التغذية السليمة للطفل هي مفتاح الصحة من الولادة للبلوغ. أول تلات سنين في حياة الطفل بشكل خاص مهمين جدًا والتغذية فيهم بتلعب دور محوري في تقليل احتمالية المرض المزمن بجانب تعزيز التطور العقلي والجسدي بحسب منظمة الصحة العالمية.[1]
منظمة الصحة العالمية واليونيسيف بينصحوا كل أم بمجموعة نصايح لتغذية الأطفال من عمر السنة لسنتين
- استكملي الرضاعة بشكل متكرر وكل ما يطلبه الطفل الرضيع لحد عمر سنتين
“توصي اليونيسف ومنظمة الصحة العالمية بالرضاعة الطبيعية الحصرية خلال الأشهر السّتة الأولى من حياة الطفل”
- ركزي في وقت أكل الرضيع: لو عندك أكتر من طفل، ساعدي الأطفال الأكبر لكن خلي إطعام الرضيع أولوية وخلي تركيزك الأكبر معاه: أكليه بالراحة وبصبر وشجعيه ياكل ما تغصبيهوش ياكل: يعني الترغيب مش الترهيب.
- لازم تحافظي على نضافة المكان اللي بياكل فيه الرضيع، والطبق اللي بياكل فيه، والأكل نفسه.
- حافظي على التنوع في الأكل.
- عدد مرات أكل الطفل الأكبر من سنة هو 3-4 وجبات يوميًا، مع مرة أو اتنين سناك لو احتاج.
- استخدمي أطعمة مكمّلة معززة، أو مكملات غذائية من الفيتامينات والمعادن، بعد الرجوع لطبيبك.
- في وقت مرض الرضيع، زودي السوائل بما فيها الرضاعة الطبيعية واديه أطعمته الطرية المفضلة.[2]
ملخص تغذية الرضيع
اليونيسيف بينصح بوضوح شديد إن الأطفال كلها تكون المصدر الوحيد لتغذيتها الرضاعة الطبيعية من سن يوم لسن 6 شهور. ومن عمر 6 شهور، تقدري تدخلي مصادر تغذية أخرى مع الحفاظ على استمرار الرضاعة الطبيعية. جسم الرضيع هيبدأ يتطلب مواد أكبر من اللي يقدر يقدمها لبن الأم وعشان كده ابتدي دخلي له – مع الرضاعة الطبيعية – طعام صلب أو شبه صلب أو طري. ده هيساعد على تطورهم الذهني والجسدي.[3]
DNAO SAS – RCS Lyon 517 441 820 – Limonest BA21 – 515
[1] Infant and young child feeding. (n.d.). Retrieved August 15, 2021, from https://www.who.int/news-room/fact-sheets/detail/infant-and-young-child-feeding
[2] Ibid, Infant and young child feeding. (n.d.). Retrieved August 15, 2021, from https://www.who.int/news-room/fact-sheets/detail/infant-and-young-child-feeding
[3] Infant and young child feeding. (2021, July 12). Retrieved August 15, 2021, from https://data.unicef.org/topic/nutrition/infant-and-young-child-feeding/
التعليق باستخدام حساب فيس بوك