يوم العيد بيبقى أحلى مع لمة العيلة والأصحاب على سفرة حلوة فيها كل ما لذ وطاب بعد فترة الصيام، وبمناسبة قرب عيد الميلاد المجيد 7 يناير 2022، فالأيام دي هتكون فرصة حلوة إنك تجهزي لعزومتك الجاية. وأي عزومة مش بتحلى إلا بالمشروبات اللذيذة اللي هتضفي لسفرتك بهجة وتنوع. راحة بالي هتساعدك في أفكار كوكتيلات لذيذة تعمليها في العيد. ولكل أخواتنا المسيحيين كل عيد وإنتم بألف خير.
مشروب كوكتيل الموهيتو
كوكتيل الموهيتو / الموخيتو
المقادير
- ازازة سبرايت.
- ٥ حبات ليمون أو حسب رغبتك.
- أوراق نعناع فريش.
- سيرب باللون الأزرق.
طريقة عمل مشروب كوكتيل الموهيتو
- اعصري جزء من الليمون والجزء التاني قطعيه شرايح دائرية.
- في شفشق كبير – ويفضل يبقى لونه شفاف – ضيفي السبرايت وأوراق النعناع وعصير الليمون والشرايح.
- ضيفي السيرب وقلّبي كويس.
مشروب كوكتيل البينا كولادا
بينا كولادا
المقادير
- أناناسة كبيرة (ممكن تستعيني بعلبة كومبوت أناناس لو غير متوفر أناناس فريش)
- لبن جوز هند.
- قطع أناناس مقطع شرايح صغيرة.
- فانيليا سايلة
طريقة عمل مشروب كوكتيل البينا كولادا
- اضربي الأناناس في الخلاط وضيفي له لبن جوز الهند والفانيليا السايلة.
- حطي المشروب في شفشفق وضيفي عليه قطع الأناناس وقلبي كويس.
طريقة عمل كرواسون بـ 4 حشوات مختلفة
كوكتيلات عصير الفواكه
كوكتيل فواكه
المكونات
- لتر عصير برتقال فريش
- نص لتر عصير توت فريش أو جاهز
- نص لتر عصير أناناس فريش أو جاهز
- قطع فواكه مقطعة صغير فراولة، ليمون، أناناس.
- نص لتر سبرايت أو صودا.
طريقة التحضير
- في بولة كبيرة، ضيفي العصاير مع بعض وضيفي قطع الفواكه للكوكتيل وممكن تضيفي مكعبات التلج.
أسرع مشروب طبيعي لحرق الدهون في أسبوع
كوكتيل المانجو والفراولة
كوكتيل مانجو وفراولة
المكونات
- ٢ ثمرة مانجو.
- كوب من الفراولة.
- لبن رايب.
- عسل أو سكر للتحلية.
- مياه.
طريقة التحضير
- اعصري المانجو وضيفي المياه والعسل في الخلاط.
- نضفي الخلاط واعصري الفراولة مع الراي وضيفي العسل أو السكر عند الحاجة.
- هاتي كاسات التقديم وضيفي أولًا المانجو وبعدين الفراولة على هيئة طبقات.
كوكتيل فرنسي
كوكتيل فرنسي
المكونات
- ثمرة أفوكادو.
- ثمرة مانجو.
- نص لتر عصير برتقال.
- كوب لبن رايب.
- عسل أو سكر للتحلية.
طريقة التحضير
وقت التقديم، اضربي كل المكونات مع بعض في الخلاط كويس وقدميها في كاسات في الحال.
5 مشروبات سهلة هتساعدك على حرق الدهون بسرعة
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك