محتويات المقال
أكلنا الشرقي معروف بالتسبيكة اللي بتميز طعم الأكل ومنها بتتعرف الست الشاطرة اللي بتطبخ أكلها بحرفنة واهتمام بالتفاصيل. المكون الأساسي لأي تسبيكة هو الطماطم، عشان كده أحلى تسبيكة هي المعمولة بعصير الطماطم الفريش، نكهتها بتبان على طول مع أول معلقة بناكلها. لكن فيه عامل تاني مهم جدًا لنجاح وتميز أي تسبيكة كتير بنغفل عنه وهو نوع الزيت المستخدم في التسبيكة. لو بتستخدمي نوع عالي الجودة من الزيوت في التسبيكة، هتكون النتيجة ممتازة، مش بس طعمًا لكن كمان هتكون خفيفة ومش دهنية ولونها لامع وقوامها مظبوط بالميزان. وده اللي هيحققه لك زيت عافية بجودته العالية سواء زيت عباد الشمس من عافية إلي هيخلي أكلك خفيف على المعدة وعمرة مهيسبب أي مشاكل في الهضم أو زيت الذرة إلي بيحافظ على صحة القلب وبيساعد على تقليل الكوليسترول الضار، مع عافية هتسبكي أكلتك من غير ما تقلقي على صحتك. عشان كده، تسبيكتك مع زيت عافية حقيقي تختلف. عافية النهارده بتقدم لك طريقة عمل خمس تسبيكات أساسية لكل طباخة سوبر أكلها صحي، شهي، وخفيف على المعدة.
تسبيكة الخضار
طريقة تسبيك – المصدر cbcsofra
ودي أهم تسبيكة لإن كلنا بنحتاجها بصفة يومية، أي ست مصرية أصيلة ما يعديش عليها أسبوع من غير ما تحتاج تطبخ بامية باللحمة، أو صينية بطاطس أو بسلة بالجزر أو أي نوع من أنواع طبخات الخضار المتنوعة المعروف بيها المطبخ المصري. مهما جددنا في أكلنا و نوعنا من مطابخ مختلفة، بنحن دايمًا لحلة الخضار مع الرز بالشعرية. التسبيكة دي تقدري تعملي منها كمية كبيرة وتشيليها في أكياس في الفريزر. بتكون عاملة زي فريق الإنقاذ في أيام الأزمات، كل اللي عليكي تخرجيها من الفريزر وتفكيها وتضيفي لها الخضار اللي تحبيه.
المقادير
- 1 ك طماطم معصورة ومصفاة
- 2 بصلة كبيرة مفرومة ناعم
- 2 معلقة صغيرة توم مفروم ناعم
- ½ لتر مرقة
- 2 معلقة كبيرة صلصة طماطم
- ملح وفلفل
- 1 معلقة صغيرة كمون (اختياري)
- 2 معلقة صغيرة كزبرة ناشفة (اختياري)
- زيت عافية
الطريقة
- في حلة على النار، ضيفي كمية وفيرة من زيت عافية وشوحي البصل المفروم لحد ما يوصل للون دهبي فاتح.
- ضيفي التوم المفروم والبهارات (لو مستخدمها)، كمون وكزبرة مع رشة من الملح وشوحي لحد ما تطلع ريحة التوم والبهارات.
- ضيفي صلصة الطماطم وشوحيها مع باقي المكونات وبعدين ضيفي عصير الطماطم الطازة والمرقة وسيبي المزيج يغلي.
- غطي الحلة وهدي النار وسيبي المزيج يتسبك على نار هادية.
تسبيكة الكشري
طريقة تسبيك – المصدر gattours
الكشري من الأكلات المصرية الأصيلة الغنية بمكوناتها النباتية واللي بيربط كل مكونات الكشري ببعضها هي التسبيكة أو صلصة الكشري. تسبيكة الكشري بتختلف شوية عن تسبيكة الخضار، المكونات تقريبًا واحدة مع شوية اختلافات بسيطة بتديها الطعم المميز. تعالي نعمل تسبيكة كشري ولا المحلات! ومع زيت عافية، هتكون خفيفة جدًا وهتخليكي تاكلي بدل الطبق اتنين.
المقادير
- 1 ك طماطم معصورة ومصفاة
- 2 معلقة كبيرة صلصة طماطم
- 1 كوب ماء مغلي
- 1 معلقة صغيرة سكر
- 1 بصلة كبيرة مفرومة ناعم
- 1 معلقة كبيرة توم مفروم ناعم
- 1 معلقة صغيرة شطة
- 2 معلقة صغيرة كمون
- 2 معلقة صغيرة كزبرة ناشفة
- 1/4 كوب خل
- ملح وفلفل
- زيت عافية
الطريقة
- في حلة على النار، هنضيف كمية وفيرة من زيت عافية ونشوح البصل بس لحد ما يبقى شفاف.
