محتويات المقال
شكل الأظافر وجمالها من الحاجات المهمة جدًا في الانطباع الأول عن جمال الست، فكل لما تكون نضيفة ومرتبة ومظهرها صحي، كل ما بان جمالها أكتر، وكتير من الستات بيفتكروا إنهم علشان يوصلوا لمظهر جميل لضوافرهم لازم يظبطوها عند حد متخصص، لكن في الحقيقة إنك تقدري تعملي روتين للعناية بالأظافر في البيت، وهنقول لك على 5 نصايح هتساعدك للوصول لنتيجة ممتازة في برد الأظافر في البيت.
نصائح برد الأظافر في البيت
-
شيلي المناكير
لو انتي حاطة مناكير وحابة تبردي ضوافرك، فلازم تشيلي المناكير خالص الأول، وبعدين تبردي الضوافر، لإنك لو بردتيها من غير ما تشيليه فانتي بتبردي المناكير كمان مع الضفر، وده هيأثر بشكل سلبي على شكل الضوافر وصحتها.
بالفيديو: طريقة وضع مناكير جل الأظافر في البيت
-
ابردي في اتجاه واحد
ودي من النصايح المهمة جدًا في برد الضوافر، لازم تبرديها في اتجاه واحد، مش رايح جاي، وده بيأثر جدًا على الضوافر خصوصًا لو كانت ضعيفة وبيخليها معرضة للكسر بسهولة. عكس لما تبرديها في اتجاه واحد بردات صغيرة وبعدين بردة واحدة طويلة.
-
نضفي المبرد بانتظام
وده بيخليكي تتخلصي من الفطريات والبكتيريا اللي عليه أول بأول، وما تخليهاش تتنقل للضوافر تاني، وممكن تستخدمي المبارد اللي بتستخدم مرات قليلة وتترمي وتتغير.
-
اختاري درجة نعومة المبرد
كل نوع من المبارد له درجة نعومة مختلفة، ولازم تختاري الدرجة المناسبة ليكي علشان تحصلي على أحسن النتايج، ومن أنسب درجات النعومة هي ما بين 600 لـ 2400 لإنه مناسب لكل أنواع الضوافر وبيديكي الأشكال المناسبة، ولو لسه هتشتري مبرد تقدري تسألي حد متخصص في المكان اللي هتشتري منه هيساعدك أكتر.
-
امسكي المبرد صح
ودي من الخطوات المهمة جدًا في برد الضوافر، لإنك لو مسكتيه غلط هيؤذي ضوافرك وهيديها مظهر مقشر، والطريقة الصحيحة لمسك المبرد هي اللي في الصور دي:
الطريقة الصحيحة لاستعمال مبرد الأظافر
ولو انتي محترفة في العناية بالأظافر، قولي لنا على أي نصايح تانية تفيدي بيها أمهات راحة بالي.
التعليق باستخدام حساب فيس بوك