محتويات المقال
فصل الشتاء على الأبواب، وكل الأمهات قلقانين لأنهم مجربين بيحصل إيه في أسرتهم كل شتاء، والحقيقة إن السنة دي مختلفة عن أي سنة علشان الشتاء داخل ومعاه الموجة التانية لفيروس كورونا.
الحقيقة إن الخوف والقلق لوحدهم مش هيفيدونا في حاجة، الأهم إننا ناخد احتياطتنا لمواجهة الأنفلونزا وفيروس كورنا، وكلمة السر هي المناعة.
طبعًا زيادة المناعة مش هتمنع الجسم نهائيًا من الإصابة، لكن هتقلل فرص الإصابة، ولو حصلت -لا قدر الله- هتساعد الجسم جدًا في المقاومة وفي حدة الأعراض.
إزاي أحسّن مناعة الجسم في الشتاء؟
عن طريق المعادن والفيتامينات، وبناخدهم عن طريق الأكل الصحي والمكملات الغذائية والأدوية، علشان كده هنقولك على 5 فيتامينات مهمة هتحسن مناعتك في الشتاء، وإيه الأدوية والأطعمة الغنية بيهم:
فيتامين سي:
ماينفعش نجيب سيرة الشتاء من غير ما نتكلم عن فيتامين سي، البطل السحري اللي بنسمع عن فوايده طول الوقت.
وأثبتت الدراسات أنه له دور في تخفيف فترة الإصابة بالمرض بشكل ملحوظ والتخفيف من الأعراض المرافقة له، ويعتبر فيتامين سي من أهم فيتامينات تعزيز الجهاز المناعي، لأنه بيساعد في محاربة أي عدوى والتهابات ممكن تغزو الجسم، وفي حالة نقصه، فطبعًا هتزيد فرص الإصابة بالأمراض.
مصادر فيتامين سي:
الأطعمة:
يتوفر فيتامين سي في العديد من الأطعمة زي البرتقال، الجريب فروت، اليوسفي، الفراولة، الفلفل، السبانخ، اللفت والبروكلي.
الأدوية:
زي كبسولات سي ريتارد.
ليه تاخدي كبسولات سي ريتارد؟
- لأنها كبسولات مش أقراص فوارة أو باودر في باكيت، فبتكون أسهل كتير في التناول خصوصًا لو برا البيت.
- كبسولات 500 مليجرام ممتدة المفعول، فالجسم بياخد احتياجه من فيتامين سي على وقت طويل مش في جرعة واحدة زي الفوار والباودر.
- مناسبة جدًا للناس اللي بتعاني من الحموضة، لأن الكبسولات مغطية الحمض اللي داخل للجسم واللي بيثير الحموضة طبعًا لو داخل بطريقة مباشرة.
- إحنا في وقت دخول الموجة التانية للكورونا ووقت دخول الشتاء ونزلات البرد، فلازم نكون متأكدين إن جسمنا بياخد كفايته من فيتامين سي.
فيتامين أ:
نقص فيتامين أ بيسبب زيادة في نسبة الإصابة بالأمراض المعدية، لأنه ضروري في تصنيف الخلايا في الجهاز المناعي.
مصادر فيتامين أ:
الأطعمة الغنية بالمركبات الملونة اللي بتتسمى الكاروتينات، زي الجزر والبطاطا الحلوة والقرع والكنتالوب، وبيقوم الجسم بتحويل الكاروتينات لفيتامين أ.
فيتامين د:
بيعمل فيتامين د على تعزيز خلايا الدم البيضاء الهامة لتحسين صحة المناعة وتقليل الإلتهابات في الجسم، ولما بينخفض فيتامين د في الجسم، بتزيد فرص الإصابة بالتهابات الجهاز التنفسي زي الربو والأنفلونزا، ودلوقتي الكورونا.
مصادر فيتامين د:
أشعة الشمس، الأسماك الدهنية والحليب والحبوب.
مكملات غذائية: تحت إشراف الطبيب.
فيتامين ب6:
الفيتامين ده بيقوم بحوالي 200 تفاعل كيميائي هام في الجسم، وده بيحسن صحة الجهاز المناعي.
مصادر فيتامين ب6:
الجزر والفلفل الأخضر والذرة، والموز والسبانخ وفول الصويا.
فيتامين إي:
فيتامين إي واحد من مضادات الأكسدة القوية اللي بتساعد الجسم على مقاومة العدوى، علشان كده بينصح الأطباء بالاهتمام بتناول الأطعمة الغنية بيه.
مصادر فيتامين إي:
بيتوفر فيتامين إي بمستويات جيدة في المكسرات وخاصةً اللوز والبندق، بالإضافة للبذور وأبرزها بذور عباد الشمس، فضلاً عن بعض الخضروات زي السبانخ والبروكلي.
مع تمنياتنا ليكي ولكل أفراد أسرتك بالصحة والسلامة.
المصادر:
التعليق باستخدام حساب فيس بوك