محتويات المقال
كتير مننا بيتابع انستجرام عشان نتابع أخبار الفن والموضة والصحة، ومن مميزات الإنستجرام إنك هتلاقي الفنانين عاملين حساب شخصي ليهم بنعرف منه آخر أعمالهم الفنية وأخبارهم والـ Food bloggers اللي بيعلمونا وصفات جديدة وتقييم عن منتجات ومطاعم الأكل والـ Health coaches اللي بيدونا نصايح عن الصحة والتغذية وكمان فيه أمهات بتحب الموضة عاملين بلوج خاصة بيهم وبيعرفونا أكترعن كل جديد فى الموضة وستايل لبسهم وكمان ممكن ياخدونا جولة فى المحلات اللى بيعملوا فيها شوبنج وإيه الأماكن اللى فيها تخفيضات.
وكل واحدة من الأمهات الفاشون بلوجرز ليها حاجة بتميزها عن غيرها، فيه منهم اللي بتهتم باللبس الكاجوال والـTrendy والألوان الجريئة أو الكلاسيك والماركات العالمية ومنهم كمان المححبات اللي بيخلونا نتعرف أكتر عن آخر ستايلات لبس المححبات في الكاجوال والفورمال والسواريه.
فى الموضوع ده هنعرفك على فاشون بلوجرز أمهات تقدري تتابعيهم على الانستجرام لو مهتمة بالموضة.
Noha El Sherbiny
نهى الشربيني هي مامي لنازلي وعلي وبتهتم فى ستايل لبسها بالألوان المختلفة الزاهية وبتتميز بالتجديد في ستايلات فساتينها السواريه وشعرها الكيرلي.. نهى بتهتم بستايل بنتها كمان وبتعرفنا على أماكن اللبس الـtrendy للبنات.
لينك البروفايل:
satisfashionbysn
Basma Taj
بسمة من الفاشون بلوجرز المحجبات اللي بتنزل ستايلات شيك وعصرية للمحجبات في الكاجوال والسواريه ولفات طرح المميزة وكمان بتهتم بموضوعات الميك أب زي طريقتها المميزة في وضع الـ eye liner بطريقة صحيحة، بسمة مامي لصوفيا وديالا وبتهتم بالـ quality time مع بناتها وتعرفنا على أماكن جديدة وستايلات لبس مختلفة للأطفال.
لينك البروفايل:
Basmataj
Sarah Taha
سارة طه مامي لزين ودكتورة أسنان بتهتم إنها تقدم محتوى عن الصحة وخصوصاً صحة الفم والأسنان، بجانب إهتمامها بالصحة فهي مشهورة بأناقتها فى الإيفنتات المختلفة زي مهرجان الجونة السينمائي.
لينك البروفايل:
Sarahtaha
Sahar Foad
سحر فؤاد مامي لليلى ومهندسة مدني بتتميز بحبها لأحدث صيحات الموضة وبإطلالاتها الرقيقة والعصرية ولفات الطرح بأشكال جديدة وستايل التوربان.
لينك البروفايل:
SaharFoad
Zeina Elfakahany
زينة مامي لتميم وستايل لبسها مميز وعصري و كله ألوان مبهجة، زينة كمان بتهتم بتقديم محتوى عن تنظيم البيت والديكور وكمان وصفات الأكل الصحية.
لينك البروفايل:
ZeinaElfakahany
حابين نعرف مين أكتر فاشون بلوجر بتحبي تتابعيها على الانستجرام.
التعليق باستخدام حساب فيس بوك