محتويات المقال
بالرغم من إن أمهات كتير بتفتكر إن وزن المولود علامة على الصحة الكويسة إلا إن المعتقد ده مش صح في كل الحالات، فيه بعض حالات الحمل بتسبب في زيادة وزن الجنين في فترة الحمل وممكن يسبب مخاطر في الولادة وفي المقال ده هنعرفك على أشهر حالات الحمل اللي بتسبب زيادة وزن الجنين والمخاطر اللي بتسببها حالات زيادة الوزن.
حالات الحمل اللي بتسبب زيادة وزن الجنين :
- طول قامة الأم.
- لو الجنين ولد فأجسامهم بتكون أكتر عرضة لزيادة الوزن من الأجنة البنات.
- لو ده الحمل التاني أو متكرر، فرصة زيادة وزن الجنين بتزيد مع كل حمل جديد.
- لو الحمل السابق الجنين كان عنده زيادة في الوزن.
- لو الحمل استمر أطول من الفترة الطبيعية.
- لو الأم مصابة بالسكري في فترة الحمل.
- لو الأم وزنها زائد أو زادت وزن كتير في فترة الحمل.
- لو الأم عندها 35 سنة أو أكبر.
إمتى الجنين بنقول عليه وزنه زائد؟
- أكتر من 9 من كل 10 أطفال بيتولدوا عند الولادة (37 إلى 40 أسبوعًا) بين 2.5 كجم و 4.5 كجم، فإذا كان طفلك وزنه 4.5 كجم أو أكثر عند الولادة، فكده يعتبر وزنه أكبر من المعتاد.
- لو كان وزنه أقل من 2.5 كجم ، فبيعتبر أصغر من المعتاد.
مخاطر ولادة طفل زائد الوزن :
- معظم الأطفال الكبار اللي بيزيد وزنهم عن 4.5 كيلوجرام ولادتهم مش بتبقى صعبة، بس لسه فيه بعض المخاطر المرتبطة لولادة طفل كبير في الوزن.
- وقت المخاض ممكن يطول أكتر من المعتاد ومحمتمل يحصل بعض المضاعفات لا قدر الله، وفيه خطر متزايد لاستخدام الشفاط (الجفت) أو ولادة بتدخل شديد من الطبيب أو ولادة قيصرية.
- الأطفال اللي بيكون وزنهم زائد ممكن يتولدوا عن طريق الولادة الطبيعية، لكن يفضل المتابعة مع دكتور النسا المختص عشان يقدر يوفر الرعاية الصحية المناسبة والممكنة في حالة إن الأمور مش مستقرة أو حصل أي مضاعفات.
- بنفكرك إن كل حالة حمل وولادة فريدة من نوعها وكل جسم غير التاني فلو وزن طفلك زائد اتكلمي مع دكتور النسا للإطمئنان على حالتك وعشان تقدري تعرفي أفضل مكان للولادة.
المصدر:
التعليق باستخدام حساب فيس بوك