محتويات المقال
اتكلمنا قبل كده عن صمت جوزك أثناء العلاقة الحميمة وأسبابه، والنهارده هنتكلم عنك انتي في العلاقة الحميمة، وبالتحديد عن كلام يقال وقت العلاقة الحميمة، وبالأخص أكتر الكلام اللي جوزك مستني يسمعه منك في العلاقة الحميمة. الجمل اللي هتلاقوها في المقال ده هي جمل بسيطة وهتستغربي إنها ممكن تكون فعالة في العلاقة، لكن الموضوع كله بيتمحور حوالين إنك تحسسي جوزك إنك مبسوطة ومستمتعة وإن عندك رغبة في العلاقة الحميمة زيه بالظبط.
كلمات تقال وقت العلاقة الحميمة
بحبك/بعشقك/بموت فيك
التعبير عن الحب عمومًا في العلاقة الحميمة من أجمل الحاجات اللي هيكون الراجل والست كمان مبسوطين إنهم يسمعوها من الطرف التاني وقت العلاقة الحميمة.
تاني
لما تقولي لجوزك إنكم تعملوا العلاقة الحميمة تاني، ده بيبسطه جدًا، مفيش حاجة بتبسط الرجل أكتر من إن الست تكون هي كمان عايزة العلاقة الحميمة، مش مجرد بتوافق على العلاقة وتعملها معاه. خدي بالك بس إن الزوج هيحتاج من 5 دقايق لحد ساعة راحة بين المرتين عشان يستعيد الانتصاب الكامل.
اعمل اللي انت عايزه
طبعًا كلنا عارفين إن الجملة دي في أي سياق تاني بتبقى مخيفة جدًا! لكن في سياق العلاقة الحميمة، الزوج هيتبسط جدًا جدًا وهيكون في أسعد لحظاته لو قلتي له الجملة دي لإنه هياخد راحته تمامًا وهيتحرر من كل القيود.
هنا/كمان/أيوة
على بساطة الكلمات دي، هي بتبين إنك مندمجة جدًا في العلاقة وعايزة حاجة معينة بشكل أكبر. وده بيبسط الراجل جدًا لإنه بيحس إنك انتي كمان متفاعلة وعايزة العلاقة.
بحب لمستك/ريحتك قوي
الجمل دي بتخلي الزوج يدخل في المود أكتر ويتبسط أكتر في وقت العلاقة الحميمة، مين ما يحبش يحس إنه محبوب وإن مراته مبسوطة معاه؟ وطبعًا الأقواس مفتوحة مش لازم اللمسة والريحة، ولو إن دول لهم مدلولات جنسية وعشان كده أنسب، إنما ممكن كمان تقولي له أي حاجة بتحبيها فيه أو أي حاجة بتحبي يعملها.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك