محتويات المقال
الكحة من أكتر الحاجات المزعجة اللي بيعاني منها الأطفال وبسببها بتكون زياراتنا للطبيب بصورة دورية تقريبا. في المقال ده هنقولك على أشهر 6 أسباب للكحة عند الأطفال.
نزلات البرد:
الإنفلونزا ونزلات البرد ممكن تسبب كحة بسيطة لمتوسطة للأطفال.
العلاج: نزلات البرد مش بتتعالج باستخدام المضادات الحيوية زي ما في اعتقاد غلط عند بعض الناس.
ارتجاع المريء:
واللي بيكون من أعراضه القيء المتكرر واللي بيسبب بعد كدة حرقان في الزور و كحة.
العلاج: عن طريق البعد عن الأكلات اللي بتسبب الارتجاع زي: الأكل اللي فيه دهون والأكل الحمضي والشوكولاتة وتقسيم وجبات الطفل لوجبات صغيرة خلال اليوم.
مصدر الصورة: every mum – كحة الأطفال
التهاب الجيوب الأنفية Sinusitis:
التهاب الجيوب غالبًا بيظهر فوق سن خمس سنين واللي فيه بتفرز الجيوب الأنفية مخاط كتير، وبيرجع بعدها المخاط ده لحلق الطفل وبيتسبب له في الكحة. و اللي بتكون زايدة في الكام ساعة الأولى من نوم الطفل بليل.
العلاج: بيتم التشخيص عن طريق CT scan للجيوب الأنفية و علاجها بالأدوية المزيلة لإحتقان النف والمضادات الحيوية.
الربو Asthma:
حساسية الصدر أو الربو بيكون أشهر أعراضها الكحة مع صوت صفير من صدر الطفل واللي بتزيد الصبح بدري وبليل ووقت أي مجهود ولعب الطفل بيقوم بيه.
العلاج: عن طريق استخدام بخاخات موسعات الشعب وأدوية مضادة للالتهاب.
السعال الديكي Pertussis:
بيكون على شكل نوبات، وغالبا بيكون معاه احمرار في الوجه والتقيؤ، وبيستمر من شهرين لـ 6 شهور.
العلاج: بيكون باستخدام المضادات الحيوية وبيتم التشخيص عن طريق فحص الدم.
التهابات فيروسية viral disease:
بتيجي للأطفال، عادة، خلال أول سنتين من حياتهم وبتكون مصحوبة بسيلان الأنف والكحة وأوقات بيكون معاها ارتفاع بسيط في درجة حرارة الجسم.
العلاج: بتختفي بشكل تلقائي مع الوقت وفي الغالب مش بتحتاج علاج غير أدوية الكحة الفعالة لتخفيف الأعراض.
مصادر:
MAT-EG-2000581 الكود
التعليق باستخدام حساب فيس بوك