- نضيف التوم المفروم ونشوحه لحد ما يبقى ذهبي اللون وبعدين نضيف الخل والمياه.
- نسيب الخل يغلي لمدة خمس دقايق وبعدين نضيف الطماطم الفريش والصلصة وباقي البهارات ونغطي الصلصة ونسيبها تتسبك على نار هادية.
تسبيكة المحشي
المحشي عند المصريين مقدس يا جماعة، وكل ست ليها تسبيكتها وطريقتها المميزة، هنقدم لك النهارده الوصفة الأساسية لتسبيكة المحشي كل اللي هتعمليه إنك تضيفي لها الرز المغسول المنقوع، وبكده تكوني جاهزة إنك تحشي أي نوع من المحاشي.
المقادير
- زيت عافية
- 1 لتر عصير طماطم
- 1 بصلة كبيرة مبشورة
- 1 معلقة صلصة طماطم
- 3 فص توم مفروم
- 2 معلقة صغيرة بهارات محشي
- 1 معلقة صغيرة كزبرة ناشفة
- 1 معلقة صغيرة نعناع ناشف
- 1 معلقة صغيرة شطة (اختياري)
- 1 معلقة صغيرة سكر
- 1 كوب مرقة دجاج
- ملح وفلفل
الطريقة
- في حلة على النار ضيفي كمية وفيرة من زيت عافية، شوحي البصل والتوم والبهارات.
- ضيفي عصير الطماطم والصلصة والمرقة ومعلقة السكر، وسيبي المزيج يتسبك لحد ما يتقل القوام.
- ضيفي الخضرة بالكمية اللي تحبيها، والرز المغسول والمنقوع وحشوتك جاهزة للمحشي.
تسبيكة الفول
طريقة تسبيك – المصدر wasfetmama
الفول طبق مصري مقدس، والفول بالصلصة ابتكار مصري حِرِش ولذيذ، يخلي الفول وجبة متكاملة ولذيذة تنفع فطار، غدا، أو عشا كمان.
المقادير
- 3 حبات طماطم مقطعة مكعبات صغيرة
- 1 معلقة صغيرة صلصة طماطم
- 3 فص توم مهروس
- 1 فلفل حار أحمر (اختياري)
- 1 ثمرة فلفل أخضر مفروم ناعم
- 1/4 كوب بقدونس مفروم
- 1 معلقة صغيرة كمون مطحون
- 1 معلقة صغيرة كزبرة ناشفة
- عصير ليمون
- 1/2 كوب ماء
- ملح
- زيت عافية
الطريقة
- في كمية وفيرة من زيت عافية، شوحي التوم المفروم، وضيفي الفلفل الحار والفلفل الأخضر.
- ضيفي الكمون والكزبرة وشوحيهم وبعدين ضيفي صلصة الطماطم ومكعبات الطماطم وشوحي كل الخضار مع بعضه.
- ضيفي المياه وغطي المزيج وسيبيه يتسبك على نار هادية لحد ما يتقل القوام.
- ضيفي الملح (وعصير الليمون حسب الرغبة) والبقدونس، واطفي النار، وكده التسبيكة جاهزة لإضافة الفول.
تسبيكة الفتة
طريقة تسبيك – المصدر Afia facebook
الفتة المصرية بتسبيكة الخل والتوم من الأطباق المميزة جدًا اللي بتعتمد في الأساس على مرقة اللحمة المظبوطة. لما تستعملي زيت عافية مع تسبيكة الفتة، النتيجة هتكون طعم وخفية ما حصلتش، ولمعة خطيرة للتسبيكة على وش طبق الفتة مشهية وتفتح النفس.
المقادير
- 1 لتر عصير طماطم
- 1 معلقة كبيرة توم مفروم
- 1/4 كوب خل أبيض
- 1 كوب مرقة لحم مركزة
- 1 معلقة كبيرة صلصة طماطم
- ملح وفلفل
- 1 معلقة صغيرة كزبرة ناشفة
- زيت عافية
الطريقة
- في كمية وفيرة من زيت عافية، شوّحي التوم المفروم لحد ما يبقى لونه ذهبي.
- ارفعي الطاسة عن النار وضيفي الخل، رجعي الطاسة تاني للنار وضيفي المرقة.
- ضيفي عصير وصلصة الطماطم والكزبرة الناشفة وغطي المزيج وسيبيه يتسبك على نار هادية.
- بعد ما تتسبك الصلصة ويتقل القوام، ضيفي الملح والفلفل وتبقى جاهزة للغرف مع الفتة.
التعليق باستخدام حساب فيس بوك