سيلك ابيل واحدة من أسهل طرق إزالة الشعر غير المرغوب فيه وأكثرها سرعة وأقلها من حيث الفوضى، على عكس الشمع والسكر، دول بيحتاجوا طقوس خاصة واستعدادات ممكن يكون يومك حقيقي مافيش فيه المساحة دي. وفي نفس الوقت، ممكن تكوني انتي مش عايزة كل الدوشة دي، ساعتها بيكون إزالة الشعر بـ سيلك ابيل بيكون هو الاختيار الأفضل.
بس على الرغم من كده، ده لا يعني إن مافيش شوية خطوات هتحتاجي تعمليها مخصوص علشان النتيجة تفضل إيجابية في كل مرة هتستخدميها، وده طبعًا بناء على نصيحة الخبراء.
5 نصائح عند إزالة الشعر بـ سيلك ابيل
-
طهري السيلك ابيل قبل إزالة الشعر
من المهم جدًا إنك تطهريها كويس قبل الاستخدام، حتى لو انتي كل مرة حريصة علي نظافتها بعد الاستخدام، لازم تقومي بالخطوة دي، وده لتجنب وجود أي بكتيريا أو بقايا جلد ميت في الآلة.
-
اغسلي بشرتك كويس
لما بتقومي باستخدام السيلك ابيل على بشرتك مباشرة وتخرج الشعرة من جلدك ده بيسيب مسام مفتوحة، في حالة إن جلدك مش نضيف بالشكل الكافي، فده ممكن يسبب تلوث وبالتالي حدوث التهاب غير مرغوب فيه.
-
اختاري السيلك ابيل الصح
حاليًا في تنوع كبير جدًا في السيلك ابيل يعني أصبح في شفرات مخصصة للوجه وأخرى للجسم وأخرى للمنطقة الحساسة، علشان كده من المهم جدًا تختاري حسب احتياجك، لإن لو استخدمتيها في غير المكان المخصص ليها ممكن ما تحصليش على النتيجة المرجوة.
-
استخدمي التلج
بعد ما تخلصي استخدامها وعلشان تخففي من احمرار البشرة، مرري قطعة من التلج على المكان اللي شلتي منه الشعر، أو حطي جسمك تحت مياه فاترة علشان يقفل كمان المسام المفتوحة.
-
اعملي سكراب
ممكن من الحاجات اللي مش بتوفرها السيلك ابيل زي الشمع والسكر هو إزالة طبقة الجلد الميت خلال عملية إزالة الشعر. علشان كده، بعد ما بشرتك تهدى، سكراب خفيف للبشرة هيساعدك في الحصول على بشرة نضيفة ومنتعشة. نصايح بسيطة وسهلة جدًا تعمليها، مش هتاخد منك وقت، وفي نفس الوقت هتلاقي النتيجة مرضية جدًا ليكي خصوصا مع بطء نمو الشعر كل مرة أكتر من اللي قبلها.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك