محتويات المقال
ترتيب دولاب الملابس بنواجه صعوبته مع كل موسم، زي تبديل الصيفي والشتوي، أو الأيام العادية مع كترة الاستخدام، لو الدولاب من متنظم كويس ومفيش مكان لكل بند، هنلاقيه اتكركب تاني على طول، علشان كده هنقولك على 5 طرق مبتكرة لتخزين الملابس في الدولاب:
طرق تخزين الملابس في الدولاب
-
أكياس تخزين الملابس
أكياس تخزين الملابس
والأكياس دي فكرتها، إنك بتفرغي الهواء منها، فبتقلل حجم الملابس بشكل خرافي، وبالتالي بتوفر لك مكان كبير في الدولاب، ودي بتنفع مع ملابس المواسم المختلفة، والبطاطين والألحفة، بس حاولي تختاري أكياس تخزين بجودة عالية، علشان ما تتقطعش وترجع تتملي هواء تاني، وتقدري تلاقيهم في محلات بيع الأدوات المنزلية ومحلات النزهة الجديدة، وجروبات الأونلاين.
-
مكان لكل حاجة
ودي كلمة السر للترتيب، لإنك مع الوقت هتتعودي على روتين وتلاقي إيدك بترجع الحاجات مكانها تلقائي، لكن لو كل مرة بتستخدمي الشنط مثلا، ومش بتلاقي لها مكان مناسب، هتحطيها في أي حتة في الدولاب، وفجأة هتلاقي الدولاب اتشقلب نظامه، وده مش بس بيحافظ على ترتيب الدولاب، لكن بيوفر الوقت والجهد، وخصوصًا في الأوقات اللي بتكوني مستعجلة فيها.
5 نصائح قبل تخزين الملابس الشتوي
-
المنظمات
منظمات ملابس
ودي بقت متوفرة جدًا في الأسواق، لكن المهم إنك تجيبي منظمات على قد الحاجات اللي عندك، وأحجام مناسبة، وخلي بالك إن كترة المنظمات بدون داعي بتاخد مكان أكبر، والحاجات بتتوه ما بينهم، والمنظمات مناسبة جدًا للقطع الكتيرة الصغيرة، زي الطرح والشرابات والإكسسوارات.
-
فرز الملابس أول بأول
من الحاجات اللي بتكركب الدولاب، إنك يكون عندك ملابس كتير مش بتستخدميها، ومستنية لما تخسي، أو لما تخلفي أو لما تيجي مناسبة، والحقيقة إن الحاجات دي بتاخد مكان كبير على الفاضي، فمحتاجة تتخلصي منها في أقرب وقت، علشان ترتبي دولابك وتعرفي إيه اللي محتاجاه وإيه اللي فائض عندك.
-
سحر ترتيب ماري كوندو
كتاب ماري كوندو
ودي طريقة لطيفة في ترتيب الملابس في الدولاب، بتوفر المكان وبتحافظ على مظهر الدولاب دايمًا، وتقدري تشوفي تفاصيلها من هنا
روتين تنظيف البيت الأسهل والأسرع
التعليق باستخدام حساب فيس بوك