محتويات المقال
لو إنتي بترضعي طبيعي فلازم تعرفي إن فيه أنواع أكلات ممنوعة أثناء الرضاعة الطبيعية لأنها ممكن تسبب لطفلك المغص أو الغازات وحتى الأرق، وكمان التغيير في طعم اللبن ممكن يخلي ابنك أو بنتك يرفض الرضاعة وفي الموضوع ده هنعرفك على بعض من أنواع الأكل والأطعمة الممنوعة للأم المرضعة.
أطعمة وأكلات ممنوعة أثناء الرضاعة الطبيعية
- التومية.
- الفول.
- الشوكولاتة.
- المخللات.
- محشي الكرنب.
- البطاطس الشيبسي.
التومية
المصدر: أطيب طبخة – أكلات ممنوعة للأم المرضع
على الرغم من إن التوم بيبقى ليه فوايد مغذية كتير بس طعمه اللاذع اللي بيبقى موجود في التومية ممكن يغير طعم اللبن وممكن يخلي ابنك يرفض طعم اللبن المتغير عشان كده بننصحك بتجنب التومية أو الأكلات اللي بيبقى فيه توم كتير في العموم.
الفول
المصدر: المصري اليوم – أطعمة ممنوعة أثناء الرضاعة الطبيعية
الفول بردو من الأكلات المغذية بس ممكن تسبب إنتفاخات وغازات لابنك، عشان كده بننصحك إنه لو ظهرت أعراض الإنتفاخ أو المغص على طفلك إنك توقفي أكل الفول لمدة أسبوع وراقبي التغيرات اللي هتحصل لابنك.
ممكن تشوفي هنا طريقة عمل الفول المدمس في البيت لأولادك
الشوكولاتة
المصدر: Shutterstock – أكلات ممنوعة للأم المرضعة
الشوكولاتة من الأكلات الممنوعة للأم المرضع، وقفي أكل الشوكولاتة أثناء الرضاعة الطبيعية لو ظهرت على ابنك الأعراض دي:
- عدم الإرتياح والطفح الجلدي اللي ممكن يكون سببه حساسية من منتجات الألبان.
- الأرق والنشاط الزائد بسبب الكافيين.
لو أولادك بيحبوا الشوكولاتة .. فهنا طريقة عمل الكوكيز بحبيبات الشوكولاتة.
المخللات
المصدر: cookpad – أكلات ممنوعة للأم المرضعة
مش كل طفل ممكن تظهر عليه نفس الأعراض، فيه أمهات ممكن تاكل مخلل وقت الرضاعة الطبيعية وابنها ميظهرش عليه أي أعراض عدم إرتياح.. عشان كده بننصحك لو ظهرت أعراض غريبة على ابنك بعد ما تاكلي مخلل وقفيه وراقبي التغيرات اللي هيمر بيها ابنك.
جمعنا لك هنا دليل أشهر استشاريين الرضاعة الطبيعية في القاهرة.
محشي الكرنب
المصدر:lazezah.com – أكلات ممنوعة أثناء الرضاعة الطبيعية
محشي الكرنب يعتبر زي البروكلي والقرنبيط بيكون صعب هضمهم وممكن يأثر على ابنك ويسببله مغص أو إنتفاخات وغازات.
البطاطس الشيبسي
المصدر: projectay.com – أطعمة مضرة أثناء الرضاعة
الأكلات المصنعة زي الشيبسي لازم تتجنبيها في وقت الرضاعة الطبيعية بسبب المغص اللي بتسببه غير المواد المصنعة اللي بتبقى موجودة فيه اللي بتكون ضارة على صحة البيبي ونموه عشان كده الأكلات اللي بتبقى فيها مواد محفوظة يفضل إنك تتجنبيها وقت الرضاعة الطبيعية.
طبعًا مش كل الأطفال زي بعض وممكن بعض الأطفال تظهر عليها أعراض وأطفال تانية لأ.. وعشان كده بننصحك إنك تراقبي الأعراض اللي بتظهر على طفلك وتستشيري دكتور الأطفال لو حسيتي إن أبنك تعبان أو بتظهر عليه أعراض غريبة وقت الرضاعة الطبيعية.
التعليق باستخدام حساب فيس بوك