كتير واحنا بنتكلم مع أصحابنا بنقول: بس أنا جسمي قبل ما اتجوز كان وكان، بس بعد ما اتجوزت حصل وحصل، وأغلبنا بتكون نفسها ترجع لجسمها وبشرتها وشعرها قبل الجواز، بس يا ترى ليه بيحصل كده؟ الحقيقة إن المتسبب الأول في التغيرات دي، هي الهرمونات، بس بشكل علمي فعلًا، وفي المقال ده هنقولك على 5 تغيرات هرمونية بعد الزواج بتحصل لجسم المرأة.
تغيرات هرمونية بعد الزواج
- زيادة الوزن
- تغيرات في شكل وحجم الثدي
- تغيرات في الدورة الشهرية
- تغيرات في المهبل
- تغيرات هرمونية في فترة الحمل والولادة
-
زيادة الوزن
زيادة الوزن من أكتر المشكلات الشائعة بعد الزواج، وسببها المباشر مش تغير الهرمونات، لكن تغير العادات الغذائية هو اللي بيعمل كده، لكن لإنه بيحصل بشكل سريع ومفاجئ، فده بيأثر على هرمون الإستروجين وبالتالي بيأثر على انتظام الدورة الشهرية، وده طبعًا في حالة عدم تناول حبوب منع الحمل.
-
تغيرات في شكل وحجم الثدي
وده يا إما بيحصل نتيجة لزيادة الوزن وتغير بعض الهرمونات مع ممارسة العلاقة الجنسية، أو بسبب التغيرات الهرمونية اللي بتحصل مع الحمل والولادة والرضاعة الطبيعية، وبيساهم هرمون البروجيستيرون في نمو خلايا وأنسجة الثدي تحضيرًا للرضاعة الطبيعية، وبيساهم هرمون البرولاكتين أو هرمون الحليب في زيادة حجم الثدي وإنتاج الحليب فيهم.
هل تعرفي المدة الطبيعية للعلاقة الجنسية بين الزوجين
-
تغيرات في الدورة الشهرية
- بعد ممارسة العلاقة الحميمة لأول مرة ودخول الحيوانات المنوية إلى المهبل بيتم إفراز هرمونات مختلفة تتعلق بالشهوة الجنسية والإثارة، وده هيخلي السيدة تلاحظ بعض التغيرات في الدورة الشهرية.
- ممكن تأخر الدورة الشهرية في أول مرة تيجي بعد العلاقة الزوجية، وده نتيجة للتوتر وارتفاع هرمون البرولاكتين.
- ممكن تلاحظي بعض نقط الدم في غير وقتها بسبب التغيرات الهرمونية في فترة التبويض، وبرضه هتلاقي إن منطقة المهبل بقت أكثر رطوبة، وده ينتج عنها إفراز سائل خفيف يمكن ملاحظته.
- هتلاحظي انخفاض في حدة آلام الدورة الشهرية بعد الزواج، وده نتيجة الاستقرار النفسي وقلة تقلصات عضلات الرحم.
- يمكن أن يحدث عدم انتظام في الدورة الشهرية نتيجة حدوث الحمل، أو تناول حبوب منع الحمل وغيرها من طرق وسائل منع الحمل
- ممكن تستمر التغيرات دي لشهور، بس الطبيعي إن الدورة الشهرية هترجع تنتظم تاني بعد 6 شهور بالكتير.
-
تغييرات في المهبل
وده طبيعي جدًا خصوصًا لما يكون ده الزواج الأول للبنت، فبتحصل فيه التغييرات دي:
- وجود بعض الإفرازات وخاصةً أثناء وبعد العلاقة الجنسية علشان تساعد في ترطيب المهبل، وبيفرز عنق الرحم مواد مخاطية تساعد في وصول الحيوانات المنوية للبويضة لتخصيبها، وتتسم بالقوام المطاطي.
- زيادة فرص الإصابة بالالتهابات المهبلية بعد الزواج نتيجة وجود الفطريات، علشان كده مهم جدًا الاهتمام بنظافة المنطقة دي بعد العلاقة الحميمة.
مهم تشوفي أشهر الالتهابات المهبلية وطريقة التعامل معاها
-
تغييرات هرمونية في فترة الحمل والولادة
- ترتفع مستويات هرموني الإستروجين والبروجيستيرون خلال فترة الحمل، بحيث يؤدي ارتفاعها المستمر إلى ظهور علامات وأعراض الحمل الأولى.
- يساهم هرمون ريلاكسين في استرخاء عضلات وأربطة ومفاصل الحوض تجهيزًا لعملية الولادة.
- فرز المشيمة الهرمونات المسؤولة عن تكوين الأوعية الدموية، وزيادة تدفق الدم إلى الجنين لتزويده بالغذاء اللازم.
- هرمون الإكسوتوسين مهم للبدء في عملية الولادة، بحيث يعمل على إحداث الانقباضات في الرحم والحوض وحدوث الولادة.
- انخفاض مستويات الإستروجين والبروجيستيرون بشكل كبير بعد الولادة مباشرة، وارتفاع مستوى هرمون الأوكسيتوين بشكل كبير بدالهم.
وطبعًا نصيحتنا دايمًا ليكي: لو حسيتي بأي أعراض غير مريحة وغير طبيعية، يبقى لازم تستشيري طبيب في أقرب وقت.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك