محتويات المقال
نايكي يوم عن يوم بيوفوا احتياجات كل أم، مش بس الستات اللي بتحب الرياضة، إنما كل ست محجبة عملت لها بوركيني، ودلوقتي كمان كل أم حامل، عملت لها لبس رياضي مناسب للحوامل، وللأمهات في وقت النفاس.
رحلة التصميم
عشان نايكي تخلق الخط ده، سألت ١٥٠ ألف ست حامل وأم جديدة عن طلباتها وتوقعاتها. وكل ما كانوا بيكلموا أمهات أكتر، كل ما كانوا ببتعلموا أكتر فبيحسنوا المنتج أكتر وأكتر. مش بس كده، نايكي فضلوا يطوروا خط الإنتاج لمدة ٣ سنين وجربوا ٧٠ ماتيريال (خامة) في التصنيع لحد ما وصلوا لأفضل ٩ خامات.
لو عايزة تشتري بوركيني، ادخلي هنا وهتلاقي ١٠ أماكن بيع مايوه شرعي أونلاين.
رأي نايكي في خط الإنتاج
كارمن زولمان، مديرة التصميم في نايكي بتقول إنه مشروع العمر لما يشتغلوا على خط إنتاج زي ده بيؤكد دعم نايكي للستات في كل حالاتهم في علاقتهم بالرياضة، خصوصًا في نقطة تحول زي الحمل والولادة.
وبتقول إن فيه أسباب كتير بتصعّب الالتزام بالرياضة في فترة الحمل والولادة وما بعدها، لكن نايكي مش هيسيبوا ده يكون عائق في مسيرة الرياضيات.
رأي الأم الرياضية أليكس مورجان في خط نايكي الجديد
أليكس مورجان، في الصورة، مهاجمة المنتخب الأمريكي لكرة القدم، بتقول إن أصعب حاجة خلال حملها كان مش بس النقلة الجسدية اللي حصلت لها بسبب تغيرات الجسم، لكن كمان النقلة العقلية اللي كان لازم تعملها بنفسها. كانت في الأول بتقول “أنا بقيت أبطئ” و”أنا بقيت باتعب بسرعة قوي” وبعدين غيرتها لـ”فيه جنين بيكبر جوايا. لازم أسامح نفسي وأسامح جسمي، واستمتع بالوقت ده جدًا”.
واحنا مع الكابتن أليكس بنقول لكل أم حامل إنك لازم تحبي جسمك وتحبي نفسك، وترحمي جسمك حلال فترة الحمل وتفتكري دايمًا إن دلوقتي جواكي مصنع صغير بيعمل إنسان، فيه أعظم من كده؟
التعليق باستخدام حساب فيس بوك