محتويات المقال
مفيش رمضان من غير كنافة، وهنلاقيها مش بس داخلة في أصناف حلويات رمضان بتاعتنا، لا دي كمان موجودة في الأغاني والإعلانات والأعمال الفنية، ودلوقتي بأه كل محل حلويات في رمضان بيبدع وبيخترع في طرق لعمل الكنافة بكل أنواع أنواعها بحيث تكون جديدة غير اللي متعودين عليها.
علشان كده هنقدملك هنا 5 طرق لعمل الكنافة في رمضان ,طرق جديدة وغير تقليدية وزي المحلات بالظبط:
طريقة عمل الكنافة النابلسية:
المصدر shutterstock – حلويات رمضان – الكنافة النابلسية
مقادير الكنافة النابلسية:
- 500 جرام كنافة.
- 500 جرام جبنة عكاوي محلاه.
- 3 كوب سمنة.
- صبغة كنافة.
- شربات خفيف.
- شربات سميك.
- فستق حلبي ناعم.
طريقة عمل الكنافة النابلسية:
- في إناء صغير صبي مقدار ١ كوباية سمنة على نار متوسطة لحد ما تدوب وخليها على جنب.
- حطي الجبنة العكاوي في مصفاة لحد ما تنزل المياه اللي فيها تمامًا.
- في صينية واسعة قصيرة صبي ٢ كوباية سمنة، ضيفي كمية بسيطة من صبغة الكنافة.
- بأطراف صوابعك قلبي السمنة مع الصبغة ووزعيها في قاع الصينية.
- في طبق واسع أو صينية واسعة حطي الكنافة. وصبي السمنة الدايبة على الكنافة وقلبي بأطراف صوابعك علشان الكنافة بالسمنة كويس.
- وزعي كمية الكنافة على السمنة في الصينية لتغطي القاع تمامًا.
- إضغطي بخفة على الكنافة علشان تتماسك وتتكون قاعدة متساوية السطح.
- وزعي الجبنة على طبقة الكنافة.
- ارفعي الصينية على نار متوسطة. إبدأي بتحريك صينية الكنافة على النار بحركة دائرية لمدة دقائق لحد ما الجبنة تدوب والكنافة تتحمص.
- مباشرة إقلبي صينية الكنافة في طبق للتقديم. وزعي الشربات على الكنافة حسب الرغبة وزيني بالفستق الحلبي الناعم.
- قدمي الكنافة النابلسية ساخنة مع شربات زيادة في إناء جانبي.
طريقة عمل الكنافة بالكريمة
مقادير الكنافة بالكريمة:
- 1/2 ك كنافة
- الشربات السابق إعداده ويكون بارد
- القشطة كريم السابق إعدادها وتكون باردة
- سمنة سايحة حسب الحاجة
تقدري تشوفي خطوات عمل الكنافة بالكريمة وطرسقة عمل شربات الكنافة هنا بالتفصيل
طريقة عمل الكنافة بالبلح:
المصدر وصفات ماما – حلويات رمضان – الكنافة بالبلح
مقادير الكنافة بالبلح:
- نص كيلو كنافة.
- نص كوب سكر بودرة.
- كوب سمنه.
- ربع كيلو عجوة.
- نص كوب كريمة لباني.
- ماء.
- شربات.
طريقة عمل الكنافة بالبلح:
- قلبى الكنافة فى السمنة على النار وضيفى السكر مع شوية مياه.
- إخلطي العجوة مع 2 ملعقة كبيرة من السمنة السايحة على النار وضيفى القليل من الماء والكريمة.
- إخلطي خليط الكنافة مع خليط العجوة وضيفي حسب الرغبة مقدار من الشربات.
- شكلي الكنافة بعد أن تهدأ هلى شكل كور وقدميها فى الورق الملون.
كنافة حادقة بالجبنة الرومي والبسطرمة:
المصدر cbc سفرة – كنافة بالجبنة الرومي
مقادير الكنافة الحادقة بالجبنة الرومي:
- كنافة.
- سمنة.
- بسطرمة.
- جبنة رومي.
- جبنة موتزاريلا.
- بيضة.
- لبن.
- ملح.
- فلفل أسود.
طريقة عمل الكنافة الحادقة بالجبنة الرومي:
- إخلطي الكنافة المفتتة مع السمنة السايحة.
- شكلي من الخليط طبقة فى صينية وإضغطى عليها.
- رصي البسطرمة والجبنة الرومي.
- إخلطى اللبن مع البيضة والملح والفلفل الأسود.
- ضيفى خليط اللبن للكنافة.
- ضيفي الجبنة الموتزاريلا على الوش.
- دخلى الكنافة الفرن لحد ما تستوي وقدميها.
طريقة عمل الكنافة بالنوتيلا:
مقادير الكنافة بالنوتيلا:
- ٧٥٠جرام نوتيلا.
- ٥٠٠ جرام عجينة الكنافة.
- للقلي: زيت ذرة.
للتقديم:
- شراب سكر (حسب المذاق).
- فستق حلبي.
- زهر الليمون.
طريقة عمل الكنافة بالنوتيلا:
- في قلاية واسعة سخني الزيت على نار متوسطة.
- نستعمل قطاعة بسكويت معدنية أو حلقة بقطر ٩ سم.
- حطي القطاعة على ملعقة مسطحة مع عجينة الكنافة.
- حطي المعلقة والقطاعة في الزيت لحد ما تتحول الكنافة للون الدهبي.
- طلعيها من الزيت وحطيها على مناديل مطبخ أو ورق زبدة وسيبيها تبرد.
- حطي النوتيلا في كي الحلواني ووزعي النوتيلا على قرص الكنافة وحطي فوقه قرص تاني.
- زيني بالفستق المطحون والشربات وقدميها.
طريقة عمل كنافة اللوتس:
مقادير كنافة الللوتس:
- 3/4 كوب زبدة دايبة.
- 250 جرام عجينة كنافة.
للآيس كريم:
- 500 جرام آيس كريم بالفانيلا.
لتزيين الكنافة:
- 1/2 عبوة بسكويت اللوتس، مفتفت.
- 1/2 كوب معجون بسكويت اللوتس.
طريقة عمل كنافة اللوتس:
تحضير قشرة الكنافة:
- وزعي عجينة الكنافة في صينية الكاب كيك وادهني تدهن بالزبدة، واخبزيها على حرارة 190 درجة مئوية، لحد ما يكون لونها دهبي.
طريقة حشوة كنافة اللوتس:
- دوبي معجون بسكويت اللوتس في المايكرويف لـ30-45 ثانية لحد ما يكون رقيق ودافي، وقلبيه كويس.
- ضيفي بولة آيس كريم على كل قشرة كنافة.
- رشي نص كمية البسكوت المفتت على الآيس كريم.
- رشي معجون اللوتس على وش كل كوباية كنافة.
- ارجعي رشي بقية كمية البسكوت المفتت على الكنافة.
بتحبي البسبوسة فـ هنا طريقة عمل البسبوسة بالقشطة من منال العالم هتعجبك جدا
لو فيه طرق لعمل الكنافة في البيت جربتيها وطلعت حلوة قولي لنا عليها .. وكل سنة وأنتم طيبين.
التعليق باستخدام حساب فيس بوك