اللغة الإنجليزية مش علامة تحضر ورقي، ولا حاجة بتميز مستوى اجتماعي عن التاني، لكنها دلوقتي ضرورة في كل حاجة، لإنها اللغة العالمية الأولى ولغة العلم. فإن آجلا أو عاجلا ولادنا لازم يحتاجوها، ويحتاجوا يكونوا متعلمينها كويس جدًا نطق وكتابة وقراءة. وللأسف، المدارس المعتمدة على التدريس باللغة العربية مش بتدي اهتمام مناسب بـ تعليم الإنجليزية، علشان كده لو أطفالك في مدرسة عربي، هتحتاجي انتي تبذلي مجهود في تقوية الإنجليزي بتاعهم، وده يكون عن طريق الكورسات، أو التعلم الذاتي بمساعدتك، ودلوقتي هنساعدك وهنقولك على أهم 5 قنوات على اليوتيوب لتعليم الأطفال اللغة الإنجليزية:
-
قناة المركز الثقافي البريطاني
وأهمية القناة دي جاية من إنها القناة الرسمية للمركز الثقافي البريطاني، فبيكون التعليم بناءًا على خطة أكاديمية، وبنطق صحيح، وتعليم على أصوله فعلا.
-
Patty Shukla Kids TV
ودي قناة لطيفة قوي، لمدرسة بتعلم الأطفال الإنجليزي عن طريق الأغاني، ودي طريقة محببة جدًا للأطفال وخصوصًا في السن الصغير.
5 حاجات هتخلي ولادك يتكلموا عربي كويس
-
Wolfoo Channel
وهي قناة تعليم أطفال من خلال القصص والمواقف واللعب برسوم كرتونية حلوة جدًا، وميزتها إن كل فيديو في القناة قصير، وده بيخلي الطفل ما يزهقش وما يحس إنه قاعد يتعلم.
-
Khan Academy Kids
وهو تطبيق (أبلكيشن) لتعليم اللغة الإنجليزية للأطفال، ولهم قناة على اليوتيوب تقدري تستفيدي منها لو مش حابه تنزلي التطبيق.
-
peppa pig
مع إن أمهات كتير فاكرينه كرتون عادي زي باقي الحاجات اللي الأطفال بيتفرجوا عليها، إلا إنه مصدر حقيقي لتعليم اللغة الإنجليزية باللكنة البريطانية، وكلامه بطيء وواضح للطفل، وده هيخليه يكتسب اللغة بسلاسة وهو فاهم كويس، وميزته إن فيديوهات قصيرة فالطفل ما يملش منها، وفيه موضوعات كتير متنوعة وعدد حلقات كبير جدًا، بس في بعض الأمهات مش بيحبوه لإن الشخصيات الأساسية فيه هو “الخنزير” وبالصوت اللي بيعمله، بس برأيي لو الأم ما حطتش خط لطفلها على موضوع الصوت ده، هو مش هياخد باله.
5 أفكار مبتكرة لتجهيز مساحة مذاكرة مشجعة للأولاد
