عشان المعرفة أهم سلاح لأي أم، وعشان تكوني مستعدة لأيام الأمومة ولياليها ومآسيها، وعشان برضه ما تظلميش التربية الإيجابية وتقولي إنها بتطلع عيال متدلعة ومش قد المسؤولية، جيبنا لك النهارده 5 كتب هم أهم كتب تربية الأطفال لازم تقريهم لو أم جديدة أو حامل أو حتى لو أم لأطفال كبار.
ممكن تشوفي هنا أفضل طرق عقاب الأطفال الصحية حسب كل سن
أهم كتب تربية الأطفال
- Positive Discipline from A-Z
- Five Love Languages of Children
- How to Talk so Kids Will Listen
- No-Drama Discipline
- Siblings without Rivalry
- The Whole Brain Child
- Raising an Emotionally Intelligent Child
Positive Discipline from A-Z
لكاتبته “جين نيلسن”، من أهم وأعظم كتب التربية، واللي كتبته هي مؤسسة المؤسسة الأميريكية للتربية الإيجابية، مليان بالأدوات اللي تساعدنا في مواقفنا اليومية مع ولادنا، وميزته إنه بيشرح أسباب سوء سلوك الطفل والسبب اللي ورا تصرفاتهم ده مش مجرد بيدينا tips لحل المشاكل.
كتب تربية الأطفال
Five Love Language of Children
الكتاب ده من الكتب المميزة جدًا والضرورية لكل أم، لإن الكاتب بيشرح فيه طريقة تعبير كل طفل عن حبه والطريقة المناسبة لشخصيته عشان نوصل له بيها اهتمامنا وحبنا، لإن أوقات بنكون بنعمل لولادنا كل حاجة، ومتخيلين إنهم بكده حاسّين بحبنا واهتمامنا وهم يكونوا محتاجبن حاجة مختلفة خالص.
كتب تربية الأطفال
How to Talk so Kids Will Listen
الكتاب ده بالنسبة لي سحر بجد، مليان مواقف وسيناريوهات بتبين لك الفرق في رد فعل الأطفال لما بنغير طريقة كلامنا وتعاملاتنا معاهم، وكتاب حقيقي عملي جدًا وواقعي، تقدري تطبقي اللي فيه بسهولة مع ولادك وتشوفي نتايج هايلة.
كتب تربية الأطفال
No-Drama Discipline
أما بقى الكتاب ده، فصديقي والمفضل عندي واللي بانصح بيه أي أم عندها طفل صغير toddler لإنه بيكلمنا من البداية خالص عن سبب نوبات الغضب وامتي الطفل بيلجأ لها. وبيدينا تمرينات عملية عن تغيير طريقة استقبالنا للتصرفات دي وازاي نبقى أهدى، فينعكس على ولادنا.
كتب تربية الأطفال
Siblings without Rivalry
الكتاب ده هو دليلك العملي لخناقات ولادك، الجميل فيه إنه بيشرح بطريقة بسيطة امتى نتدخل بين ولادنا لما يتخانقوا وامتي نسيبهم يتعاملوا مع بعض وازاي نستقبل الخناقات ده من غير توتر ولا ضغط علي أعصابنا.
كتب تربية الأطفال
هنا ممكن تشوفي تربية البنات: 10 حاجات ما ينفعش تربي بنتك من غيرهم
The Whole Brain Child
الكتاب العبقري اللي بيشرح لنا تكوين مخ الطفل ومراحل نموه وطريقة تفكيره، وبعد ما بتقري الكتاب ده، هتبقي قادرة تحددي إيه سبب تصرفات ولادك دي وردود أفعالهم وازاي تتعاملي مع التغييرات اللي بيمروا بيها.
كتب تربية الأطفال
Raising an Emotionally Intelligent Child
وأخيرًا الكتاب اللي ما ينفعش نعديه من غير ما نتكلم عن أهميته لكل أم أو لكل مقدم رعاية بيتعامل مع الأطفال، لإنه بيقدم لنا ازاي نقدر نكون المدرب العاطفي لأطفالنا ونساعدهم يفهموا مشاعرهم ويتعاملوا معاها بطريقة صحية.
أشهر أسلوب خاطئ في تربية الأطفال .. “اللي يضربك اضربه”
التعليق باستخدام حساب فيس بوك