محتويات المقال
حاجتين ملهمش تالت بيخلوا الولاد يقعدوا ساكتين ومبسوطين: الكارتون واللعب الغريبة والمبتكرة.. وعشان دايمًا الدكاترة بتنصح بتقليل ساعات الشاشات والفرجة على التلفزيون، قررنا إنهارده نقولك على لعب جديدة وأنشطة حلوة جدًا بمكرونة ايطاليانو تعمليها مع ولادك في البيت وهتخليهم يغيروا من لعبهم التقليدية ويتعلموا حاجات جديدة كمان، بس بنفكرك قبل ما تبدأي النشاط مع ولادك تخلي بالك لو سنهم صغير عشان ميبلعوش حبات المكرونة لو هتستخدمي النوع الصغير.
بيت الباستا
الأدوات:
- مكرونة ايطاليانو أشكال مختلفة
- ألوان
- لاصق قوي
- صلصال
قبل ما تبدأي مع الولاد في تشكيل البيت، اديهم أشكال المكرونة يلونوها الأول سواء بألوان ميه أو بألوان عادية وبعدين خليهم يبتدوا يشكلوا البيت زي الصورة، وممكن عند الطروف تستخدمي الصلصال وتحطي عليه اللاصق القوي عشان يلزق كويس.
برج الباستا
الأدوات:
- مكرونة ايطاليانو قلم
- صلصال
- شاليموه
اللعبة دي للأطفال الصغيرين اللي بيتعلموا إزاي يطوروا من مهاراتهم الحركية، كل اللي هتعمليه إنك تلزقي الشاليموه في الصلصال كويس وتعلمي طفلك إزاي يدخل المكرونة جوه الشاليموه زي الصورة.
عقد الباستا
الأدوات:
- مكرونة ايطاليانو قلم
- ألوان
- خيط سميك
ومين فينا معملش عقد من المكرونة وهو صغير، خلي ولادك هما كمان يعملوا عقد ويلونوا مكرونة ايطاليانوا القلم أو أي شكل من أشكالها الكتير وعلميهم يدخلوها في الخيط السميك وساعديهم إنهم يربطوا العقد في الآخر كويس وممكن يعملوا غوايش كمان.
باستا الألوان
الأدوات
- مكرونة اسباحيتي ايطاليانو مسلوقة
- ألوان طعام صحية
- أطباق
هتسلقي مكرونة ايطاليانو اسباجيتي أو أي شكل تحبيه من ايطاليانو وهتحطي ألوان طعام صحية في ميه السلق، بعد ما تبرد قدميها لطفلك وخليه يصنف المكرونة حسب الألوان، اللعبة دي مفيدة للولاد في سن الحضانة عشان هتعلمهم التصنيف والألوان المختلفة وكمان هتشغل وقتهم كتير وممكن يستمتعوا بأكلها كمان.
فراشة الباستا
الأدوات:
- مكرونة ايطاليانو Shells
- مكرونة اسباجيتي فوسيلي
- ألوان مختلفة
- لاصق قوي
هتلوني مع ولادك المكرونة بالألوان اللي يحبوها وبعدين هتلزقي المكرونة الصدف في المكرونة الفوسيلي زي الصورة كده وتحطي عودين من المكرونة الاسباجيتي عشان يشكلوا عيدان الفراشة.
بنتمنى إن تكون أفكار الألعاب بمكرونة ايطاليانو عجبتك وقوليلنا جربتي اللعب دي ولا لسة؟
التعليق باستخدام حساب فيس بوك