أطفال الأنابيب والحقن المجهري من المصطلحات اللي بقت شائعة دلوقتي، وبقت العمليات دي منتشرة ونسب نجاحها أكتر من زمان بكتير، بسبب تطور الأبحاث والدراسات والتجارب عليها، وبقى حلم الحمل الأمومة قريب من كل زوجة نفسها في الأطفال، لكن عمل عملية الحقن المجهري لوحدها مش كفاية، في عوامل كمان بتساعد على نجاح العملية، وده اللي هنقولك عليه في المقال ده، بعد ما تعرفي أكتر عن الحقن المجهري.
هنا ممكن تشوفي أفضل أوقات لممارسة العلاقة الحميمة لحدوث حمل
إيه هو الحقن المجهري؟
من الطرق الشائعة اللي بتساعد على الإنجاب للي بيعانوا من مشاكل في الخصوبة، وبيتم فيه حقن البويضة بالحيوان المنوي خارج الرحم، كزيادة لفرص الإنجاب.
هنا ممكن تشوفي تأخر الحمل: إمتى نقلق من عدم حدوث حمل
إيه الفرق بين الحقن المجهري وأطفال الأنابيب؟
أطفال الأنابيب والحقن المجهري من طرق التلقيح الصناعي واللي بيتم فيها الإخصاب خارج جسم الأم، في المعمل وبعدها بيتم وضع الجنين في رحم الأم علشان يكمل رحلة الحمل الطبيعية.
- ولكن في حالة أطفال الأنابيب يتم وضع البويضة مع عدد كبير من الحيوانات المنوية (50000 أو أكتر من الحيوانات المنوية) في طبق أو أنبوب معملي ويترك ليحدث التلقيح والإخصاب تلقائيًا بدون تدخل الطبيب، وبعد الإخصاب بيتم تنمية البويضة المخصبة لمدة من 1 إلي 5 أيام في المعمل داخل بيئة مناسبة لحد ما يتكون الجنين وبعدين بيتم نقله لرحم الأم.
- أما في حالة الحقن المجهري بيتم تلقيح البويضة معملياً بحيوان منوي واحد عن طريق الحقن ويبتم دهخارج جسم الأم عن طريق الطبيب، وبعد 24 ساعة بيتم التأكد من إتمام الإخصاب وبعدها يتم زرع الجنين في رحم الأم.
وتقدري تعرفي عن تجميد البويضات من المقال ده: دليلك الشامل حول عملية تجميد البويضات وحكم الشرع فيها
5 نصائح لزيادة فرصة نجاح الحقن المجهري
- الالتزام بوصايا الطبيب وتنفيذها بدقة وعدم التغيير فيها سواء في التحرك، أو تناول الأغذية، أو النوم، أو ممارسة العلاقة الحميمة وغيرها من الأمور.
- تناول الأدوية في موعدها وبالجرعات اللي بيحددها الطبيب، لأن الأدوية دي من أهم عوامل نجاح الحقن المجهري.
- الحصول على الراحة، وبيوصي الطبيب بالحصول على الراحة التامة في بعض الحالات، أو الحركة البسيطة في حالات تانية، ولكن بشكل عام يجب عدم بذل أي مجهود لحد ما يثبت الحمل بعد عملية الحقن.
- تجنب مصادر الضغط العصبي لأن التوتر والقلق من أبرز العوامل اللي بتأثر على اكتمال الحمل وخاصةً في حالات الحقن المجهري.
- زيارة الطبيب فورًا لو لاحظتي أي علامات غريبة سواء إفرازات أو نزيف دموي أو آلام شديدة، فالتأخر في الحالات اللي زي دي يمكن أن يؤثر على حدوث الحمل، ونجاح عملية الحقن المجهري من الأساس.
مهم تشوفي أفضل أوضاع جنسية لحدوث حمل بسرعة
ولو ليكي تجربة مع الحقن المجهري، احكيلنا عليها.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
التعليق باستخدام حساب فيس بوك