشتري حاجة بتحبيها أو حاجة جديدة عمرك ما جبتيها قبل كده زي زرعة جديدة، مجموعة كروشيه، سبرتاية لو بتحبي القهوة التركي ولفيها لفة هدايا وافتحيها يوم عيد الأم ودلعي نفسك بيها.
مارسي تمرين الامتنان
اشتري نوتة جديدة شكلها حلو وابدأي من يوم عيد الأم بممارسة تمرين الامتنان، اشكري ربنا على نعمة إنتي ممتنة ليها في يومك حتى لو كان يوم عادي. تمرين الامتنان هيساعدك كتير إنه يخليكي تلاقي الحلو في يومك ويبعد عنك كل السلبيات.
ليه ممارسة الامتنان في حياتنا مهم
روحي حصة رقص أو رياضة جديدة اليوم ده
جربي تمرين جديد عمرك ما عملتيه قبل كده زي الرقص أو الزومبا أو اليوجا واستغلي اليوم ده إنه يبقى دلع وموسيقى وتجربة جديدة عمرك ما عملتيها قبل كده. وممكن تيجي The Cloud حصة الرقص أو الKickboxing وهتدلعي كتير هناك.
الأهم من ده كله، إنك تعرفي إنك أم قوية وتقدري تتغلبي أي صعوبات، مش محتاجة يوم في السنة عشان تتدلعي أو تدلعي نفسك، اهتمي بنفسك طول الوقت وطبطبي عليها وافتكري دايمًا إنك السكن والمسكن وأساسه. اوعي تهملي في نفسك ودلعيها!
نفسي أعمل حاجات كتير في حياتي ومش عارفة ازاي ابدأ
التعليق باستخدام حساب فيس بوك